1 Kronikul
24 Na dɛn wan dɛn ya bin de na Erɔn in pikin dɛn grup dɛn: Erɔn in bɔypikin dɛn na bin Nedab, Abayu,+ Ɛlieza, ɛn Itama.+ 2 Bɔt Nedab ɛn Abayu bin day bifo dɛn papa,+ ɛn dɛn nɔ bin gɛt ɛni bɔypikin dɛn; bɔt Ɛlieza+ ɛn Itama kɔntinyu fɔ bi prist dɛn. 3 Na Devid ɛn Zedɔk+ we kɔmɔt frɔm Ɛlieza in famili layn ɛn Aimilɛk we kɔmɔt frɔm Itama in famili layn mek di grup dɛn fɔ dɛn akɔdin to di wok dɛn we dɛn fɔ du. 4 Bikɔs Ɛlieza in bɔypikin dɛn bin gɛt bɔku edman dɛn pas Itama in bɔypikin dɛn, na so dɛn bin sheb dɛn: Ɛlieza in bɔypikin dɛn bin gɛt 16 pipul dɛn we de bifo na dɛn papa say, ɛn Itama in bɔypikin dɛn bin gɛt 8 pipul dɛn we de bifo na dɛn papa say.
5 Dɔn bak, dɛn balɔt+ fɔ ɔl tu di grup dɛn, bikɔs frɔm Ɛlieza in bɔypikin dɛn ɛn frɔm Itama in bɔypikin dɛn, dɛn bin gɛt edman dɛn fɔ di oli ples ɛn edman dɛn fɔ di tru Gɔd. 6 Dɔn Shimaya we na Nɛtanɛl in bɔypikin ɛn we na sɛktri fɔ di Livayt dɛn, rayt dɛn nem dɛn bifo di kiŋ, di prins dɛn, Zedɔk+ di prist, Aimilɛk+ we na Abayata+ in bɔypikin, ɛn di wan dɛn we de bifo na dɛn papa say fɔ di prist dɛn ɛn di Livayt dɛn. Dɛn pik wan famili na di papa say fɔ Ɛlieza ɛn wan fɔ Itama.
7 Di fɔs balɔt kɔmɔt fɔ Jɛoayrib; di sɛkɔn wan kɔmɔt fɔ Jideya, 8 di tɔd wan kɔmɔt fɔ Erim, di nɔmba 4 kɔmɔt fɔ Siorim, 9 di nɔmba fayv kɔmɔt fɔ Malkayja, di nɔmba siks kɔmɔt fɔ Mijamin, 10 di nɔmba sɛvin kɔmɔt fɔ Akɔz, di nɔmba et kɔmɔt fɔ Abayja,+ 11 di nɔmba nayn kɔmɔt fɔ Jɛshwa, di nɔmba tɛn kɔmɔt fɔ Shɛkanaya, 12 di nɔmba 11 kɔmɔt fɔ Ilayashib, di nɔmba 12 kɔmɔt fɔ Jekim, 13 di nɔmba 13 kɔmɔt fɔ Ɔpa, di nɔmba 14 kɔmɔt fɔ Jeshɛbiab, 14 di nɔmba 15 kɔmɔt fɔ Bilga, di nɔmba 16 kɔmɔt fɔ Ima, 15 di nɔmba 17 kɔmɔt fɔ Iza, di nɔmba 18 kɔmɔt fɔ Apizɛs, 16 di nɔmba 19 kɔmɔt fɔ Pɛtaaya, di nɔmba 20 kɔmɔt fɔ Jɛɛzkɛl, 17 di nɔmba 21 kɔmɔt fɔ Jekin, di nɔmba 22 kɔmɔt fɔ Gemɔl, 18 di nɔmba 23 kɔmɔt fɔ Dileya, ɛn di nɔmba 24 kɔmɔt fɔ Meazaya.
19 Dis na di wok dɛn we dɛn bin de du+ we dɛn kam na Jiova in os akɔdin to aw Erɔn we na dɛn gret gret granpa bin de du jɔs lɛk wetin Jiova, we na Izrɛl in Gɔd, bin dɔn tɛl am.
20 Ɛn frɔm di balans Livayt dɛn: frɔm Amram+ in bɔypikin dɛn, dɛn bin gɛt Shubaɛl;+ frɔm Shubaɛl in bɔypikin dɛn, dɛn bin gɛt Jedia; 21 frɔm Reabaya+ in bɔypikin dɛn, dɛn bin gɛt Ishaya we na di edman; 22 frɔm di Izarayt dɛn, dɛn bin gɛt Shilɔmɔt;+ frɔm Shilɔmɔt in bɔypikin dɛn, dɛn bin gɛt Jeat; 23 frɔm Ibrɔn in bɔypikin dɛn, dɛn bin gɛt Jɛraya+ we na edman, Amaraya bin de sɛkɔn to am, Jeazaɛl bin de tɔd to am, di nɔmba 4 na bin Jɛkamiam; 24 frɔm Ɔziɛl in bɔypikin dɛn, dɛn bin gɛt Mayka; frɔm Mayka in bɔypikin dɛn, dɛn bin gɛt Shemia. 25 Mayka in brɔda na bin Ishaya; frɔm Ishaya in bɔypikin dɛn, dɛn bin gɛt Zakaraya.
26 Mɛraray+ in bɔypikin dɛn na bin Malay ɛn Mushay; frɔm Jaazaya in bɔypikin dɛn, dɛn bin gɛt Binɔ. 27 Frɔm Mɛraray in bɔypikin dɛn, dɛn bin gɛt Jaazaya, Jaazaya in bɔypikin dɛn na bin Binɔ, Shoam, Zakɔ, ɛn Ibray; 28 frɔm Malay in bɔypikin dɛn, dɛn bin gɛt Ɛlieza we nɔ bin gɛt no bɔypikin;+ 29 frɔm Kish in bɔypikin dɛn, dɛn bin gɛt Jiramiɛl; 30 ɛn Mushay in bɔypikin dɛn na bin Malay, Ida, ɛn Jɛrimɔt.
Dɛn wan ya na Livay in bɔypikin dɛn bay dɛn famili na dɛn papa say. 31 Ɛn dɛn balɔt+ jɔs lɛk aw dɛn brɔda dɛn we na Erɔn in bɔypikin dɛn bin balɔt bifo Kiŋ Devid, Zedɔk, Aimilɛk, ɛn di wan dɛn we de bifo na dɛn papa say fɔ di prist dɛn ɛn fɔ di Livayt dɛn. We i kam to di famili dɛn na dɛn papa say, dɛn bin de trit di big wan jɔs lɛk di smɔl wan.