1 Kronikul
23 We Devid bin dɔn ol ɛn di tɛm bin dɔn nia fɔ lɛ i day, i mek in bɔypikin Sɔlɔmɔn kiŋ na Izrɛl.+ 2 Na de i gɛda ɔl di prins dɛn na Izrɛl, di prist+ dɛn, ɛn di Livayt+ dɛn. 3 Dɛn kɔnt di Livayt dɛn we ol 30 ia te go ɔp;+ we dɛn kɔnt dɛn wan bay wan na bin 38,000. 4 Pan dis nɔmba, 24,000 pan dɛn bin de supavays di wok we dɛn bin de du na Jiova in os, 6,000 pan dɛn na bin ɔfisa dɛn ɛn jɔj+ dɛn, 5 dɔn 4,000 pan dɛn na bin getman+ dɛn, ɛn 4,000 pan dɛn bin de yuz instrumɛnt dɛn fɔ prez+ Jiova. Devid bin dɔn tɔk bɔt dɛn instrumɛnt dɛn de se: “A mek dɛn fɔ siŋ prez.”
6 Dɔn Devid arenj* di Livayt dɛn bay grup+ akɔdin to Livay in bɔypikin dɛn: Gashɔn, Koat, ɛn Mɛraray.+ 7 Frɔm di Gashɔnayt dɛn, dɛn bin gɛt Ledan ɛn Shimiay. 8 Ledan in bɔypikin dɛn na bin Jehaɛl we na di edman, Zitam, ɛn Joɛl,+ na bin dɛn tri. 9 Shimiay in bɔypikin dɛn na bin Shilɔmɔt, Eziɛl, ɛn Eran, na bin dɛn tri. Na dɛn wan ya bin de bifo na dɛn papa say na Ledan in famili. 10 Shimiay in bɔypikin dɛn na bin Jeat, Zayna, Jiɔsh, ɛn Bɛraya. Dɛn 4 na bin Shimiay in bɔypikin dɛn. 11 Jeat na bin dɛn lida ɛn Zayza bin de afta am. Bɔt bikɔs Jiɔsh ɛn Bɛraya nɔ bin gɛt bɔku bɔypikin dɛn, dɛn bin kɔnt dɛn as wan famili na dɛn papa say, ɛn dɛn bin de du di sem wok.
12 Koat in bɔypikin dɛn na bin Amram, Iza,+ Ibrɔn, ɛn Ɔziɛl,+ na bin dɛn 4. 13 Amram in bɔypikin dɛn na bin Erɔn+ ɛn Mozis.+ Bɔt dɛn bin dɔn pik+ Erɔn ɛn in bɔypikin dɛn fɔ wok na di Ples we Oli Pas Ɔl, fɔ mek sakrifays to Jiova, fɔ wok fɔ am, ɛn fɔ yuz in nem fɔ blɛs di pipul dɛn ɔltɛm.+ 14 As fɔ Mozis we na di tru Gɔd in savant, dɛn put in bɔypikin dɛn nem dɛn na di Livayt dɛn trayb. 15 Mozis in bɔypikin dɛn na bin Gashɔm+ ɛn Ɛlieza.+ 16 Frɔm Gashɔm in bɔypikin dɛn, Shɛbyuɛl+ na bin di lida. 17 Frɔm Ɛlieza in pikin* dɛn, Reabaya+ na bin di lida; Ɛlieza nɔ bin gɛt ɔda bɔypikin dɛn, bɔt Reabaya in bɔypikin dɛn bin rili bɔku. 18 Frɔm Iza in bɔypikin+ dɛn, Shilomit+ na bin di edman. 19 Ibrɔn in bɔypikin dɛn na bin Jɛraya we na di edman, Amaraya de sɛkɔn to am, Jeazaɛl bin de tɔd to am, ɛn di nɔmba 4 na bin Jɛkamiam.+ 20 Ɔziɛl in bɔypikin+ dɛn na bin Mayka di edman ɛn Ishaya bin de sɛkɔn to am.
21 Mɛraray in bɔypikin dɛn na bin Malay ɛn Mushay.+ Malay in bɔypikin dɛn na bin Ɛlieza ɛn Kish. 22 Ɛlieza day bɔt i nɔ bin gɛt bɔypikin dɛn, na galpikin dɛn nɔmɔ i bin gɛt. So Kish in bɔypikin dɛn, we na dɛn fambul* dɛn, bin mared dɛn. 23 Mushay in bɔypikin dɛn na bin Malay, Ida, ɛn Jɛrimɔt, na bin dɛn tri.
24 Dis na bin Livay in bɔypikin dɛn na dɛn papa say, di wan dɛn we de bifo na dɛn papa say. Dɛn bin rɛjista dɛn, kɔnt dɛn, ɛn put dɛn bay dɛn nem dɛn. Dɛn bin de du di wok dɛn na Jiova in os, frɔm di wan dɛn we ol 20 ia te go ɔp. 25 Devid bin dɔn tɔk se: “Jiova we na Izrɛl in Gɔd go mek in pipul dɛn blo,+ ɛn i go de na Jerusɛlɛm sote go.+ 26 Ɛn di Livayt dɛn nɔ go nid fɔ kɛr di tabanakul ɔ ɛniwan pan di tin dɛn we dɛn de yuz fɔ wɔship.”+ 27 Akɔdin to di las tin dɛn we Devid bin tɛl dɛn, dɛn fɔ kɔnt di Livayt dɛn we dɔn ol frɔm 20 ia te go ɔp. 28 Dɛn bin de fɔ ɛp Erɔn in bɔypikin+ dɛn fɔ du di wok dɛn na Jiova in os, fɔ de in chaj ɔf di kɔmpawn+ dɛn, di daynin rum dɛn, fɔ klin ɔl di oli tin dɛn, ɛn fɔ du ɛni wok we dɛn nid fɔ du na di tru Gɔd in os. 29 Dɛn bin de ɛp fɔ mek di bred we dɛn kin le pantap dɛn kɔmpin,*+ di fayn flawa fɔ di fud sakrifays, di bred dɛn we rili flat we nɔ gɛt yist,+ di gridul kek dɛn, di do we dɛn dɔn miks,+ ɛn fɔ mɛzhɔ ɔltin. 30 Ɛvri mɔnin,+ dɛn bin de tinap fɔ tɛl Jiova tɛnki ɛn fɔ prez am, ɛn dɛn bin de du di sem tin ivintɛm.+ 31 Dɛn bin de ɛp ɛnitɛm we dɛn de mek bɔn sakrifays to Jiova akɔdin to di nɔmba we dɛn fɔ gi di Livayt dɛn. Dɛn bin de du so ɔltɛm bifo Jiova. Dɛn bin de du dis di Sabat,+ di nyu mun,+ ɛn ɔl di tɛm dɛn we dɛn gɛt fɛstival.+ 32 Fɔ di wok dɛn we dɛn bin de du na Jiova in os, dɛn bin de kia fɔ di wok dɛn na di mitin tɛnt, di oli ples, ɛn fɔ dɛn brɔda dɛn we na Erɔn in bɔypikin dɛn.