TOP NUH KE KIHSEN SIYUCK KE BIBLE

Ma kuluk uh tuhkuh yac me?

Ke ma na pwacye uh, mwet uh ke orek mislac, fahk ma pwacye uh, ac kuhlwacng pacl nuhkewa. Pwacnacng, efuh kuh kuht kwacna liye ke ahkmas, orekma kuhtasrihk, ac suhlallacl uh orek? Kwacna ripohrtiyuck mwe ahklut na yohk ke news uh. Yac oasr mwet ma srihke in ahkkulukye mwet uh?​—Riti Sie John 5:19.

Yac God el oraclah mwet uh in oasr kena kuluk laltahl? Moh, Jeova God el oraclah mwet in luhmahl, tuh eltahl in luhngse etahi ohiyen luhngse luhn God. (Genesis 1:27; Job 34:12) Tuhsruhktuh God el sang sukohsohk luhn kais sie mwet in oruh sulaclah laltahl. Ke pacl se ma Adam ac Eve eltahl sulaclah in oruh ma kuluk sac, eltahl pihlesruh mwe srihkasrak luhn God ac eklac mwet sesuwohs. Kuht usrui ma kuluk laltahl uh.​—Riti Deuteronomy 32:4, 5.

Yac ma kuluk uh ac oan na nwe tok?

God el ke kuht in tulokihnyac kena kuluk lasr uh. (Soakas 27:11) Pwacnacng el luti nuh sesr lah kuht ac fahsr liki ma kuluk uh fuhkah ac in konwacack insewowo pwacye. Tuhsruhktuh, ingena kuht tiac kuh in etahi ohiyen luhngse luhn God ke inkacnek suwohs.​—Riti Psalm 32:8.

Ma kuluk uh finne raunikuhtlac, God el lwelah ma inge in oan ke kihtin pacl na tuh mwet nuhkewa kuh in liye mwe ahsor na yohk ma tuhkuh kac uh. (Luo Peter 3:7-9) Tuhsruhktuh ke pacl na sa facluh ac fah nwacnwaclah ke mwet insewowo suc ahkos God.​—Riti Psalm 37:9-11.

Ke kuhtuh pac mwe ahkuhtweyac liye sapta 3 ke puk se inge, suc oreklac sin Mwet Loh luhn Jeova

Oasr pac ke www.jw.org