Jeova El Sang Ku Nu Sin Met Totola

[Jeova] el sang ku nu selos su mulalla; a nu sel su wangin ku lal el akyokye ku.”​—ISAIA 40:29.

1. Sang me pupulyuk ke ku su oasr ke ma orekla lun God.

KU lun Jeova wangin saflaiye. A ku lulap fuka oasr ke ma puspis su el orala! Atom srisrik​—pa inge kofwen me musa lun ma nu kemwa—​el arulanu srik paenang ke sie tol in kof, pisen atom su oasr ka oasr ke siefok billion puspis.a Moul nu kemwa fwin fwalu oakiyuki ke mokuikui lun atom su tuku ke fwat. Tusruktu, lupaka ku lun fwat su eneneyuk in sang akkeye ma moul fwin fwalu? Ke ku nu kemwa su fwatu orala oasr ip na srisrik fwalu se inge eis. Fwinne ou inge, ip srisrik ke ku lun fwat su tuku nu fwalu yok liki kutena ku lun kofwen me orekma nu kemwa fwin fwalu.

2. In aketeye ma yok sripe, mea Isaia 40:26 el fwak ke ku lun Jeova?

² Fwinne kut nunku ke atom ku kut loang nu in kosrao su wangin saflaiye, kut nu kemwa e arulanu lut ke ku lulap lun Jeova. Paenang el ku in fwak: “Srukak mutumwos nu lung. A liye su orala ma inge? Su wisla u lalos ke piselos, el pangnolos nu kemwa ke elos. Ke ku lulap lal, a tu el yok in peng, wangin sie wanginla”! (Isaia 40:26) Aok, Jeova el “arulanu ku,” a el Sropon “ku lulap” su orekmakinyuk in orala kosrao a fwalu.

Yok Liki ku Lasr Eneneyuk

3, 4. (a) Mea kutu nu ke luma a ma sikyuk su ku in oru kut in totola? (b) Kain in kusensiyuk fuka kut enenu in tuni?

³ Fwinne wangin saflaiyen ku lun God, tusruktu met el ku in totola. An nu kemwa kut som nu we, kut ku in liye met elos totola. Elos totola ke elos tukakek, elos totola ke elos som loom lutlut, elos foloko nu in loom selos totola, a tia totola mukena ke pal in motul lalos, a wanginla pa ku lalos. Kutu met elos lungse in som nu ke an saye in eis mongle srisrik su elos enenu na paye. In oanu met kulansap lun Jeova, kut ouyepa ku in totola, meyen moul lasr su kafofo ka ke orekma lun God su kut enenu in kaifweung in oru. (Mark 6:30, 31; Luk 13:24; 1 Timote 4:8) A oasr pal pa kutu ma sikyuk su eisla ku lasr.

⁴ Fwinne kut met Kristian, kut tia sukosok liki ma upa su met puspis elos sun. (Job 14:1) Mas, ma upa ke mani, ku kutupa ma upa lun moul ku in kol nu ke me asor yok, wekunang me akmunas su tuku ka. In wekunang pa ma upa inge pa ke me srifwe puspis su arulanu pengpeng nu selos nu kemwa su akkeokyeyuk ke sripen ma sumwos lalos.’ (2 Timote 3:12; 1 Piter 3:14) Ke sripen ma upa ke len nu kemwa su tuku ke fwal se inge a me lain ke orekma in luti lasr ke Togusrai, saap oasr kutu sin met inmaslosr arulanu totola paenang kut pulakin kut in mutamwauk in munasla ke orekma lun Jeova. Sayen ma inge, ke sripen kaifweung lal in kunausla oaru lasr nu sin God, Setan su Devil el orekmakin kain in inkanek koluk nu kemwa su oasr yurol. Ke ma inge, fuka kut ku in eis ku in ngun su eneneyuk tu kut in tia totola a fuleak?

5. Efu enenu ku su yok liki ku lun met in oru orekma lun forfor lun met Kristian?

⁵ Ke ku in ngun, kut enenu in filiye lalalfongi lasr nu sin Jeova, Met Orekutla Su Ku Liki Ku. Met sap Poul el akkalemye la orekma lun forfor lun met Kristian enenu in oasr ku su yok liki ku lun met sesumwos. El simusla: “A ma saok inge su oasr yurosr in alu fok, tu yoklanu lun ku fwa ma sin God me, a tia ma sesr sifwanu.” (2 Korint 4:7) Met Kristian akmusrala elos oru “orekma in iumwe” wikin kasru sin met asrouki lalos su oasr fwinsrak fwin fwalu. (2 Korint 5:18; Jon 10:16; Fwakyuk 7:9) Ke sripen kut nu kemwa met sesumwos su oru orekma lun God ye mutun kolyai, paenang kut tia ku in oru orekma ou inge ke ku lasr sifwanu. Jeova el kasru kut ke inkanek lun ngun mutal lal, a ke ma inge munas lasr kasreyuk ke mwolanu lun ku lal. A kut nu kemwa akpwaryeyuk ke kas paye inge “Jeova el kurunganang met sumwosmwos”!​—Sam 37:17.

‘Jeova Pa Ku Saok Lasr’

6. Fuka Ma Simusla el akkalemye na paye sesr la Jeova el Sropon ku lasr?

⁶ Papa tumasr in kosrao el “arulanu yok ku lal” a fwusesr nu sel in akyokye ku lasr. In akpayeye, pa inge ma akkalemyeyuk nu sesr kemwa: “[Jeova] el sang ku nu selos su mulalla; a nu sel su wangin ku lal el akyokye ku lal. Aok, tulik matu fwa mulalla a totola, a met fwusr fwa ikori, a elos su sano Jeova fwa aksasuye ku lalos. Elos fwa sokak ke po soksok oanu igul. Elos fwa kasrusr, a tia totola; elos fwafwasyesr a tia mulalla.” (Isaia 40:29-31) Ke sripen ma upa su yokyokelik, kutapal saap kut ku pulakin la kut oanu sie met kasrusr ke akutun su arulanu totola a niesr ulla tari tia ku in sifwil pa kasrusr. Tusruktu, saflaiyen akutun in moul arulanu futoto, a kut enenu in tia fuleak. (2 Kronikel 29:11) Met lokwalok lasr, Devil, el forfor “oanu laion ngutngut,” a el lungse in kutongkuti. (1 Piter 5:8) Lela kut in esam la ‘Jeova el ku lasr a me loeyuk lasr,’ a el orala me sang puspis in ‘sang ku nu sin met totola.’​—Sam 28:7.

7, 8. Mea me akpayeye su akkalemye la Jeova el sang ku nu sel Devid, Hebakkuk, a Paul?

⁷ Jeova el sang nu sel Devid ku su eneneyuk tu lan kutangla ke me kutong lulap puspis. Ke ma inge, ke sie lalalfongi fukoko a fwinsrak, Devid el ku in simusla: “Ke God kut fwa pulaik in oru, tu el su a fwa longye met lokwalok lasr.” (Sam 60:12) Jeova el ouyepa sang ku nu sel Hebakkuk tu lan ku in aksafyela kunokon lal oanu sie met palu. Hebakkuk 3:19 el fwak: “Jeova, Leum, el ku luk, a el oru niuk oanu nien dir, a fwa ore yu in fwasr fwin yen fulat sik.” Arulanu mwo pa me srikasrak lal Poul su el simusla: “Nga ku in oru ma nu kemwa in el [God] su akkeye yu.”​—Filippai 4:13.

⁸ Oanu Devid, Hebakkuk, a Paul, kut enenu in akkalemye lalalfongi ke ku lun God in akkeye kut a ke ku lal in molikutla. Meyen kut etu la Leum Ku Liki Ku Jeova pa Sropon “ku,” paenang lela kut ingenu in tuni inkanek puspis in eis ku in ngun su tuku ke me sang lun God su el oru in arulanu yok.

Me Sang in Ngun In Akkeye Kut

9. Mea orekma lun me rid lun met Kristian in akkeye kut?

⁹ Moniyuk in lutlut ke Ma simusla ke kasru lun me rid lun met Kristian ku in ase nu sesr ku a in akkeye kut. Met sim lun Sam el on: “Insemwomwo met se . . . [su] engunak in ma sap lun Jeova, a el nunkauk ke ma sap len a fong. A el fwa oanu soko sak eoki sisken infwal lun kof, su isus fwako la in pal la a sra pa la tia paola, a ma nu kemwa el oru fwa kapkapek.” (Sam 1:1-3) Oanu me mongo in ikwe su kut enenu in kang tu kut in ku na in mano, oupanu me mongo in ngun su etuku sin God ke inkanek lun Kas lal a me rid lun met Kristian kut enenu pa in eis tu kut in ku na in ngun pal nu kemwa. Ke ma inge, lutlut a kalweni ke nunuk lasr ke me lutlut arulanu yok sripe.

10. Nge kut ku in konaok pal ke lutlut a nunuk ke ma kut lotela tari?

¹⁰ Aok oasr ma lane yok fwin kut kalweni ke nunuk lasr “ma loal lun God.” (1 Korint 2:10) Tusruktu, nge kut ku in konaok pal in kalweni ke ma kut lotela tari ke nunuk lasr? Mwen nutul Ebream pangpang Isaak “el som nu in imae se ekela tu lan nunku.” (Genesis 24:63-67) Met sim lun Sam Devid el ‘nunku ke God ke san lun fong.’ (Sam 63:6) Lela kut in lutlut ke Kas lun God a nunku ke ma inge ke lututeng, ke eku, ke fong​—aok, pal nu kemwa. Kain in lutlut a nunuk inge ku in kol nu ke siepa me sang lun Jeova in ngun su ku in akkeye kut​—pre.

11. Efu kut enenu in aksaokye pre su enenu in orek pal nu kemwa?

¹¹ Pre pal nu kemwa ke God ku in kasru in eis ku. Ke ma inge, lela kut in “sikalani in pre.” (Rom 12:12) Oasr pal, kut enenu in siyuk ke lalmetmet a ku in kutangla me srifwe. (Jemes 1:5-8) Lela kut in sang kulo pa a kaksakin God ke pal se kut liye kapkapek lun akmwuk lal ku ke pal se kut liye la el akkeye kut in tafwela nu orekma lal. (Filippai 4:6, 7) Kut fwin kaifweung na in futoto nu sin God ke pre, el tia ku in som liki kut. “Liye!” Devid el on, “God el met kasru luk.”​—Sam 54:4.

12. Efu kut enenu in siyuk sin God ke ngun mutal?

¹² Papa tumasr in kosrao akkeye kut a ase nu sesr ku ke inkanek lun ngun mutal lal, ku lal. Poul el simusla: “Ke sripe se inge Nga sikukmutunti nu sin Papa . . . tu el fwa sot nu sumwos, fwal nu ke gaspen mwolanu lal, tu komwos fwa kui ke ku lun ngun lal in ngunomwos.” (Efesus 3:14-16) Kut enenu in pre ke ngun mutal, lalalfongi la Jeova e fwa akinsemwomwoye kut ke ma se inge. Jisus el fwak: Fwin sie tulik el siyuk ik soko, ya sie papa mwo el sang serpent soko nu sel? Paye, el tia oru ou inge. Ke ma inge el aksafyela kas lal: “Na komwos met koluk fwin etu fuka in sang mwo nu sin tulik nutumwos, fuka yokeyen Papa tumomwos su in kosrao el fwa sang ngun mutal nu selos su siyuk sel!” (Luk 11:11-13) Lela kut in pre wikin lalalfongi a tia mulkunla ke kutena pal la met kulansap oaru lun God ku in ekla “kulanu” ke inkanek lun ngun mutal.

Congregation Sie Me Kasru Ku

13. Nunuk fuka kut enenu in akkalemye ke meeting lun met Kristian?

¹³ Jeova el ase nu sesr ku ke inkanek lun meeting nu kemwa lun cogregation lun met Kristian. Jisus el fwak: “Tu yen luo ku tolu tukeni in ek, Nga muta in maslolos we.” (Mattu 18:20) Ke pal se Jisus el oru mwolela inge, el sramsram ke ma puspis su siyuk nu sin met liaung lun congregation in loang akmwoye. (Mattu 18:15-19) Tusruktu, akmwuk lun kas lal fwal pa nu ke meeting nu kemwa, assembly nu kemwa a toeni lulap nu kemwa, su ikasla a aksafyela ke pre in el. (Jon 14:14) Ke ma inge sie me sang yok na paye in wi ke kain in toeni inge nu kemwa lun met Kristian, fwinne kut supus ku fwinne tausen puspis pa wi. Ke ma inge lela kut in akkalemye kulo lasr ke toeni inge nu kemwa su orekla in kasru kut in ku ke ma lun ngun a in akkeye kut nu ke lungse a orekma mwo.​—Hibru 10:24, 25.

14. Kain in ma lane fuka su kut ku in eis ke kaifweung lun met Kristian elder?

¹⁴ Met Kristian elder elos sang me kasru in ngun a me akkeye. (1 Piter 5:2, 3) Poul el kasru a akkeye congregation nu kemwa su el kulansapu, oanu met fwafwasyesr elos oru pa ke len inge. Ke ma paye, el kena in muta yurin met lili wiel in lalalfongi tu elos in ku in akkeye sie sin sie. (Orekma 14:19-22; Rom 1:11, 12) Lela kut in akkalemye insemwomwo lasr pal nu kemwa nu sin met elder a kutupa met Kristian su kurungin kut, a oru orekma yok in akkeye kut ke ma lun ngun.

15. Fuka met lili wiesr in lalalfongi ke congregation lasr sie “me akkeye” na paye”?

¹⁵ Met lili wiesr in lalalfongi su wi ke congregation lasr elos ku in “me pwarak nu sesr.” (Kolosse 4:10, 11) Oanu ‘sie met kamwuk paye’ elos ku in kasru kut ke pal in ma upa. (Soakas 17:17) Ke sie me pupulyuk, ke pal se met kulansap 220 lun God elos aksukosokyeyuk liki nien kapur lulap pangpang Sachsenhausen concentration camp su oan ye koko lun Nazi in yiu 1945, elos enenu in fwafwasyesr ke lusen mail 120. Elos fwafwasyesr oanu sie u, a met fukoko selos ul met munas su muta fwin kuruma srisrik puspis. Fwokin ma inge? Ke sie death march su uniye 10,000 kutu met su tuku ke nien kapur lulap, ke saflaiye wangin sie sin Met Lo lun Jeova mise. Ma sikyuk inge su ku in liyeyuk ke me rid lun Watch Tower wekunang Yearbook of Jehovah’s Witnesses a Jehovah’s Witnesses​—Proclaimers of God’s Kingdom, akkalemye la God el sang ku nu sin met kulansap lal, tu elos in tia fuleak.​—Galetia 6:9.b

Akkeyeyuk ke Orekma lun Forfor Lasr

16. Fuka akesrui mwo ke orekma lun forfor akkeye kut ke ma lun ngun?

¹⁶ Akesrui pal nu kemwa ke orekma in luti ke Togusrai akkeye kut in ngun. Kain in orekma inge kasru kut in loang yok ke Togusrai lun God a in srukye ke nunuk lasr me insemwomwo ma patpat su tuku ka. (Jud 20, 21) Mwolela su tuku ke Ma Simusla su kut sramsramkin ke orekma lun forfor lasr ase nu sesr fwinsrak a ku in oru kut in kaifweung oanu met palu Maika, su fwak: “A . . . kut fwa fwasr in en Jeova God lasr ma patpat a ma patpat.”​—Maika 4:5.

17. Kain in kas in kaifwe fuka etuku nu sesr ke orekma in luti ke Baibel study?

¹⁷ Futoto lasr nu sin Jeova akkeyeyuk ke kut orekmakin yok Ma Simusla in luti kutu met. Ke sie me pupulyuk, ke pal se kut oru Baibel study ke kasru lun buk inge Etauk Su Ku In Kol Nu Ke Moul Ma Patpat, sie inkanek lalmetmet in rid a in sramsramkin fus nu kemwa su oasr ka pangpang cited. Ma inge ku in kasru tulik lutlut a akkeye kalem lasr sifwanu ke ma simusla. Fwin upa nu sin tulik lutlut in kalem ke sie aketeye ku me pupulyuk in Baibel, na lutlutkin pal luo ku in orekmakinyuk in aksafyela sie sapter ke buk inge Etauk. Sie me insemwomwo na paye nu sesr in akola mwo a in kaifweung in kasru kutu met in futoto nu sin God!

18. Sang me pupulyuk fuka buk inge Etauk orekmakinyuk ke inkanek mwo.

¹⁸ Kais sie yiu, buk inge Etauk orekmakinyuk mwo in kasru tausen puspis sin met in ekla met kulansap lun Jeova su mwoleyukla, a pus sin met inge tia etu na paye Baibel. Ke sie me pupulyuk, ke pal se el srakna tulik srisrik, sie mokul Hindu fwin an Sri Lanka el long ke sie mutan Met Lo ke el sramsram ke Paredais. Tokin yiu ekasr el osun nu sel a tia pat toko mokul tumal el lutlut Baibel nu sel. In akpayeye, mokul fwusr se inge el tuku ke len nu kemwa in oru Baibel study lal, a buk inge Etauk aksafyeyukla ke lusen pal na futoto. El mutamwauk in wi ke meeting nu kemwa, el som liki alu lal, a el ekla met sulkakin Togusrai. Ke pal se el baptaisla, el mutamwauk tari in oru Baibel study nu sin sie met asrouki lal.

19. Ke kut suk meet Togusrai, kut ku in lalalfongi na paye ke mea?

¹⁹ In suk meet Togusrai lun God ku in wise nu sesr me insemwomwo su akkeye kut. (Mattu 6:33) Fwinne kut pulakin kain in me srifwe puspis, kut tafwela na in insemwomwo a moniyuk in sulkakin peng mwo. (Taitus 2:14) Pus sin met inmaslosr sun tari ma enenu in sroang nu ke orekma lun pioneer, a kutu elos kulansap tari ke an puspis su oasr enenu yok ke met luti. Ke kut insemwomwo in akkeye orekma lun Togusrai ke inkanek inge ku ke kutupa inkanek, kut lalalfongi la Jeova el tia mulkunla orekma lasr a lungse su kut fwakak nu ke el.​—Hibru 6:10-12.

Tafwela ke Ku lun Jeova

20. Fuka kut ku in akkalemye la kut ngetuk nu sin Jeova ke ku?

²⁰ Ke insemwomwo nu kemwa, lela kut in akkalemye la kut fwinsrak nu sin Jeova a kut ngetuk nu sel ke ku. Kut ku in oru ou inge ke kut akmwesasye moul lasr sifwanu ke me sang in ngun su el ase nu sesr ke inkanek lun ‘met kulansap oaru.’ (Mattu 24:45) Lutlut lasr sifwanu a lutlut lun congregation ke Kas lun God ke kasru lun me rid lun met Kristian nu kemwa, pre ke insiesr, me kasru su tuku sin met elder, me srikasrak mwo su tuku sin met lili wiesr in lalalfongi, a akesrui pal nu kemwa ke orekma lun forfor pa me sang puspis su akkeye futoto lasr nu sin Jeova a ase nu sesr ku in tafwela ke orekma mutal lal.

21. Fuka met sap Piter a Poul elos akkalemye enenu ke ku su tuku sin God?

²¹ Fwinne kut munas, Jeova el akkeye kut in oru ma lungse lal kut fwin lalalfongi ke kasru lal. Meyen el akilen enenu lasr ke me kasru inge, met sap Piter el simusla: “Kutena met fwin kulansapu, lela lan kulansapu oanu ku su God el sang.” (1 Piter 4:11) A Poul el akkalemye lalalfongi lal ke ku su tuku sin God ke pal se ma el fwak: “Ke ma inge, Nga engun in munas, in lal, in enenu, in kolyai, in keok ke Kraist. Tu ke Nga munas, na Nga ku.” (2 Korint 12:10) Lela kut in akkalemye kaifweung sepanu inge a sang mwolanu nu sin Leum Ku Liki Ku Jeova, su sang ku nu sin met totola.​—Isaia 12:2.

[Footnotes]

Fuka Kom Topuk?

• Efu met lun Jeova elos enenu ku su yok liki ku lalos sifwanu?

• Mea me akpayeye ke Ma Simusla akkalemye la God el ku in sang ku nu sin met kulansap lal?

• Mea kutu nu ke me sang in ngun su Jeova el wise in akkeye kut?

• Fuka kut ku in akkalemye la kut ngetuk nu sin God ke ku?

[Picture on page 24]

Futoto lasr nu sin Jeova akkeyeyuk ke kut orekmakin Baibel in luti kutu met