TOP NUH KE KIHSEN SIYUCK KE BIBLE

Meac fah sikyak nuh sin mwet uh ke pacl fahsruh uh?

Wacngihn ahlohloh kac lah mwet uh ac tahfwelah na in kapkapack ke ip luhn science. Tuhsruhktuh, yac eltahl kuh in sifacna oraclah sie u na wowo suc kais sie mwet kac nuhnkuh sie sin sie? Moh. Mweyen mihsenge mwet facluh uh nuhnkuh kacltahl sifacna ac ahkkahlwemye ohiyacn rahpkuh Tuhsruhktuh, ke oakwuck luhn God oasr ma wo nuh sin mwet uh.​—Riti Jeremiah 29:11; Luo Peter 3:13.

Kahs luhn God uh ahkuhtweyac sie facl wo ke pacl fahsruh uh, suc mwet kac uh luhngse sie sin sie. Mwet uh ac fah moulkihn moul wowo suc wacngihn mwe elyah kuh fosrngah kac, ac fah wacngihn mwet ahkngalye kuhtwe pacna mwet sahyac.​—Riti Isaiah 32:17, 18; Micah 4:3, 4.

Ohiyacn nuhnkuh kac sifacna ac fah ahkwacngihnyeyucklac fuhkah?

Ke God el oraclah mwet uh, wacngihn kuhtwena ohiyac kuluk suc ahkkahlwemye nuhnkuh kac sifacna. Tuhsruhktuh, ke el sulaclah in seahkos God, mwet se emeet inge sislah moul suwohswohs lal. Kuht usrui ohiyac kuluk se lal inge, in nuhnkuh kacsr sifacna. Ac finne ouinge, God el ac fah orekmakuhnuhl Jesus in sifwil fohlohkuhnack moul suwohswohs luhn mwet uh.​—Riti Rome 7:18, 21, 24, 25.

In fal nuh ke ma luhngse luhn God, Jesus el misac in kihsackuhnuhlacng ac elah ma kuluk suc tuhkuh ke seahkos luhn mukul se meet ah. (Rome 5:19) Ouinge Jesus el oruh oasr finsrak wowo nuh sin mwet uh ke pacl fahsruh, in sukohsohklah liki ohiyac ac orekma kuluk inge.​—Riti Psalm 37:9-11.