Kas in Kasru Mwomwo nu ke Orekma in Karungin Tulik
“NGA yea 19 matwe in pal sa, a Nga muta ke sie an loeloes liki sou luk, a Nga tia akola na paye,” Ruth el fwak ke pal se meet su el pututuyuk. El tulik sefwanna ke sou lal, el tia nunku yok ke kunokon lun sie nine. Paenang piye an el ku in eis kas in kasru mwomwo we?
Ke sie pa luma saye, oasr sie mokul su pangpang Jan, ke pal inge el sie papa tumun tulik luo su matula, a el esamak: “Ke mutamwauk Nga lulalfongi mu Nga ku in sang kas in kai nu sin tulik nutik. Tusruktu tia pat Nga akilen la wangin yuruk etauk mwo in oru ma inge.” Fwin papa a nine ke mutamwauk elos nukin la piya inkanek mwo emeet in sang karungin tulik natulos ku ke mutamwauk elos nunku mu elos ku tusruktu tok elos fosak ke inkanek in karungin tulik natulos, a piya an elos ku in suk ke me kasru in sang karungin tulik natulos?
Ke pal inge, oasr papa a nine puspus su suk me kasru ke Internet. Tusruktu, saap kom nunku la fuka mwoiyen kas in kasru su elos ku in konauk ka. Oasr sripe mwomwo in sensenkin ka. Ya kom etu na paye ke met se su sang kas in kasru su oasr ke Internet? Fuka lupan me insemwomwo lalos in sang karungin tulik natulos sifwana? Wangin alolo ka la kom lungse in sensenkin kain in ma puspus a la mea ma inge ku in oru nu ke sou lom. Kutupal, in oana ma akkalemyeyuk ke me lutlut tari a, fwinne ke kas in kasru su tuku sin met sumat puspus in sang kai oasr pal puspus tia orekma mwo. Paenang kusensiyuk u pa piye an kom ku in eis kas in kasru mwomwo we?
Sropon kas in kasru mwomwo in karungin tulik su mwo emeet pa Jeova God, El su Orala akwuk lun sou. (Efesus 3:15) El mukena pa mwo emeet in sang kas in kasru. In Kas lal, Baibel, el akkalemye kas in kasru mwomwo, su sang me kasru na paye. (Sam 32:8; Isaia 48:17, 18) Tusruktu, oasr kunokon lasr in orekmakin ma inge ku tia.
Oasr siyanyen puspus siyukyuk selos in akkalemye la mea elos lotela ke pal se elos karungin tulik natulos ke elos kapkapak nu ke elos matula su oasr oiya mwomwo lalos a oasr akfulat a sangeng lalos nu sin God. Elos akkalemye mu sripe se meet ke kutangla lalos tuku ke orekmakinyen akwuk mwomwo lun Baibel. Elos koneak la kas in kasru lun Baibel el srakna mwo nu ke pal inge oana ke pal se meet Baibel el simusyukla in pal meeta.
Orekmakin Pal Yok Yurin Tulik
Ke pal se Catherine, su nine kiyen tulik luo, siyukyuk sel la mea kas in kai su arlana kasrel yok, el sulaklak na in akkalemye la in Duteronomi 6:7 pa kasrel yok. Fus se inge el akkalemye ke kas inge: “Kom fwa alken in luti ma inge nu sin tulik nutum, a kom fwa kaskas ka ke kom muta in loom sum, a ke kom fwasr inkaneku, a ke kom onu, a ke kom tukakek.” Catherine el etu la fwin akosyuk kas in kai inge, el enenu in orekmakin pal yok yurin tulik luo natul inge.
‘Ma inge fusrasr in fwak liki na in oru,’ saap kom a nunku. Nu sin papa a nine nukewa su enenu in orekma in suk me enenu lun sou, fuka papa a nine su kafofo elos ku in orekmakin pal yok lalos yurin tulik natulos? Oasr sie mokul su pangpang Torlief, su oasr mwen natul su ke pal inge el karungin pa tulik natul sifwana, el fwak la ma yok sripe emeet pa in akos kas in kasru su oasr in Duteronomi. Lela tulik nutum in wi kom nu yen nukewa kom som nu we, a fwa oasr pal mwomwo su ku in sikyak nu sum in sramsram nu sin sie sin sie. “Nga a tulik mokul se nutik inge tukeni oru orekma in akmwoye loom,” Torlief el fwak. “Kut tukeni oru fwufwasryesr lasr oana sie sou. A kut tukeni mongo.” Ke ma inge, el fwak, “mwen nutusr el pula ke pal nukewa la el arlana sukosok in akkalemye nunak a pulakin lal nu sesr.”
Tusruktu, mea fwa sikyak fwin wangin asramsrami orek a orekma in sramsram nu sin sie sin sie upa in orek? Oiya inge ku in sikyak kutu pal yurin tulik natusr ke elos kapkapek, matula. Aok, in orekmakin pal yok yurolos ku in sang me kasru mwomwo. Mokul tumal Catherine su pangpang Ken, el esam la ke pal se an natulos el ekla teenager ku met fwusr, an natulos inge el torkaskas a el fwak mu papa tumal el tia lungse in loang akmwoye nu ke ma el fwak. Kas in torkaskas inge akkalemyeyuk pal nukewa sin met fwusr puspus. Mea el ku in oru? Ken el esamak ke el fwak: “Nga oru sulela luk in orekmakin pal yok yurol, Nga a el fwa mukelanu, sramsramkin nunak lal, pulakin lal, a me fos a me asor lal. Ma inge orala na paye me kasru.” (Soakas 20:5) Tusruktu, Ken el lulalfongi na paye mu oasr me insemwomwo yok ke inkanek inge su elos oru pa ke sripen oasr me sramsram orek ke sou lalos pal nukewa a ma inge tia ma sasu se nu selos. “Oasr fototo mwomwo in masrlok a an nutik pal nukewa,” el fwak, “ke ma inge el pulakin mu el ku in sukosok in sramsram nu sik.”
Aok, oasr sie me lutlut su orek ke pal tia pat somla a akkalemyeyuk mu tulik fwusr ke pal puspus elos lungse in akkalemye yok liki papa a nine kiyelos mu papa a nine a tulik elos tia orekmakin pal fwal in muta sramsram yurin sie sin sie. Ke ma inge efu ku tia orekmakinyuk kas in kasru lun Baibel? Orekmakin pal yok yurin tulik nutum—ke kom mongla a in oru orekma, ke loom a pal in fwufwasryesr, ke lututang ke kom ngetalik a ke fong meet liki kom motul. Fwin ku, lela elos in wi kom nu yen nukewa kom som nu we. Oana Duteronomi 6:7 el akkalemye, wangin ma saye su mwo liki in orekmakin pal yurin tulik nutum.
Lotelos Ke Oiya Fwal a Mwo
Oasr sie mokul su pangpang Mario, su oasr tulik luo natul, el akkalemye pa kas inge: “Akkalemye lungse yok nu sin tulik nutum, a sang pal yok in rid nu selos.” Tusruktu, srakna oasr ma enenu sayen in akkeye nunak lun tulik mukena. Kom enenu in lotelos la fuka in akilen ma sumwos a ma koluk. Mario el fwak pa: “Oru lutlut Baibel yurolos.”
Baibel el kaifwe papa a nine nukewa: “Komwos in tia angon tulik nutumwos nu ke mulat, a komwos in oakoakelos in kai a kaiyuk lun Leum.” (Efesus 6:4) Ke sou puspus in pal inge orekma in luti oiyen moul nasnas tia orek. Kutu met elos lulalfongi mu ke pal se tulik natulos matula, elos sifwana fwa ku in oru sulela lalos ke oiya fuka elos fwa eis. Ya kom nunku mu oiya inge mwo? Aok in oana ke monin tulik srisrik enenu me mongo fwal a mwo in akkapye sie mano mwo a fukoko, efwa oapana nu ke nunak a inse lun tulik srisrik enenu pa kas in kasru in yokelik in elos. Fwin tulik nutum elos tia lotela oiya mwomwo ke loom sum, elos e fwa etawi nunak lun tulik lutlut wiyelos a nunak lun met luti lalos ku nunak lun met nukewa su orekma ke mass media.
Baibel el ku in kasru papa a nine nukewa in luti tulik natulos in kasrelos in akilen ma mwo a ma koluk. (2 Timote 3:16, 17) Oasr sie mokul su pangpang Jeff, sie met Kristian elder su oasr experience yok lal ke inkanek in karungin tulik luo natul, su el akkalemye ke oiya mwo in orekmakin Baibel in sang luti tulik ke inkanek mwo a fwal. El fwak: “Orekmakinyen Baibel el sang kasru mwomwo nu sin tulik in akilen la mea pulakin lun Met Orala ma nukewa ke ma se, a tia ke pulakin mukena lun papa a nine kiyelos. Ma kut ku in liye a akilen pa ke me kasru mwo lun Baibel nu ke nunak a insie. In sang me kasru in aksumwosye a in karungin oiya ku nunak koluk, kut enenu in orekmakin pal yok in suk ke ma Simusla su mwo a fwal in orekmakinyuk. Tokin ma inge, kut lela tulik natusr in ridi ma simusla, ke pal kut a tulik natusr mukelanu muta. Pal puspus tulik el mutamwauk in suror sronin mutal a el tung tokin el ridi ma simusla. Kut arlana lut ka. Oasr me kasru su Baibel el ku in oru in yok liki kutena ma su kut ku in nunku ka mu fwal ku mwo in orek.”
Hibru 4:12 el akuteye: “Tu kas lun God moul a ku . . . a sa in akilen nunak a papu lun inse.” Ke ma inge kas nukewa su oasr in Baibel el tia tuku ke nunak lun met ku ma sikyak ke moul lun met su God el orekmakin in oana met sim lal. A, ma inge el akkalemye ke nunak lun God ke oiyen moul nasnas. Ma inge oru kas in kasru lun Baibel tia oana sie nu ke kas in kasru nukewa saye. In orekmakin Baibel in luti tulik nutum, kom ku in kasrelos in orekmakin nunak lun God ke ma puspus. Arlena mwo ma kunom in sang me akpa nu sin tulik nutum, a fwa oasr pal mwomwo lom in oru me luti lom in sun insiyen tulik nutum.
Catherine, su fwakyuk ke mutamweyen me lutlut inge la, el insese ka. El fwak: “Fwin oasr ma upa yok, kut enenu in kafweang yok pa in suk kas in kasru ke Kas lun God—a ma inge mwo a oasr fwako mwomwo ka! Ya kom ku in orekmakin yok Baibel in luti tulik nutum ke inkanek fuka in akilen ma mwo a ma koluk?
Akkalemye Oiya Mwo, Fwal a Tia Upala Nu sin Tulik
Met sap Poul el akkalemye ke sie pa akwuk mwomwo su oasr kasru yok ka in sang karungin tulik. El kaifwe met Kristian wiyel nukewa: “Lela met e nu kemwa in etu mongfusesr lomwos.” (Filippai 4:5) Paye la wekunang ke orekma inge pa in lela tulik natusr in liye oiya mwo lasr in tia sapsap upala. A esam la, oiya mwomwo inge in tia sapsap upa la el akkalemye “lalmetmet lung me.”—Jemes 3:17.
Tusruktu, ke inkanek fuka oiya inge ku in mwo, fwal a tia upala el kupasr nu ke orekma in sang akpa nu sin tulik natusr? Ke kut sang nu selos me kasru nukewa su kut ku in sang, tusruktu kut in tia sruokye ku kutongye orekma nukewa lalos. Ke sie me pupulyuk, Mario su akkalemyeyuk tari ke me lutlut inge, el sie sin Met Lo lun Jeova, a el esam la: “Kut akkeye tulik natusr in nunku akmwoye ke akwuk lun baptais, orekma lun forfor ke pal nukewa, a kutu pa niyen sun ke ma lun ngun nu sin tulik natusr. Tusruktu kut srike in oru in kalem selos la efu ku elos enenu in oru sulela ke pal fwal.” Mea fwokin ma inge? Tulik natusr nukewa elos ku in oru orekma in kulansap ingena oana met luti ke peng mwo pal nukewa.
Oasr kas in sensen lun Baibel nu sin papa tuma nukewa in Kolosse 3:21: “Papa tuma, nik komwos akkaskusrakye tulik nutumwos, tu elos in tia tasak.” Catherine el aksaokye fus se inge. Ke pal se oiyen muteng lun sie papa ku nine munasla, arlana fusrasr in akilenyuk mulat ku sapsap upala in yokelik. Tusruktu el fwak, “nikmet siyuk ma puspus sin tulik nutum oana ma kom lungse a tupan nu sum sifwana.” Catherine el sie pa sin Met Lo lun Jeova, a el fwak: “Oru orekma in kulansap nu sin Jeova in oasr me insemwomwo ka pal nukewa.”
Jeff, mokul se su akkalemyeyuk tari ke me lutlut inge, el akkalemye pa ke kas in kasru inge: “Ke tulik natusr elos kapkapek, oasr sie met kawuk mwomwo lasr su akkalemye nu sesr la el etu la oasr pal pus el fwak mo nu sin tulik natul ke kutu ma el fwin siyuk sel. Ma inge akasoryelos, oru elos in pulakin mu wangin sukosok lalos. In tia akasorye tulik, met kawuk luk el fwak mu kut enenu in suk inkanek in fwak aok ku in fulelosla in oru ma elos siyuk ka.
“Kut liye la kas in kasru inge arlana mwo,” Jeff el fwak. “Ke ma inge kut suk ke pal mwomwo nu sin tulik natusr in oru ma puspus wi tulik puspus ke luma a ma sikyak su kut fulelosla in oru. Kut sramsram nu selos a fwak: ‘Ya kom etu la elos oru ma se inge ku ma se ingo? Efu ku kom tia welulos som?’ Ku fwin tulik natusr elos siyuk sesr in uselosla nu ke kutena an, kut kafweang yok in som uselos fwinne kut ulle tari. Kut oru oinge kut in tia akkalemye in fwak mo.” Pa inge kalmeyen nunak a oiya mwo—in oasr nunak mwo a sumwos, kulang, a oiya su oasr lungse ka in fulela fwin tia lain akwuk lun Baibel.
Ma Lane su Tuku Ke Kas in Kasru Mwomwo
Pus sin siyanyen nukewa su akkalemyeyuk ke me lutlut inge elos papa matou a nine matou tari. Elos engan in liye la akwuk oinge lun Baibel el kasru tulik natulos in eis kutangla in oru pa kunokon lalos oana papa a nine. Ya kom ku in eis ma lane ke kas in kasru lun Baibel?
Ke pal se Rut, mutan se su akkalemyeyuk ke mutamweyen me lutlut inge, el ekla sie nine, el a mokul tumal elos pulakin mu wangin me kasru nu selos. Tusruktu oasr me kasru su elos eis. Elos eis kas in kasru su mwo emeet su oasr ke Kas lun God, Baibel. Met Lo lun Jeova elos orala me rid mwomwo puspus su tuku ke Baibel su ku in sang kasru papa a nine nukewa. Kutu buk inge pa Learn From the Great Teacher (Lutlut Sin Met Luti Lulap), Buk in Sramsram lun Baibel Nutik, Questions Young People Ask—Answers That Work (Kusensiyuk Puspus Siyukyuk sin Met Fwusr Puspus—Me Top Puspus Nu Ka), a The Greatest Man Who Ever Lived (Mokul Pengpeng a Yok Emeet Su Moul Fwin Fwalu). Torlief, mokul tumal Ruth, el fwak: “Ke pal inge oasr kas in kasru puspus lun Baibel su papa a nine elos ku in orekmakin pal nukewa. Fwin elos sang pal yok in orekmakin ma inge, elos ku in eis me kasru mwomwo in orekmakin nu ke oiya nukewa in sang karungin moul lun sie tulik srisrik.
[Picture on page 5]
Papa a nine su lalmetmet elos orala akwuk nu ke me akengan nu sin tulik natulos