Akpayeye la Kom Akola!

“Ke ma inge komwos ouyepa ako, tu in sie aur komwos tia nunku ka, Mwen nutin met el fwa tuku.”—MATTU 24:44.

1, 2. (a) Ma sikyak fuka su akkalemyeyuk ke kas palu lun Baibel ku in pupulyukkin nu ke orekma sulallel lun soko tiger? (b) Mea orekma inge in kunausla akwuk puspus ku in oru nu sum?

KE LUSEN yea puspus, oasr sie mokul pengpeng ke sie circus su akpwarye met puspus ke el wi tiger soko natul su ma tuku ke an Bengal ke elos orek kain in me sritel puspus. El fwak: “Ke pal se soko kosro el lulalfongi keim a lungse in wi kom, kom ku in pula la oasr sie me sang su mwo emeet fwin fwalu su itukyang nu sum.” Tusruktu in October 3, 2003, fototo lalos nu sin sie sin sie aksafyeyukla. Ke sie sripe su tia eteyuk, soko sin kosro tiger fwasrfwasr natul inge su oasr ke paun 380, el ekla lemnak, ngalsilye a kineta.

² Orekma sulallel lun tiger soko inge sie me aklut na paye, a met se inge su akmunaye a sang akpa nu sin kosro soko inge el tia akola ku nunku mu a ku in ouinge. Baibel el akkalemye pa ke orekma lun soko “kosro lemnak,” su lungse in kunausla ma puspus, a kut enenu in loang akmwoye a in akola ka. (Ridi Fwakyuk 17:15-18.) Kosro lemnak soko inge fwa kunausla su? Ke ma puspus su sa in ekyek in pal inge sie me aklut, meyen akwuk puspus ke fwal lun Setan e fwa lain sie sin sie. Kosro srusra soko inge lumeyuk nu ke United Nations, a “koe sengoul” lumeyuk nu ke togusra ku akwuk nukewa lun politic. Ma inge e fwa forla nu sin Babulon Lulap, su lumeyuk nu ke u lun alu kikiap nukewa, a el fwa kangulla a kunausella. Ngea oiya inge fwa sikyak? Kut tia etu ke len a ao se. (Mattu 24:36) Kut etu la ma inge e fwa sikyuk ke sie pal su kut tia nunku ka, a pal lula meet liki pal se inge in kunausla alu kikiap el fototola. (Mattu 24:44; 1 Korint 7:29) Ke ma inge, arlana yok sripe kut in akpayeye la kut akola pal nukewa, tu ke pal se oiya se inge sikyak a ke pal se Kraist el tuku in kunausla met koluk nukewa, el e fwa akpayeye pa la el fwa Met Molela lasr! (Luk 21:28) Tu kut in akpayeye la kut akola pal nukewa, kut ku in lotela ke me srikasrak lun met kulansap oaru puspus lun God su akpayeye la elos akola pal nukewa. Ke ma inge elos liye me akpayeyen mwulela puspus lun God. Ya kut fwa lela me srikasrak paye inge in oan ke insiesr in akkeye kut?

Akpayeye la Kom Akola—Oana Noa

3. Oiya puspus fuka sang ma upa nu sel Noa in kulansap nu sin God ke oaru?

³ Paye la oasr kain in ma koluk upa puspus su oasr fwin fwalu ke lusen moul lal Noa, ne ouinge el akpayeye la el akola pal nukewa in liye akpayeyen mwulela lun God. Srike nunku ke ma upa puspus su Noa el sun ke pal se lipufan puspus su seakos God elos orekmakin mano in ikwe a payukyak nu sin mutan kato puspus fwin fwalu! Kain in payuk inge su tia fwal el orala fwako ku tulik su arlana yok, “met ku” su orekmakin ku lalos in akkolukye met puspus. (Genesis 6:4) Nunku ke orekma koluk, a akmas su orek sin met yok a ku inge yen nukewa elos som ku muta we. Aok oasr pal ma koluk oasr yen nukewa a nunak a ella lun met arulana kolukla na paye. Ke ma inge Leum Jeova el pakiye pal su met koluk nukewa inge fwa kunausyukla.—Ridi Genesis 6:3, 5, 11, 12.a

4, 5. Ke oiya puspus fuka ma sikyak in len lasr oana sie nu ke oiya su sikyak in len lal Noa?

⁴ Jisus el palye la oiya puspus ke len lasr fwa oana sie nu ke ma sikyak in len lal Noa. (Mattu 24:37) Ke sie me pupulyuk, kut akilen pa me kufasten lun lipufan koluk puspus. (Fwakyuk 12:7-9, 12) Lipufan koluk puspus inge su eteyuk pa oana dimon elos orekmakin monun met in len lal Noa. Ke pal inge elos tia ku in sifwilpa orekmakin mano oana monin met, ne ouinge elos srakna kafweang in kufusla met matu a met fwusr. Ke ninukin lun met, lipufan koluk inge elos insemwomwo ke elos liye met puspus su elos kufusla fwin fwalu oru orekma koluk.—Efesus 6:11, 12.

⁵ Kas lun God el akkalemyel Devil oana sie “met akmas” a sie su “ku lun mise ma lal.” (Jon 8:44; Hibru 2:14) Tusruktu srikla ku lal el fwin ke orekmakin in uniye metu ke inkanek sumwos. Ne ouinge, lipufan koluklana se inge el akkeye oiyen kutasrik a srufwe metu in oru orekma fokfok. El kufusla nunak lun met puspus in oasr kena in akmasiye metu. Ke sie me pupulyuk, 1 inmasrlon tulik srisrik 142 su isusla fwin an Merika elos fwa mise ke sripen orekma koluk sin met matu. Ke sripen orekma sulallel oasr yen nukewa, ya kom nunku mu Jeova el fwa tia arlana loang akmwoye in pal inge liki ma el oru in len lal Noa? Ya el fwa tia oru me aksumwos nu ka?

6, 7. Fuka Noa a sou lal elos akkalemye lulalfongi a sangeng nu sin God?

⁶ Tokin kutu pal, God el fwak nu sel Noa ke sulela lal la el fwa oru sie sronot lulap fwin fwalu, in kunausla ikwe nukewa. (Genesis 6:13, 17) Jeova el sapkin Noa in orala oak soko su oana sie tuptup ku pok lulap. Noa a sou lal elos mutawauk in musaela oaku. Mea kasrelos in akos a akpayeye la elos akola pal nukewa ke pal se nununku lun God tuku?

⁷ Lulalfongi paye a sangeng lalos nu sin God moklel Noa a met nukewa in sou lal in oru ma nukewa su sapkinyuk nu selos in oru. (Genesis 6:22; Hibru 11:7) Oana sifwen sou, Noa el kafweang in fototo nu sin Jeova pal nukewa, a el tia na wi ke kutena orekma koluk lun met puspus in pal san. (Genesis 6:9) El etu la met nukewa in sou lal enenu in karunginelos in tia etawi inkanek a ella koluk lun met puspus su raunelosla. Arlana yok sripe elos tia akkafofoyelos ke akwuk puspus lun moul su orek len nukewa in pal se ingo. Oasr orekma su God el sapkin nu selos in oru, a arlana yok sripe tu met nukewa ke sou se inge elos in orekmakin moul lalos in akpayeye ma inge.—Ridi Genesis 6:14, 18.

Noa a Sou Lal Elos Akpayeye la Elos Akola

8. Mea akkalemye la met nukewa ke sou lal Noa elos akkalemye lungse yok lalos nu sin God?

⁸ Ma simusla ka in Baibel el akkalemye yok kel Noa oana sifwen sou, tusruktu mutan kiyel Noa a tulik mokul nukewa natul a mutan kiyelos elos alu pa nu sin Jeova. Met palu Ezikiel el simusla me akpayeye ka. El fwak la fwin Noa el moul in len lal Ezikiel, tulik natul elos fwa tia moliyukla ke sripen sumwosmwos lun papa tumal. Elos matu tari in oru sulela lalos in akos ku seakos. Ke ma inge, kais sie selos enenu in akpayeye la elos lungse God a inkanek nukewa lal. (Ezikiel 14:19, 20) Met nukewa ke sou lal Noa elos akos masap lal, elos wi pa lulalfongi lal, a elos tia lela me akkoluk lun met puspus in tulokinye orekma su God el sapkin nu selos.

9. Me srikasrak fuka ke pal inge kut ku in fwak mu oana sie ke lulalfongi lal Noa?

⁹ Sie me akkeye yok in liye ke u lasr oana met lili fwin fwalu nufon la oasr sifwen sou puspus ke pal inge elos oru ke ku lalos kewa in etawel Noa! Elos etu a akilen la oasr pa ma eneneyuk saye liki na in sang me mongo, nuknuk, loom a lutlut nu sin sou lalos. Sifwen sou inge elos enenu pa in sang ma enenu lun sou lalos in akkeye lulalfongi lalos nu sin God. Ke elos oru ma inge, elos akpayeye la elos akola ke ma Jeova el fwa oru ke pal na sa.

10, 11. (a) Ke pal se elos oasr luun oaku, mea pulakin lal Noa a lun met in sou lal? (b) Kusensiyuk fuka kut enenu in siyuk sesr sifwana?

¹⁰ Noa, mutan kiyel, tulik mokul nukewa natul a mutan kiyelos, saap elos oru orekma in musai oaku ke lusen yea 50 kutu. Ke elos musai oaku, elos utyuk nu luun oaku, a tufwoki liki oaku ke pal puspus. Elos sang kofwen me musa in tia oasr kof utyuk nu luun oaku, elos oayepa orani me mongo pukanten, a filiye kain in kosro a ma orakrak nukewa luun oaku. Srike lumala ke nunak lom sifwana ke ma orek in pal san. Len lulap se ma elos sano inge el tuku tari. Len se inge pa len ak 17 ke malem akluo in yea 2370 B.C.E. (ke pal se Noa el yea 600 matwe), a elos utyuk nu luun oaku. Jeova el kaliye srungul ke oaku, a mutawauk in afi. Kain in af se inge el siena liki af upa nukewa su sikyak. Meyen windo in kosrao su kalmekin nu ke kof yok su oana kof in mwea tuku lung me, a oasr af su arlana upa sikyak. (Genesis 7:11, 16) Met nukewa likin oaku elos mise tusruktu met nukewa su sroang nu luun oaku moliyukla. Mea Noa a sou lal elos pula? Aok, elos engan na paye in sang kulo nu sin God. Wangin alolo ka la elos nunku ouinge, ‘Kut arlana insemwomwo meyen kut fwasr wi God paye a kut akpayeye la kut akola!’ (Genesis 6:9) Ya kom ku in lumala pa ke nunak lom an la kom sasla tari liki Armagedun, a insiom arlana engan, kom sang kulo ka oana elos in pal meeta?

¹¹ Wangin kutena ma su ku in tulokinye God Fulatlana in akpayeye mwulela lal la el fwa akwanginyela akwuk koluk nukewa inge lal Setan. Siyuk sum sifwana, ‘Ya nga lulalfongi na paye la wangin kutena mwulela lun God fwa tia ku in akpayeye fwinne ke inkanek srisrik, a mwulela lal nukewa e fwa akpayeyuk ke pal pakiyuki lal?’ Fwin kom lulalfongi na paye ka, lela kom in akpayeye nu sum sifwana la kom akola pa ke kom kafweang in esam pal nukewa ke “len lun Jeova” su e fwa sa in tuku.—2 Piter 3:12.

Moses el Kafweang in Loang Akmwoye

12. Mea ku in kufusla nunak lal Moses liki fototo lal nu sin God?

¹² Lela kut in nunku akmwoye ke sie pa me pupulyuk. Ke nunak lun metu, Moses el engankin na paye kain in oiya mwomwo fwin an Ijipt. Oana sie tulik su nutla sin tulik mutan natul Fero, saap el akfulatyeyuk yok a el engankin pa kain in mongo yuyu a mwo emeet, nuknuk kato, a el muta ke sie an su arlana mwo. El eis pa me lutlut yok. (Ridi Orekma 7:20-22.) El ku pa in eis me usru mwomwo su arlana pukanten.

13. Fuka Moses el loang akmwoye pal nukewa ke mwulela nukewa lun God?

¹³ Met Ijipt elos alu nu ke me srulela puspus, tusruktu Moses el etu la orekma inge ma wangin sripe a ma lusrongten. Meyen ke pal se el srakna srik, papa a nine kiyel lotel la Jeova pa God paye. (Exodus 32:8) Akwuk mwolana lun an Ijipt in eis me lutlut yok a ma saok puspus su Moses el engankin ke loom sin togusra tia oral elan som liki alu paye. Saap el nunku yok ke mwulela lun God nu sin papa matou tumal nukewa in pal meeta a el ke na paye in akpayeye nu sel sifwana la el akola in oru ma lungse lun God. Aok, Moses el fwak nu sin tulik nukewa natul Israel: “Jeova . . . God lal Ebream, God lal Isaak, a God lal Jekob, el supeyume nu yurumwos.”—Ridi Exodus 3:15-17.

14. Ke inkanek fuka lulalfongi a pulaik lal Moses srikeyuk?

¹⁴ Jeova su God paye el arlana paye nu sel Moses, tia oana sie nu ke ma srolela nukewa su aoliyen god kikiap nukewa lun an Ijipt su wangin moul yurolos. El moulkin moul lal oana ke el ku in liye ‘El su tia ku in liyeyuk.’ Oasr lulalfongi lal Moses la met lun God elos fwa aksukosokyeyukla, tusruktu el tia etu la ngea ma inge fwa sikyak. (Hibru 11:24, 25, 27) Kena yok lal in liye met Hibru in sukosokla akkalemyeyuk ke pal se el loangela sie met Israel su akkolukyeyuk sin met Ijipt. (Exodus 2:11, 12) Tusruktu, pal san soenna pal lun Jeova, ke ma inge Moses el moulkin moul oana sie met kakaeng nu ke sie an loeslana. Wangin alolo ka la upa nu sel in som liki an mwomwo ke loom sin togusra fwin an Ijipt, a muta yen mesis. Ne ouinge, Moses el akpayeye la el akola ke el loang akmwoye pal nukewa ke masap su Jeova el sang nu sel. Ke ma inge, God el ku in orekmakunul in aksukosokyela met lel nukewa tokin el orekmakin yea 40 in an Midian. Ke pal se God el sapkin Moses elan folokla nu in an Ijipt, el akos ma inge. Pal fwal tuku nu sel Moses in akpayeye sie kunokon su God el sapkin nu sel, a in oru orekma se inge ke inkanek lun God tia ke inkanek lal sifwana. (Exodus 3:2, 7, 8, 10) Ke pal se el folokla nu an Ijipt, Moses su ‘fwokpap emeet ke met nukewa,’ el enenu lulalfongi yok a pulaik in sikme ye mutal Fero. (Oekyuk 12:3) El oru ma inge, tia ke pal sefwanna, tusruktu ke pal puspus ke kais sie me keok sikyak. A ke pal se me keok pupus sikyak el nukin la pal ekasr el srakna enenu in tuku ye mutal Fero.

15. Fwinne el sun kain in me akasor puspus, mea moklel Moses in sano a loang akmwoye pal nukewa ke pal mwomwo in akfulatye God?

¹⁵ Ke lusen yea 40 kutu, mutawauk in yea 1513 B.C.E. nu ke 1473 B.C.E., Moses el sun kain in oiya puspus su akasoryel. Ne ouinge, el loang akmwoye ke pal mwomwo in akfulatye Jeova a ke inse kewa lal el akkeye met Israel nukewa in oru pa ma inge. (Duteronomi 31:1-8) Efu? Meyen el lungse inen Jeova a kolyuk fulatlana lal yok liki inel sifwana. (Exodus 32:10-13; Oekyuk 14:11-16) Kut enenu pa in kafweang akfulatye kolyuk lun God, fwinne kut sun kain in me akasor ku kutena me kutong nu ke kapkapek lasr. Meyen kut lulalfongi la inkanek lal in oru ma nukewa el inkanek lalmetmet, arlana sumwos a mwo liki kutena inkanek. (Isaia 55:8-11; Jeremaia 10:23) Ya pa inge pulakin a nunak lom?

Kafweang in Sano Tia Motul!

16, 17. Efu ku ma simusla in Mark 13:35-37 oasr kalme yok nu sum?

¹⁶ “Komwos liyekomwosyung, sano a pre, tu komwos tia etu ke pal sa.” (Mark 13:33) Jisus el sang kas in sensen se inge ke pal se el akuteye ke me akul puspus ke saflaiyen akwuk koluk puspus lun fwalu. Loang akmwoye ke saflaiyen kas palu lun Jisus ka su Mark el simusla: “Ke ma inge sano, tu komwos tia etu pal se ke leum lun loomu el fwa tuku, fwin ke ekela, ku fwin ke infwulwen fong, ku ke mwon kakla, ku ke lututang; saap el fwin sa in tuku el konoikomwosyuk la motul. A ma Nga fwak nu sumwos Nga fwak nu sin nu kemwa, Sano.”—Mark 13:35-37.

¹⁷ Kas in kaifwe se inge lun Jisus oru kut in nunku yok ka. El akkalemye ke pal akosr ke pal se sie met el topang ke fong. Lusen pal in topang safla pa arlana upa in tia motul, meyen ma inge mutawauk ke ao tolu ke lututang nu ke ao se su fwatu takak. Met meun su sumat in orek akwuk in lain met lokwalok lalos nunku mu pal mwo emeet in meuni a kutangla liki met lokwalok lalos, pa ke pal se fwin elos “motul.” Oapana ke pal inge, apkuran met nukewa elos oana motul fulosumwos, kalme pa elos srunga in porongo peng mwo lun Togusrai, ke sripe se inge saap arlana upa nu sesr in kafweang in tia motul. Ya oasr kutena nunak in alolo lasr la kut enenu in ‘in sano’ a kafweang ‘loang akmwoye’ ke pal safla a ke molela lasr su palyeyuk tari?

18. Oana met Lo lun Jeova, kunokon fuka su arlana yok sripe oasr yurosr?

¹⁸ Met su sang akpa nu sin kosro natul tu lan munala su akkalemyeyuk ke mutaweyen me lutlut se inge el tia mise ke tiger soko natul el ngalsilye a kineta manol. Tusruktu kas palu lun Baibel el arlana paye ke pal se el akkalemye la alu kikiap a akwuk koluk nukewa lun fwal se inge fwa tia kaengla liki safla su apkuran in tuku. (Fwakyuk 18:4-8) Lela met kulansap nukewa lun God, met fwusr a met matu, in liye a kalem ke yok sripeiyen kafweang lalos in oru ma nukewa in akpayeye la elos akola ke len lun Jeova oana ma Noa a sou lal elos oru. Kut moul ke sie fwalu su nenela sin met su tia akfulatye God su met luti lun alu kikiap, oapana met su oasr nunak luo la fwin oasr ku wangin God a met su fwak mu wangin God, elos akkolukye God su Orekutla ke kaskas kou lalos. Tusruktu kut fwa tia lela ma inge in kufuskutla. Lela kut in esam pal nukewa ke me srikasrak mwomwo su kut kalweni ke me lutlut se inge, a lela kut in loang akmwoye ke pal mwomwo in sang me top mwo nu ke kutena kas in akkolukye nu sin Jeova a in akfulatyel oana “God lun godu,” aok, “God lulap, su ku a me aksangeng.”—Duteronomi 10:17.

[Footnote]

Ya Kom Esam?

• Efu ku Noa el enenu in nunku yok ke ma enenu lun sou lal in fototo nu sin God?

• Fuka pal lasr el oana sie nu ke len lal Noa?

• Fwinne oasr me akasor puspus, efu ku Moses el nunku akmwoye ke mwulela lun Jeova?

• Kas palu fuka in Baibel akkeye kom in kafweang in alken ke orekma in kulansap nu sin God?

[Petsac ke sra 13]

Noa a sou lal elos loang akmwoye in akpayeye orekma lun Jeova

[Petsac ke sra 14]

Mwulela paye lun God kasrel Moses in kafweang in loang mwo pal nukewa