1 Kronikul

25 Dɔn bak, Devid ɛn di lida dɛn na di grup dɛn fɔ di wok pik sɔm pan Esaf, Iman, ɛn Jedutɔn+ dɛn bɔypikin dɛn fɔ yuz ap dɛn, myuzik instrumɛnt dɛn we gɛt string,+ ɛn simbal*+ dɛn fɔ prez Gɔd.* Di wan dɛn we dɛn pik fɔ du dis wok na bin, 2 frɔm Esaf in bɔypikin dɛn, dɛn bin gɛt: Zakɔ, Josɛf, Nɛtanaya, ɛn Asharila. Na dɛn papa Esaf bin de dayrɛkt dɛn, ɛn na di kiŋ bin de dayrɛkt Esaf fɔ prɔfɛsay. 3 Frɔm Jedutɔn+ in bɔypikin dɛn, dɛn bin gɛt: Gɛdalaya, Ziray, Jɛsheya, Shimiay, Ashabaya, ɛn Matitaya,+ dɛn siks. Na dɛn papa we na Jedutɔn we bin de prɔfɛsay wit ap fɔ prez Jiova ɛn tɛl am tɛnki+ bin de dayrɛkt dɛn. 4 Frɔm Iman+ in bɔypikin dɛn, dɛn bin gɛt: Bɔkaya, Matanaya, Ɔziɛl, Shɛbyuɛl, Jɛrimɔt, Ananaya, Anenay, Ilayata, Gidaltay, Romamtay-iza, Jɔshbikasha, Malotay, Ota, ɛn Maeziɔt. 5 Ɔl dɛn wan ya na Iman in bɔypikin dɛn. Iman bin de si vishɔn fɔ di kiŋ we i kam to tin dɛn we gɛt fɔ du wit di tru Gɔd fɔ ɔnɔ am.* So di tru Gɔd bin gi Iman 14 bɔypikin dɛn ɛn 3 galpikin dɛn. 6 Na dɛn papa bin de dayrɛkt dɛn ɔl fɔ siŋ na Jiova in os wit simbal* dɛn, myuzik instrumɛnt dɛn we dɛn mek wit string, ɛn ap+ dɛn. Na da wok de dɛn bin de du na di tru Gɔd in os.

Na di kiŋ bin de dayrɛkt Esaf, Jedutɔn, ɛn Iman.

7 Dɛn ɛn in brɔda dɛn we dɛn bin tren fɔ siŋ to Jiova na bin 288, dɛn ɔl bin sabi siŋ. 8 So dɛn balɔt+ fɔ no di wok we di big wan ɛn di smɔl wan fɔ du, di wok we di wan dɛn we sabi ɛn di wan dɛn we de lan fɔ du.

9 Di fɔs wan kɔmɔt fɔ Esaf in bɔypikin we na Josɛf,+ di sɛkɔn wan kɔmɔt fɔ Gɛdalaya+ (in, in brɔda dɛn, ɛn dɛn bɔypikin dɛn, na bin dɛn 12); 10 di tɔd wan kɔmɔt fɔ Zakɔ+ in bɔypikin dɛn ɛn in brɔda dɛn, na bin dɛn 12; 11 di nɔmba 4 kɔmɔt fɔ Izray, in bɔypikin dɛn ɛn in brɔda dɛn, na bin dɛn 12; 12 di nɔmba fayv kɔmɔt fɔ Nɛtanaya,+ in bɔypikin dɛn ɛn in brɔda dɛn, na bin dɛn 12; 13 di nɔmba siks kɔmɔt fɔ Bɔkaya, in bɔypikin dɛn ɛn in brɔda dɛn, na bin dɛn 12; 14 di nɔmba sɛvin kɔmɔt fɔ Jɛsharila, in bɔypikin dɛn ɛn in brɔda dɛn, na bin dɛn 12; 15 di nɔmba et kɔmɔt fɔ Jɛsheya, in bɔypikin dɛn ɛn in brɔda dɛn, na bin dɛn 12; 16 di nɔmba nayn kɔmɔt fɔ Matanaya, in bɔypikin dɛn ɛn in brɔda dɛn, na bin dɛn 12; 17 di nɔmba tɛn kɔmɔt fɔ Shimiay, in bɔypikin dɛn ɛn in brɔda dɛn, na bin dɛn 12; 18 di nɔmba 11 kɔmɔt fɔ Azarɛl, in bɔypikin dɛn ɛn in brɔda dɛn, na bin dɛn 12; 19 di nɔmba 12 kɔmɔt fɔ Ashabaya, in bɔypikin dɛn ɛn in brɔda dɛn, na bin dɛn 12; 20 di nɔmba 13 kɔmɔt fɔ Shubaɛl,+ in bɔypikin dɛn ɛn in brɔda dɛn, na bin dɛn 12; 21 di nɔmba 14 kɔmɔt fɔ Matitaya, in bɔypikin dɛn ɛn in brɔda dɛn, na bin dɛn 12; 22 di nɔmba 15 kɔmɔt fɔ Jɛrimɔt, in bɔypikin dɛn ɛn in brɔda dɛn, na bin dɛn 12; 23 di nɔmba 16 kɔmɔt fɔ Ananaya, in bɔypikin dɛn ɛn in brɔda dɛn, na bin dɛn 12; 24 di nɔmba 17 kɔmɔt fɔ Jɔshbikasha, in bɔypikin dɛn ɛn in brɔda dɛn, na bin dɛn 12; 25 di nɔmba 18 kɔmɔt fɔ Anenay, in bɔypikin dɛn ɛn in brɔda dɛn, na bin dɛn 12; 26 di nɔmba 19 kɔmɔt fɔ Malotay, in bɔypikin dɛn ɛn in brɔda dɛn, na bin dɛn 12; 27 di nɔmba 20 kɔmɔt fɔ Ilayata, in bɔypikin dɛn ɛn in brɔda dɛn, na bin dɛn 12; 28 di nɔmba 21 kɔmɔt fɔ Ota, in bɔypikin dɛn ɛn in brɔda dɛn, na bin dɛn 12; 29 di nɔmba 22 kɔmɔt fɔ Gidaltay,+ in bɔypikin dɛn ɛn in brɔda dɛn, na bin dɛn 12; 30 di nɔmba 23 kɔmɔt fɔ Maeziɔt,+ in bɔypikin dɛn ɛn in brɔda dɛn, na bin dɛn 12; 31 di nɔmba 24 kɔmɔt fɔ Romamtay-iza,+ in bɔypikin dɛn ɛn in brɔda dɛn, na bin dɛn 12.