Kom in Etawi Nunak lun Kraist Pal Nukewa
“Komwos in akkalemye nunak mwomwo oana oasr yurin Kraist Jisus.”—ROM 15:5, New World Translation.
1. Efu ku kut enenu in akkalemye pa nunak mwo su oasr yurin Kraist?
“FWASRU nu yuruk, . . . A lutlut sik, tu nga fwokpap a inse pusisel, a komwos fwa konoiyuk mongla in ngunumwos,” Jisus el fwak. (Mattu 11:28, 29) Kas in solsol mwomwo inge lun Jisus el akkalemye ke nunak mwomwo lal. Wangin kutena me srikasrak lun met saye su mwo liki me srikasrak lun Jisus kut ku in etawi. El pa Mwen nutin God a oasr ku a mwal mwomwo lal, ne ouinge Jisus akkalemye kulang yok a pakoten, yokna nu selos su pulakin keok upa.
2. Oiya fuka puspus ke ella mwomwo lun Jisus kut fwa lutlutkin yok?
2 Ke me lutlut inge a ke me lutlut luo toko, kut fwa lutlutkin la fuka kut ku in akkeye a sruokye pal nukewa kain in nunak mwomwo oana Jisus el akkalemye, a in orekmakin ke moul lasr “nunak lun Kraist.” (1 Korint 2:16) Kut lutlutkin yok ke oiya limekosr: ma se meet ke oiyen fwokpap a inse pusisel lun Jisus, ke kulang lal, ke akosten lal nu sin God, ke pulaik lal, a ke lungse yok lal.
Lutlut Ke Oiyen Fwokpap lun Jisus
3. (a) Me lutlut fuka ke inse pusisel Jisus el luti nu sin met tuma lutlut puspus lal? (b) Oiya fuka Jisus el akkalemye ke pal se met tuma lutlut elos akkalemye me munas lalos?
3 Jisus, mwen sumwosmwos nutin God, el inse mulala in tuku nu fwalu in kulansap inmasrlon met sesumwos a met orek ma koluk. Kutu sin met inge elos wi ke orekma koluk in unilye. Fwinne ouinge, tia tula engan yok a muteng lun Jisus. (1 Piter 2:21-23) Kut fwin ‘ngetak’ nu sin Jisus a ke me srikasrak mwomwo lal ku in kasre kut in tia tula engan lasr a muteng lasr fwin oasr met oru ma koluk nu sesr a oiyen sesumwos lalos akkolukye kut. (Hibru 12:2) Jisus el suli met tuma lutlut nukewa lal in ‘eis srenenu lal’ a elos in lutlut sel. (Mattu 11:29) Mea elos ku in lotela kel? Ma se su elos ku in lotela pa, Jisus el fwokpap, a el mongfusrasr nu sin met tuma lutlut lal fwinne oasr ma tafongla lalos. Ke fong se meet liki el mise, Jisus el tanla niyelos, a ke sripe se inge el lotelos ke sie me lutlut yok sripe in akkalemye “inse pusisel” pal nukewa su elos tia ku in mulkunla. (Ridi Jon 13:14-17.) Tok kutu ke pal se Piter, Jemes, a Jon elos tia ‘kafweang in sano,’ Jisus el srakna kulang nu selos a akilen me munas lalos. “Saimon, ya kom motul?” el siyuk. “Sano a pre, tu komwos in tia ilyuk nu in me sruf. Paye ngun lungse, a ikwe munas.”—Mark 14:32-38.
4, 5. Fuka me srikasrak lun Jisus ku in kasre kut in akkalemye nunak mwomwo ke oiyen sesumwos lun kutu met?
4 Oiya fuka kut e fwa akkalemye fwin sie met lili el lungse in alein, sa in tukulkul, ku el patla in porongo kas in kasru sin met elder ku “met kulansap oaru a lalmetmet”? (Mattu 24:45-47) Kut etu la met puspus ke fwal lun Setan fwa akkalemye oiya sesumwos a kut sa in sang nunak munas nu selos. Tusruktu fwin met lili wiyesr pa akkalemye oiyen sesumwos lalos nu sesr kut ku in koneak la upa in nunak munas ke ma inge. Fwin oiya tia mwo lun met lili puspus oru kut in sa in toasr, kut enenu in siyuk sesr sifwana, ‘Fuka nga ku in etawi yok “nunak lun Kraist”?’ Kut enenu in esam pal nukewa la Jisus el tia toasr nu sin met tuma lutlut lal, fwinne elos tia akkalemye nunak lun Kraist.
5 Nunku ke ma sikyak nu sin met sap Piter. Ke pal se Jisus el sulel Piter lan srola liki oaku a fwasr fwin kofu in tuku nu yurol, Piter el fwasr na fwin kofu ke kitin pal. A ke pal sena el ngetla liye paka sa a el mutawauk in tili nu in kofu. Ya Jisus el mulat a fwak nu sel: “Fwal nu sum! Lela ma sikyak inge in luti kom”? Mo el tia fwak ouinge! Ma el oru pa, “El asroela paul a Jisus el sruokilye a fwak nu sel: ‘O kom su lulalfongi ma srisrik, efu kom ku alolo?’” (Mattu 14:28-31) In oana Jisus su asroela paul in sruokilye Piter, ya kut ku in kasru pa sie met lili su enenu in akkeye lulalfongi lal? Pa inge sie me lutlut yok sripe su arlana kalem ke oiyen fwokpap su Jisus el akkalemye nu sel Piter.
6. Mea Jisus el luti nu sin met sap nukewa lal ke nunak lalos in suk ke oiyen pengpeng a in fulat?
6 Piter el wi pa ke akukuin lun met sap su orek pal nukewa la su fulat lukelos. Sie selos, Jemes a Jon lungse in muta lepaul leyot a sie lungse in muta lepaul lese ke Togusrai lal. Ke pal se Piter a kutu pa met sap elos long ma inge, elos kasrkusrak selos. Jisus el etu la elos eis nunak inge sin met puspus ke an selos ke elos kapkapek. El pangnolos in tuku nu yurol, a fwak: “Komwos etu tu leum lun met Pegan elos leum fwelos, a met fulat lalos elos sang ma sap nu selos. A fwa tia ouinge in maslomwos; a el su lungsel in ekla fulat in masrlomwos fwa met kulansap lomwos.” Tokin ma inge Jisus el fwak ke me srikasrak lal: “Oana Mwen nutin met el tia tuku tu met in kulansap nu sel, a tu lan kulansap nu selos, a sang moul lal in moli met puspus.”—Mattu 20:20-28.
7. Fuka kais sie sesr ku in sang kasru in akkeye inse sefwanna lun congregation?
7 Orekma lasr in nunku ke inse pusisel lun Jisus ku in kasre kut in ‘nunku in srik liki’ inmasrlon met lili wiesr. (Luk 9:46-48) Nunak inge ku in sang kasru nu ke inse sefwanna. Jeova, su oana papa tumun sie sou lulap, el lungse tulik nukewa natul in “tukeni muta inse sefwanna.” (Sam 133:1) Jisus el pre nu sin Papa tumal in oasr inse sefwanna inmasrlon met Kristian paye nukewa, tu “fwalu fwa ku in etu tu kom supweyume, a lungsum elos, oana kom lungsum nga.” (Jon 17:23) Ke ma inge, inse sefwanna lasr sang kasru nu sin metu elos in akilen la kut met tuma lutlut lun Kraist. Kut fwin lungse in engankin inse sefwanna inge, kut enenu in nunku ke oiyen sesumwos lun met lili puspus oana ke ma Kraist el nunku kelos. Jisus el lungse in nunak munas, a el luti la kut ku in eis nunak munas ke ma koluk lasr kut fwin nunak munas nu sin met puspus.—Ridi Mattu 6:14, 15.
8. Mea kut ku in lotela ke me srikasrak lun met lili pusus su kulansap nu sin God ke pal loeloes?
8 Kut ku in eis pa lutlut yok kut fwin etawi lulalfongi lun met nukewa su orekmakin tari yea puspus in etawi Kraist. In oana Jisus, met kulansap inge lun God elos akkalemye pal nukewa la elos etu a kalem ke oiyen sesumwos lun met puspus. Elos lotela la kafweang lasr in akkalemye pakoten oana Jisus el oru fwa kasre kut in “eis munas lalos su tia ku,” a ku in akkeye pa inse sefwanna. Sayen ma inge, el sang me akkeye nu sin met nukewa ke congregation in etawi pa nunak lun Kraist. Elos lungse met lili wiyelos in akkalemye pa nunak ouinge a in oana met sap Poul el lungse nu sin met Kristian in an Rom: “Inge God lun mongfusrasr a parak lan sot nu sumwos tu komwos fwa nunak siefwanna nu sin sie sin sie in Kraist Jisus, tu ke inse siefwanna a ke oalu siefwanna komwos in akmwoye God a Papa Tumun Leum lasr Jisus Kraist.” (Rom 15:1, 5, 6) Aok, inse sefwanna ke alu lasr el sang kaksak nu sin Jeova.
9. Efu ku kut enenu ngun mutal tu kut ku in etawi me srikasrak lun Jisus?
9 Jisus el akkalemye la sie met su “inse pusisel” el akkalemye pa oiyen fwokpap, su fwako lun ngun mutal lun God. Ke ma inge, sayen orekma lasr in lutlutkin me srikasrak lun Jisus, kut enenu pa ngun mutal lun Jeova, tu kut in ku in etawi me srikasrak lal inge ke inkanek mwo a fwal. Kut enenu in pre siyuk ke ngun mutal lun God a in kafweang in akkeye fwako lun ma inge, oana “lungse, engun, misla, mongfusrasr, kulang, inse mwo, oaru, fwokpap, sifwana leum fwom.” (Galetia 5:22, 23) Ke ma inge orekma lasr in etawi me srikasrak ke oiyen inse pusisel a fwokpap su Jisus el akkalemye, kut fwa akinsemwomwoye Jeova God su oasr in kosrao.
Jisus el Akkalemye Kulang nu sin Met Puspus
10. Jisus el akkalemye fuka oiyen kulang?
10 Siepa ke fwako lun ngun mutal pa kulang. Jisus el akkalemye kulang nu sin met puspus pal nukewa. Met nukewa su sokol Jisus elos liye la el “esalos ke engan” a el kulang nu selos. (Ridi Luk 9:11.) Mea kut ku in lotela ke oiyen kulang su Jisus el akkalemye? Sie met kulang el lungse in orek kawuk, el fulpap, el etu pa ke pulakin lun met, a el pakoten. Jisus el akkalemye oiya inge nukewa. El pakomuta met puspus “tu elos ongoiye, a fwasrelik, oana sip su wangin met sropu.”—Mattu 9:35, 36.
11, 12. (a) Akkalemye ke sie me pupulyuk ke Jisus el akkalemye pakoten nu sin met. (b) Mea kom lotela ke me pupulyuk se inge?
11 Jisus el pulakin pa pakoten nu sin met puspus a el oru ma nukewa in kasrelos. Nunku ke me pupulyuk se inge. Ke lusen yea 12, oasr sie mutan su musen sra. El etu la ye Masap lal Moses, mas lal inge oral in tia nasnas a kutena met su kalilye. (Livitikus 15:25-27) Ne ouinge, ke inkanek mwo su Jisus el oru nu sin metu pal nukewa oru mutan se inge in lulalfongi yok la Jisus el ku in akkeyel. Ke ma inge el fwak nu sel sifwana: “Nga fwin kalyena nuknuk lal, nga fwa kela.” El akpulaikyel sifwana, a el kalilye a pulakin la el kela.
12 Jisus el etu la oasr met su kalilye, a el liye la su oru ma se inge. Mutan se, su kalem la el sangeng in eis me kai meyen el kunausla Masap ka, el putati ye mutal a fwakak ma paye nukewa ke ma el oru. Ya Jisus el sang kai upa nu sin mutan sekasrup se inge su keok ke mas lal? Mo el tia oru ma inge! El fwak: “An, lulalfongi lom ore kom in kela. Som in misla.” (Mark 5:25-34) Paye la el eis me akkeye yok ke el long kas mwomwo inge!
13. (a) Fuka oiya lun Jisus el tia oana met Farisi? (b) Oiya fuka Jisus el akkalemye nu sin tulik srisrik?
13 Tia oana sie ke oiyen met Farisi, Kraist el tia orekmakin ku lal in oru me utuk toasr lun met puspus in arlana upa. (Mattu 23:4) A, el kulang a mongfusrasr in luti met puspus ke inkanek lun Jeova. Jisus el sie met asrouki mwomwo a kulang nu sin met tuma lutlut lal. El akkalemye lungse pal nukewa a el sie met kawuk paye nu selos. (Soakas 17:17; Jon 15:11-15) Tulik nukewa elos engan tia sangeng in asrouki yurin Jisus, a el engan pa kelos. El tui ke kutena orekma su el oru tu elan ku in orekmakin pal lal in asrouki nu sin tulik srisrik puspus. Ke sie pal, met tuma lutlut lal, su srakna nunku kelos sifwana oana met kol lun alu in len lalos, elos srike in tulokinye metu in tia wise tulik srisrik natulos nu yurin Jisus tu lan kalelos. Jisus el tia insemwomwo ke ma met tuma lutlut lal elos oru. El fwak nu selos: “Lela tulik fwusr in tuku nu yuruk; nik komwos ikololosi, tu togusrai lun God ma lalos su ou elos.” El orekmakin tulik srisrik in lotelos ke sie me lutlut yok sripe, el fwak nu selos: “Payenu Nga fwak nu sumwos, el su fwa tia eis togusrai lun God oana sie tulik fwusr, el fwa tiana ilyuk nu lu.”—Mark 10:13-15.
14. Me kasru fuka tulik srisrik ku in eis ke oiya mwomwo lun met lili?
14 Nunku ke pulakin lun tulik srisrik nukewa inge tokin yea puspus ke pal se elos matula, paye la elos ku in esam la Jisus Kraist el ‘sruklalosyuk in paul, a akinsemwomwoyelos.’ (Mark 10:16) Ke pal inge tulik srisrik elos ku in esam pa ke met elder a met lili puspus elos akkalemye insemwomwo a kulang yok nu selos. Yok liki ma inge, ke elos srakna fwusr, tulik srisrik su liye oiya mwomwo inge lun met matou ke congregation elos lotela la ngun lun Jeova oasr yurin met kulansap lal.
Akkalemye Kulang nu sin Met Nukewa su Sekulang
15. Efu ku kut tia lut ke met ke pal inge elos tia akkalemye kulang?
15 Met puspus ke pal inge elos pula mu wangin pal lalos in akkalemye kulang nu sin met puspus. Ke ma inge, len nukewa ke loom lutlut, ke niyen orekma, ke pal in fwufwasryesr, a ke orekma in luti peng mwo, Met Lo lun Jeova elos sun met puspus su akkalemye oiyen fwalu. Oiya su tia mwo ku in akmunasye kut, tusruktu ma inge tia enenu in aklutye kut. Jeova el orekmakunul Poul in akkalemye kas in sensen nu sesr la moul ke “len safla” su oasr ma upa puspus fwa oru met Kristian paye elos in sun met puspus su “lungselos sifwana, . . . tia lungse met in sou lalos sifwana.”—2 Timote 3:1-3.
16. Kut ku in akkeye fuka oiyen kulang inmasrlon congregation oana Kraist el akkalemye?
16 Ke luma saye, oiya su akkalemyeyuk inmasrlon met Kristian paye ke congregation el tia oana sie nu sin met puspus lun fwalu su tia kulang. Ke inkanek in etawi Jisus, kais sie sesr ku in sang me akkeye nu ke oiya mwomwo inge inmasrlon met Kristian. Kut ku in oru fuka? Ma se meet, oasr met lili puspus ke congregation su enenu me kasru a me akkeye meyen elos mas ku elos sun kain in ma upa puspus. Ke “len safla” inge, ma upa ku in yokyokelik, tusruktu ma inge tia tufwana sikyak. In pal meeta, Baibel el akkalemye la met Kristian elos sun pa ma upa puspus su oana ma sikyak ke pal inge. Ke ma inge, orekma mwo in sang kasru el arlana fwal in orek ke pal inge oana ke ma orek nu sin met Kristian in pal meeta. Ke sie me pupulyuk, Poul el akkeye met Kristian in “akpulaikyelos su munas inse, kasrelos su munas, a mongfusrasr nu sin met e nukewa.” (1 Tessalonika 5:14) In oru ma inge, oasr ma eneneyuk in akkalemye nu sin met nukewa oiyen kulang oana Kraist el akkalemye.
17, 18. Mea kutu inkanek su kut ku in etawi ke kulang lun Jisus?
17 Met Kristian nukewa enenu in ‘eis met lili nukewa wiyelos ke kulang,’ in akkalemye oiya mwomwo nu selos oana Kraist el fwa oru nu selos. Kut enenu pa in akkalemye nunak paye a mwo nu selos su kut etu tari ke lusen yea puspus a nu selos su kut tufwana etu ke pal inge. (3 Jon 5-8) Oana Jisus el akkalemye pakoten nu sin met puspus, kut enenu pa in akkalemye oiya inge nu sin met puspus in sang me akkeye nu selos pal nukewa.—Isaia 32:2; Mattu 11:28-30.
18 Kais sie sesr ku in akkalemye oiyen kulang kut fwin oru kutena ma mwo nu sin met puspus in akkalemye nu selos la kut nunku kelos a kut pulakin ke ma upa su elos sun. Lela kut in kafweang in suk ke inkanek puspus in oru ma inge nu selos! Poul el fwak: “Ke lungse met lili komwos in lung nu sin sie sin sie, ke sunakin, komwos in akfulatye sie sin sie.” (Rom 12:10) Aok kut enenu in etawi me srikasrak lun Kraist, akkalemye kulang a lungse nu sin met puspus. A kut in lutlut in akkalemye “lungse su tia kikiap.” (2 Korint 6:6) Poul el akuteye kain in lungse inge oana oasr yurin Kraist ke inkanek inge: “Lungse el mongfusrasr a kulang. Lungse el tia sok, lungse el tia sifwana konkun, el tia inse fulat.” (1 Korint 13:4) Lela kut in tia sruokye inse toasr lasr nu sin met lili wiyesr nukewa, a kut in porongo kas in kai inge: “A komwos in kulang nu sin sie sin sie, ke mwo insiomwos, nunak munas nu sin sie sin sie, oana God el ouyepa nunak munas nu sumwos in Kraist.”—Efesus 4:32.
19. Mea fwako mwomwo su tuku ke orekma lasr in akkalemye pa kulang oana Kraist el oru?
19 Kafweang lasr in akkeye a akkalemye kulang lun Kraist pal nukewa a ke oiya nukewa ku in ase nu sesr me insemwomwo puspus. Aok ngun lun Jeova ku in sukosok in orekma ke congregation, a ku in kasru met nukewa in akkeye ke moul lalos fwako mwomwo lun ngun. In wekunang, kut fwin etawi me srikasrak su Jisus el akkalemye nu sesr a kut fwin kasru met puspus in oru pa ma inge, engan yok lasr a inse sefwanna lasr in alu fwa akinsemwomwoye God. Ke ma inge, lela kut in kafweang pal nukewa in etawi oiyen fwokpap a kulang lun Jisus ke oiya su kut akkalemye nu sin met puspus.
Ya Kom Ku In Akuteye?
• Jisus el akkalemye fuka la el “fwokpap a inse pusisel”?
• Jisus el akkalemye fuka oiyen kulang?
• Mea kutu inkanek su kut ku in akkalemye pa oiyen fwokpap a kulang oana Kraist el oru nu sin met puspus lun fwalu?
[Picture on page 11]
Fwin lulalfongi lun sie met lili el munasla, oana ke lulalfongi lal Piter, ya kut fwa kasru met lili inge?
[Picture on page 12]
Kom ku in kasru fuka in oru congregation in sie an su oasr oiya kulang?