Enteekateeka Y’enkuŋŋaana Z’obuweereza

Wiiki Etandika Agusito 14

Oluyimba 71

Ddak. 15: Ebirango by’ekibiina. Mukubaganye ebirowoozo ku “Programu Empya ey’Olukuŋŋaana olw’Olunaku Olumu.” Bategeeze ennaku z’omwezi olukuŋŋaana we lunaabeererawo bw’oba ozimanyi. Ng’okozesa ennyanjula eziri ku lupapula 4 oba endala ezituukana n’ekitundu kyammwe, laga engeri y’okugabamu Watchtower aka Jjulaayi 15 ne Awake! aka Jjulaayi. Mu kimu ku byokulabirako, laga engeri y’okukwatamu omuntu agamba nti “Saagala Bajulirwa ba Yakuwa.”​—Laba akatabo Reasoning, lup. 17-18.

Ddak. 15: Osobola Okuzzaamu Abalala Amaanyi Bulijjo. (Bar. 1:11, 12) Kwogera n’okukubaganya ebirowoozo n’abawuliriza. Yogera omuwendo gwa bapayoniya aba bulijjo be mulina mu kibiina. Yogera ku ngeri gye tuyinza okubazzaamu amaanyi, gamba ng’okubasiima, okwogera obulungi ku buweereza obwo, okubuulira nabo, okubayita ne tulya nabo, n’okubayamba mu by’entambula. Saba bapayoniya boogere ku ngeri abalala gye babazizzaamu amaanyi. Mu kibiina bwe muba temuli bapayoniya ba bulijjo, mukubaganye ebirowoozo ku ngeri gye tusobola okuzzaamu amaanyi abo abaweereza nga bapayoniya abawagizi.

Ddak. 15: Omukwano n’Abo Be Tusoma Nabo Gulina Kukoma Wa? Kwogera n’okukubaganya ebirowoozo n’abawuliriza nga kwesigamiziddwa ku Awake! aka Apuli 2006, olupapula 17-19. Saba abo abaakuzibwa abazadde Abakristaayo boogere ku ngeri bazadde baabwe gye baabayambamu okwewala okukola emikwano egy’oku lusegere n’okussa mu kola emisingi gya Baibuli nga bali ku ssomero. Omuntu omu oba babiri bayinza okuteekateeka eby’okuddamu nga bukyali.

Oluyimba 72 n’okusaba okufundikira.

Wiiki Etandika Agusito 21

Oluyimba 29

Ddak. 10: Ebirango by’ekibiina n’ebirala okuva mu Obuweereza Bwaffe obw’Obwakabaka. Mukubaganye ebirowoozo ku “Programu Empya ey’Olukuŋŋaana lw’Ekitundu” era babuulire ennaku z’omwezi we lunaabeererawo bw’oba ozimanyi.

Ddak. 15: Engeri y’Okuganyulwa mu Kusoma Omunaala ne mu Kwogera kwa Bonna. Kwogera n’okukubaganya ebirowoozo n’abawuliriza nga kwesigamiziddwa ku katabo Organized to Do Jehovah’s Will, olupapula 59 okutuuka ku mutwe omutono oguli ku lupapula 64.

Ddak. 20: Kola Enteekateeka Kati Okuweereza nga Payoniya Omuwagizi! Kwogera n’okukubaganya ebirowoozo n’abawuliriza. Kubiriza bonna okussaawo ekiruubirirwa eky’okuweereza nga payoniya omuwagizi waakiri omulundi gumu mu mwaka gw’obuweereza ogujja. (1 Kol. 9:26) Kino abamu bayinza okusalawo okukikola mu myezi omuli kaweefube ow’enjawulo, egyo omuli ennaku ez’okuwummula oba egyo omuli wiikendi etaano. Buuza abawuliriza ebibuuzo bino: “Mwasobola mutya okuvvuunuka ebyo ebyandibalemesezza okukola nga bapayoniya abawagizi? Mikisa ki gye mwafuna? Bw’oba oyagala okukola nga payoniya naye nga teweekakasa, lwaki wandikitadde mu kusaba? (Bik. 4:29; 2 Kol. 4:7; Yak. 1:5) Ate era lwaki kirungi okwogerako n’ab’omu maka go n’abalala mu kibiina, naddala abo bwe mufaananya embeera? (Nge. 15:22) Oteekateeka kuweereza ddi nga payoniya omuwagizi?”

Oluyimba 52 n’okusaba okufundikira.

Wiiki Etandika Agusito 28

Oluyimba 64

Ddak. 10: Ebirango by’ekibiina. Soma alipoota y’eby’embalirira n’ebbaluwa eraga nti ssente ezaaweebwayo ku sosayate zaatuuka. Jjukiza ababuulizi okuwaayo lipoota zaabwe ez’obuweereza eza Agusito. Ng’okozesa ennyanjula eziri ku lupapula 4 oba endala ezituukana n’ekitundu kyammwe, laga engeri y’okugabamu Watchtower aka Agusito 1 oba Awake! aka Agusito ng’omubuulizi abutwalidde oyo asoma magazini zaffe bulijjo.

Ddak. 15: “Awake! ey’Enjawulo ey’Okugaba mu Ssebutemba.”a Bw’otuuka ku katundu 4, laga ekyokulabirako ng’omuvubuka agabira omusomesa we Awake! eya Ssebutemba.

Ddak. 20: Osobola Okubaako ne gw’Otandika Okuyigiriza Baibuli mu Ssebutemba? Kwogera n’okulaga ebyokulabirako. Mu Ssebutemba tujja kufuba okutandika okuyigiriza abantu Baibuli ku mulundi ogusooka, nga tukozesa akatabo Baibuli Ky’Eyigiriza. Kino kitegeeza nti bwe tunaaba tugabira omuntu akatabo ako, tujja kufuba okubaako n’obutundu bwe tukubaganyaako naye ebirowoozo. Laga ebyokulabirako bibiri ng’okozesa ebyo ebiri mu katabo ebituukana n’ekitundu kyammwe. Mu buli kyakulabirako, omubuulizi akole enteekateeka okuddayo eri oyo gwe yawa akatabo asobole okweyongera okukubaganya naye ebirowoozo.

Oluyimba 16 n’okusaba okufundikira.

Wiiki Etandika Ssebutemba 4

Oluyimba 1

Ddak. 10: Ebirango by’ekibiina n’Amawulire ga Teyokulase.

Ddak. 15: Ebyetaago by’ekibiina.

Ddak. 20: “Faayo ku Bantu​—Ng’Obuulira Awatali Kusosola”b Bwe muba mukubaganya ebirowoozo ku Abaruumi 1:14, mu katundu 2, yogera mu bufunze ku ebyo ebiri mu Insight, Omuzingo 1, olupapula 255, akatundu akasooka akali wansi w’omutwe “Barbarian,” bwe muba mugirina. Nga mumaze okukubaganya ebirowoozo ku katundu 3, yogera ku mitendera esatu egiri ku lupapula 2 mu katabo Good News for People of All Nations, era olage engeri y’okukakozesa ng’osanze abantu aboogera olulimi olulala.

Oluyimba 13 n’okusaba okufundikira.

[Obugambo obuli wansi]