“Ma Saok Puspis” Nekla Loom Sin Jeova

“A Nga fwa mokle mutanfwal nu kemwa, a ma saok lun mutanfwal nu kemwa fwa tuku; a Nga fwa nekla loom se inge ke mwolanu, Jeova lun un met meun el fwak.”​—HAGGEAI 2:7.

1. Ke sie pal in emergency, efu kut nunku meet ke met su kut lungse?

KAIN in ma saok fuka nekla lom sum? Ya oasr furniture loom su arulanu kato, computer sasu, sitosa okom su oasr ke garage loom? Fwinne ma inge nu kemwa oasr yurom, ya kom tia insese la ma saok emeet in loom sum pa met​—met nu kemwa in sou lom? Nunku la sie fong kom tukakek meyen kom ngok sie ma furreak. Loom sum fururrur, a oasr minit ekasr na lom in kaeng! Mea kom akola in nunku meet? Furniture kato loom? Computer lom? Sitosa okom? Ya kom tia nunku meet met su kom lungse? Aok, pa inge ma kom akola in oru meet, meyen met el yok liki kutena me saok.

2. Mea lupan ma orekla lun God, a nu sin su ke ma orekla inge Jisus el arulanu engun?

² Inge, nunku ke Jeova God a Mwen nutul, Jisus Kraist. Jeova pa “orala kosrao a fwalu a mwea, a ma nu kemwa su on lu.” (Orekma 4:24) Mwen nutul, “sie met orekma usnguk,” pa sie inkanek su Jeova God el orekmakin in orala ma puspis saye. (Soakas 8:30, 31; Jon 1:3; Kolosse 1:15-17) Paye Jeova a Jisus elos arulanu aksaokye ma nu kemwa su elos orala meet. (Srike liye Genesis 1:31.) Tusruktu piye ke ma orekla inge nu kemwa kom nunku mu elos arulanu aksaokye liki​—met ku ma puspis saye? Ke orekma lalmetmet lal su akkalemyeyuk oanu sie met, Jisus el fwak: “A Nga engun yurin mwen nutin met,” ku oanu leng lal William F. Beck el akkalemye, Jisus el “arulanu engun ke met.”

3. Kain in kas palu fuka Jeova el fwak ke inkanek lal Haggeai?

³ Wangin alollo Jeova el arulanu aksaokye na paye met. Sie me akpayeye ke ma se inge ku in liyeyuk ke kas palu su el fwak yiu 520 B.C.E. ke inkanek lun met palu Haggeai. Jeova el fwak: “A Nga fwa mokle mutanfwal nu kemwa, a ma saok lun mutanfwal nu kemwa fwa tuku; a Nga fwa nekla loom se inge ke mwolanu. . . . Mwolanu se tok lun loom se inge fwa yok liki ma meeta.”​—Haggeai 2:7, 9.

4, 5. (a) Efu sufwal in fwak la kas se inge “ma saok” el sramsram ke ma puspis fwin fwalu? (b) Fuka kom ku in aketeye “ma saok,” inge a efu ou inge?

⁴ Kain in “ma saok fuka” fwa nekla loom sin Jeova a sang mwolanu yok nu ke ma inge? Furniture kato pukanten a me yun puspis? Gold, silfer, a eot saok puspis? Mo tia pa inge. Esam la, tempel in pal meeta, su kisekinyuk century limekosr somla, pisen mani su orekmakinyuk oasr ke billion tala puspis!a Paye, Jeova el tia nunku ku sano u srisrik inge lun met Ju su sifwil foloko in sifwil musaiyuk tempel mwolanu liki tempel su Solomon el musa meet!

⁵ Ke ma inge, mea “ma saok” su fwa nekla loom sin Jeova? Kalem la, met pa inge. Aok, ma se ma akengunye Jeova tia silfer ku gold a met su kulansap nu sel ke lungse. (Soakas 27:11; 1 Korint 10:26) Aok, ma saok lun Jeova pa, mokul, mutan, a tulik srisrik su alu nu sel fwal nu ke lungse lal. (Jon 4:23, 24) Pa inge “ma saok,” a elos inge arulanu saok ye mutun Jeova liki na ma mwolanu nu kemwa su oasr ke tempel lal Solomon.

6. Tempel lun God in pal meeta el orekma ke kain in akmwuk fuka?

⁶ Fwinne oasr me lain upa, tempel inge aksafyeyukla in yiu 515 B.C.E. Nu ke pal in mise lal Jisus oanu sie me kise, tempel inge fwin an Jerusalem el onnu oanu center lun alu nasnas nu sin “ma saok” inmaslon met Ju a met Gentile proselytes. Tusruktu, tempel inge aoliyen ma mwolanu liki, oanu ma kut akola in liye.

Akpayeye ke Century Se Meet

7. (a) Tempel lun God in pal meeta fwin an Jerusalem el pitse nu ke mea? (b) Akkalemye orekma lun met tol fulat ke Len in Orek Iumwe.

⁷ Tempel fwin an Jerusalem el pitse nu ke sie akmwuk fulat ke alu. Pa inge tempel in ngun lun God, su Jeova el oakiye in yiu 29 C.E. a Jisus pa Met Tol Fulat ka. (Hibru 5:4-10; 9:11, 12) Nunku ke ma oanu sie inmaslon orekma lun met tol fulat fwin an Israel a ke ma Jisus el oru. Kais sie yiu, ke Len In Orek Iumwe, met tol fulat el kalukyung nu ke me loang ke tempel inkalkalu a kisekin cow mokul in oanu me kise ke ma koluk lun met tol. Tokin ma inge, el ilyuk nu ke tempel a eis kutu sin sran kao mokul sokoe, el sasla nu ke srungal inmaslon Infwokil Mutal a Infwokil Mutal na Mutal. Tokin el ilyuk tari ke Infwokil Mutal na Mutal, Met Tol Fulat el aksroksrokye ke sra nien pakoten lun mwoleaung ke kufinpaul. Na, ke inkanek siefwunnu, el kisekin goat mokul in oanu me kise ke ma koluk lun sruf 12 lun Israel su tia met tol. (Livitikus 16:5-15) Fuka akmwuk inge nu kemwa kapsreni nu ke tempel in ngun lun God?

8. (a) Ke inkanek fuka Jisus el kisekinyukla tari mutamwauk 29 C.E.? (b) Kain in futoto fuka Jisus el engunkin yurin Jeova ke lusen pal in orekma lun forfor lal fwin fwalu?

⁸ In oupanu, Jisus el kisekin moul lal sifwanu ke me loang lun lungse lun God ke pal se el baptaisla a akmusrala sin ngun mutal lun God in yiu 29 C.E. (Luk 3:21, 22) Paye, ma sikyuk inge oanu akul ke mutamweyen sie inkanek in moul lal Jisus su kisekinyuk tari ke lusen yiu tulo tafwu. (Hibru 10:5-10) Ke lusen pal ingo, Jisus el engunkin futoto lal-nu sin God su etuku ke ngun. Met puspis elos tia akilen na paye moul futoto lal inge yurin Papa tumal in kosrao. Oanu ok su losrala mutalos, oanu luslus su kosroila met in tia liye ma mutal inkalkal lun loom sin God.​—Exodus 40:28.

9. Efu Jisus el tia ku in ilyuk nu in kosrao oanu sie met, a fuka luma se inge aksumwosyeyuk?

⁹ El fwinne Mwen nutin akmusrala lun God, Jisus su muta in ikwe el tia ku in eis moul in kosrao. Efu? Meyen ikwe a sra tia ku in eis usru lalos in Togusrai lun God in kosrao. (1 Korint 15:44, 50) Ke sripen monin Jisus oanu sie met oanu me kutong, paenang el aoliyen me luslus inmaslon Infwokil Mutal a Infwokil Mutal na Mutal ke tempel lun God in pal meeta. (Hibru 10:20) Tusruktu, len tolu tokin mise lal, Jisus el akmoulyeyukyak sin God oanu sie ngun. (1 Piter 3:18) Ke ma inge el ku in ilyuk nu ke Infwokil Mutal na Mutal ke tempel in ngun lun God​—in kosrao na paye. A pa inge ma sikyuk na paye. Poul el simusla: “Tu Kraist el tia ilyuk nu yen mutal [kalem la el sramsram ke Infwokil Mutal na Mutal] orek ke po, su me srikasrak nu ke ma paye, a in kosrao sifwanu, tu inge el fwa sikyuk ye mutun God kasr.”​—Hibru 9:24.

10. Mea Jisus el oru tokin el folokla nu in kosrao?

¹⁰ In kosrao, Jisus el oanu orek ‘aksroksrok ke sran’ me kise lal ke pal se el akkalemye ku lun lango lun moul lal nu sin Jeova. Tia ou inge mukena, Jisus el oru kutupa ma saye. Kitin pal lula meet liki mise lal, el fwak nu sin met tuma lutlut lal: “Tu Nga som in ako an sumwos. A, Nga fwin som a ako an sumwos, Nga fwa sifwil tuku a eis komwos nu yurok, tu yen Nga muta we, komwos fwa muta we pa.” (Jon 14:2, 3) Ke ma inge ke pal se el ilyuk nu ke An Mutal Na Mutal, ku kosrao, Jisus el ikasla inkanek nu sin kutu met in fwasr tokol. (Hibru 6:19, 20) Met inge nu kemwa, su piselos oasr ke 144,000, elos fwa kulansap oanu met tol ke akmwuk lun God ke tempel in ngun. (Fwakyuk 7:4; 14:1; 20:6) Oanu met tol fulat fwin an Israel elos wisla meet sran kao mokul fwusr nu ke Infwokil Mutal na Mutal in aknasnasye ma koluk lun met tol nu kemwa, paenang ku lun sran Jisus orekmakinyuk meet nu sin 144,000 inge su met tol.b

“Ma Saok” ke Len Inge”

11. Met tol fulat el kisekin goat soko ke mea, a ma inge el pitse nu ke mea?

¹¹ Ke 1935, luman orekma yok in esani nu sie met akmusrala aksafyeyuklac Tusruktu Jeova el sonna tari in sang mwolanu ke loom sel. Mo, meyen “ma saok” el sonna tuku. Esam la met tol fulat fwin an Israel el kisekin kosro lukwe​—kao mokul soko ke ma koluk lun met tol nu kemwa a goat soko ke ma koluk lun sruf nu kemwa su tia wi met tol. Meyen met tol elos aoliyen met akmusrala su akola in welul Jisus nu in togusrai in kosrao, paenang sruf nu kemwa su tia wi met tol elos aoliyen su? Topuk ke kusensiyuk inge ku in konoiyukyuk ke kas lal Jisus su simusyukla in Jon 10:16: “A oasr kutupa sip nutik, su tia muta in kalkal se inge; Nga fwa ouyepa wiselosme, a elos fwa long pusrek, a elos fwa u siefwunnu a met sropu siefwunnu.” Ke ma inge, sra su surorla liki Kraist sang ma lane nu ke u luo lun met​—ma se meet, nu sin met Kristian su oasr fwinsrak in kol yurin Jisus in kosrao, a ma se akluo, nu sin met nu kemwa su oasr fwinsrak in moul ma patpat in paredais fwin fwalu. Kalem la, u akluo inge pa aoliyen “ma saok” ke kas palu lal Heggeai.​—Maika 4:1, 2; 1 Jon 2:1, 2.

12. “Ma saok” puspis elos tuku nu ke loom sin God ke len inge ke inkanek fuka?

¹² “Ma saok” inge srakna tuku in nekla loom sin Jeova. Ke yiu ekasr somla, me kutong ke orekma tufwanu etukla liki an Eastern Europe, kutu an fwin an Africa, a kutupa an, paenang orekma ke peng mwo lun Togusrai su oakiyuki tari arulanu kapkapek ke territory puspis inge su tufwanu sun. Ke pal se “ma saok” inge tuku ke akmwuk lun Jeova ke tempel, elos ouyepa kaifweung in akos ma sap lal Jisus in kasru kutu met in ekla met tuma lutlut. (Mattu 28:19, 20) Ke pal se elos oru ou inge, elos osun nu sin met puspis, met fwusr a met matu, su oasr pal mwo in ekla “ma saok” su sang mwolanu nu ke loom sin Jeova. Tuni akmwoye kutu me srikasrak fuka ma inge sikyuk.

13. Fuka tulik mutan se fwin an Bolivia el akkalemye moniyuk lal ke orekma in sulkakin mwosasu lun Togusrai?

¹³ In an Bolivia, sie tulik mutan yiu limekosr matwe su kapek ke kasru lun papa a nine Met Lo el siyuk sin met luti lal el fwin ku in mongle ke pal in muteta lun circuit overseer ke lusen wik se. Efu el oru ou inge? Meyen el lungse in wi ke orekma lun forfor ke lusen wik saok inge lun orekma. Ma inge aklutye papa a nine kiel, tusruktu elos engun meyen el akkalemye kain in oiye se inge. Ke pal inge, tulik mutan inge el Baibel srudy nu sin met limekosr, a kutu sin tulik lutlut se inge su el Baibel study nu se mutamwauk in wi meeting. El ouyepa wisela tari met luti lal ke Kingdom Hall. Saap ke sie pal, kutu sin Baibel study lal inge ku in akkalemyelos sifwanu oanu “ma saok” su sang mwolanu nu ke loom sin Jeova.

14. Fwin an Korea, fuka kaifweung lun sie sister nu sin sie met

¹⁴ Ke pal se el sano ke sie station lun train, sie mutan Kristian fwin an Korea el osun nu sin sie tulik lutlut su long on ke headphone lal. “Ya oasr sie alu lom?” el siyuk. “Nga tia pwar ke kutena alu,” tulik lutlut el topuk. Sister se inge el tia fuleak. “Ke sie pal,” el tafwela, “saap sie met el lungse sulela sie alu. Tusruktu fwin wangin etauk lal ke alu, saap el ku in sulela alu sito.” Ma inge purakak nunuk lun tulik lutlut, a el mutamwauk in long a akkalemye pwar ke sramsram lun sister wiesr. El sang nu sel buk inge Is There a Creator Who Cares About You? a el fwak la me rid inge sie me kasru yok fwin sie pal tuku nu sel in sulela sie alu. El insemwomwo in eis buk inge. Tokin wik se, el mutamwauk in lutlut Baibel yurin sie Met Lo lun Jeova, a ke pal inge el wi ke meeting nu kemwa lun congregation.

15. Fuka sie mutan fwusr fwin an Japan el mutamwauk Baibel study puspis, a fuka kaifweung lal akinsemwomwoyeyuk?

¹⁵ Fwin an Japan, Megumi su yiu 12 matwe, el nunku mu loom lutlut lal pa sie nien orekma mwo ke orekma in fwakak a luti. El mutamwauk Baibel study pukanten we. Fuka Megumi el oru ou inge? Meyen el ridi Baibel ku akola nu ke meeting nu kemwa ke lusen pal in mongle, paenang tulik lutlut su welul pal nu kemwa elos siyuk mea el oru. Kutu selos siyuk sel Megumi efu el tia wi ke kutu orekma lun loom lutlut. Megumi el sang topuk ke kusensiyuk lalos a el ouyepa aketeye nu selos la oasr en God. Pal nu kemwa ma inge purakak pwar lun met su longol. Na el kaifwe nu selos in lutlut Baibel. Ke pal inge, Megumi el Baibel study nu sin met 20​—18 classmate lal.

16. Fuka brother se fwin an Cameroon el mutamwauk Baibel study puspis nu sin kutu met inmaslon met aksruksruk koluk?

¹⁶ In an Cameroon, oasr mokul alkosr su orekma ke sie nien orekma elos osun nu sin sie brother su kitakut me rid ke Baibel nu sin met nu kemwa su fwasr ke inkaneku. Meyen elos nunku in aksruksruk koluk nu sin brother se inge paenang elos siyuk efu el tia lalalfongi ke Trinity, isis, ku ke ngun su tia ku in mise. Brother lasr inge el orekmakin Baibel a sang topuk ke kusensiyuk lalos inge nu kemwa. Ke sripe se inge, mokul tolu elos insese in lutlut Baibel. Sie selos e Daniel, el mutamwauk in wi ke meeting nu kemwa a kunausla ma nu kemwa lal su oasr ip lun ngun fokfok ka. (Fwakyuk 21:8) Tia sun yiu se, el baptaisla.

17. Fuka kutu brother fwin an El Salvador elos orekmakin lalmetmet in luti nu sin sie mokul su ke mutamwauk srunga in long ke mwosasu lun Togusrai?

¹⁷ In an El Salvador, sie mokul el kapriye ke srungal kosro ngalngal silolel nutul pal nu kemwa el liye Met Lo lun Jeova futoto nu ke an sel. Mokul se inge el sano Met Lo lun Jeova in som, meet liki el sifwil wisela kosro nutul nu in loom. Wangin fwinne sie pal met lili wiesr elos sramsram nu sin mokul inge. Ke ma inge, sie len elos srike inkanek saye fuka in osun nu sin mokul inge. Meyen elos etu la mokul se inge el ku in long ma elos fwak, paenang elos sulela in luti kosro nutul. Elos tuku nu in loom sel, paing kosro nutul, a fwak la elos arulanu insemwomwo ke pal mwo lalos in sramsram. Elos sramsram ke sie pal la a oasr paredais fwin fwalu, ke pal inge wanginla met mulat​—aok, ke sie pal la fwinne kosro nu kemwa elos muta in misla. Tokin ma inge elos wikas nu sin kosro soko inge a elos mutamwauk in som. Elos arulanu lut ke pal se mokul inge el tofwoki ke loom sel a siyuk nunuk munas meyen el tia sang pal mwo nu sin Met Lo in sramsram nu sel. El eis magasin, a sie lutlut ke Baibel mutamwauk sel. Ke pal inge, mokul se inge el sie met lili wiesr tari​—el sie sin “ma saok”!

“Nikmwet Sangeng”

18. Kain in ma upa fuka met Kristian puspis elos sun, tusruktu mea nunuk lun Jeova nu sin met su alu nu sel?

¹⁸ Ya kom wi ke orekma saok in luti ke Togusrai​—a in orala met tumal lutlut? Fwin aok, sie me sang na paye pa inge nu sum. Aok, ke inkanek lun orekma se inge “ma saok” nu kemwa elos kasreyuk sin Jeova in tuku nu in loom sel. (Jon 6:44) Paye, saap oasr pal kom luman totola ku munas. Kutupal, kutu sin met​—fwinne inmaslon met kulansap oaru lun Jeova—​elos pulakin la wangin sripen kaifweung lalos. Tusruktu lela kom in tia fuleak! Jeova el nunku kais sie met kulansap lal oanu ma saok, a el arulanu pwar ke molela lom.​—2 Piter 3:9.

19. Kain in kas in akkeye fuka Jeova el sang ke inkanek lal Haggeai, a fuka kas inge sropon me akkeye nu sesr?

¹⁹ Ke pal se kut pulakin munas, ke sripen me lain ku kutu ma sikyuk sufwal, kas lun Jeova nu sin met Ju su sifwil foloko ke an selos sie sropon ku. In Haggeai 2:4-6, kut ku in rid: “ ‘Tusruktu kom in ku inge, O Sirubabel,’ Jeova el fwak, ‘a kom in ku, O Josua, mwen nutul Jeosadak, met tol fulat. A komwos in ku, komwos met fwal se inge nu kemwa,’ Jeova el fwak, a orekma. Tu Nga wi komwos, Jeova lun un met meun el fwak. ‘Fwal nu ke kas se inge Nga mwolela nu sumwos ke komwos tuku fwal Ijipt me, a ngunik muta inmaslomwos. Nik komwos sangeng. Tu ou inge Jeova lun un met meun el fwak, ‘Pal siefwunnu​—kitin pal na—​a Nga fwa mokle kosrao a fwalu a mwea, a fwal pao.’ ” Tuni akmwoye meyen Jeova el tia kaifwe kut mukena in ku, a el ouyepa ase nu sesr inkanek fuka in eis ku inge. Fuka? Tuni akmwoye kas in akkeye inge: “Nga wi komwos.” Sie me akkeye lalalfongi na paye pa inge in esam la ke kutena me kutong su kut sun Jeova el wi kut!​—Rom 8:31.

20. Ke inkanek fuka mwolanu yok ke pal inge nekla loom sin Jeova?

²⁰ Jeova el akpayeye tari la el wi na paye met lal. Paye, oanu ma el fwak ke inkanek lun met palu Haggeai: “Mwolanu se tok lun loom se inge fwa yok liki ma meeta . . . A Nga fwa sang misla in an se inge.” (Haggeai 2:9) Paye na paye, mwolanu yok emeet ke len inge ku in konoiyukyuk ke tempel in ngun lun Jeova. Efu? Meyen, foko foko ke tausen elos tuku nu ke alu paye ke kais sie yiu. Ma inge nu kemwa pa tia musrensral ke me mongo in ngun, a fwinne ke fwal koluk se inge, elos engunkin sie misla su misla ke fwalu sasu mukena ku in mwo liki ma inge.​—Isaia 9:6, 7; Luk 12:42.

21. Kaifweung fuka kut nu kemwa enenu in oru?

²¹ Orekma lun Jeova in mokle mutanfwal nu kemwa ke Armagedun arulanu futotoeni. (Fwakyuk 16:14, 16) Ke ma inge, lela kut in orekmakin pal lula in sang kasru in molela moul puspis. Lela kut in ku a in oasr lalalfongi yok nu sin Jeova. Lela kut nu kemwa in kaifweung in tafwela in alu nu ke tempel in ngun lulap lal, nekla ma inge ke “ma saok” puspis nu ke na Jeova el fwak la tari orekma lasr.

[Footnotes]

Ya Kom Esam?

• Mea ma saok sin Jeova su yok liki ma puspis?

• Sra su surorla liki Jisus sang ma lane nu ke kain in u luo fuka?

• Su “ma saok” inge su akola in nekla loom sin Jeova ke mwolanu?

• Mea me akpayeye su oasr yurosr su akkalemye la kas palu lal Haggeai akpayeyuk ke len inge?

su luman tianu pwar akinsemwomwoyeyuk?

[Diagram on page 28]

(For fully formatted text, see publication)

Ya kom etu kalme yok lun tempel lun Jeova in pal meeta?

An Mutal na Muta

Me Luslus

An Mutal

Sramwalsris

Me Loang

Inkalkal

[Picture on page 29]

Met tol fulat el kisekin kao mokul soko in aknasnasye ma koluk lun met Livai a goat soko ke ma koluk lun sruf lun met Israel su tia wi met tol

[Picture on page 30]

Orekma in luti ke Togusrai fwin fwalu nu fon purakak met puspis in tuku nu ke loom sin Jeova