TOP NUH KE KIHSEN SIYUCK KE BIBLE

Yac pa na inge srihpen moul?

Yac kom nuh wi tari nuhnkuh fin oasr srihpac yohk sahyac nuh ke moul uh, sahyacn sritacl, orekma, pahyuck, karuhnguhnwacng sucu ac mahtohuh? (Job 14:1, 2) Bible uh ahkkahlwemye lah nwe ke mwet lahlmwetmwet eltahl nuhnkuh pac ke ma inge.​—Riti Ecclesiastes 2:11.

Yac luhman oasr kalmen moul uh? Ma se meet kuht enenuh in konwacack top nuh ke kihsen siyuck se inge, Fuhkah muhtwacwacyen moul? Tukun mwet pucspucs eltahl nuhnkuh yohk ke oreklac luhn mwe nuhnak lasr ac la nuhkewa ke mahnosr, eltahl arlacna luhlahlfongi lah mwet lahlmwetmwet se pa orekuhtlac uh. (Riti Psalm 139:14.) Ma inge fin pwacye, na ac oasr srihpac pwacnacng el orekuhtlac! Kuht fin lotwelah ke srihpac se inge, ac oasr na pwacye kalmen moul lasr uh.

Efuh kuh oreklac mwet uh?

God el ahkinsewowoye mukul ac muhtwacn se emeet ac el sang kunohkohn na wowo ma eltahl engan kac. Oakwuck lal nuh seltahl ah pa eltahl in nwacklah facluh, oraclah nuh ke sie paradise ac in moul ma pahtpaht.​—Riti Genesis 1:28, 31.

Oakwuck se luhn God inge soenna ahkfahsryeyuck ke srihpen mwet inge lain suwohs lal in kol. Tuhsruhktuh God el tiac fuhleack ke oakwuck lal nuh sesr ac nuh ke facluh. Bible uh ahkkweye kuht in etuh na pwacye lah God el kwacfeacng in molwelah mwet oaru ac oakwuck lal nuh ke facluh ac fah ahkpwacyeyuck! Pwacnacng God el ke kom in puhla moul na pwacye se ma el oakiyac nuh sum ke muhtwacwackiyac ah me. (Riti Psalm 37:29.) Ke inkacnek luhn Bible, konwacack lah ma wo fuhkah kom kuh in eis ke oakwuck luhn God inge.