Sie Yiu Saok ke Orekma in Kitelik Baibel

MET su oasr Baibel nutu misinge pus liki na meeta. Pa inge sie report su tuku ke United Bible Societies, meyen orekma in kitelik Baibel ke yiu 1998 el kapek yok liki tafwun million ke yiu puspis somla. Nu fon na, pus liki 57,200,000 Baibel​—nu fon na Baibel inge nu kemwa—​kitakutla tari fwin fwalu nu fon. “Ma inge sropon me akkeye na paye,” pa inge ma sie report el fwak. “Kas lun God el sun met puspis ke len inge.”

Paye, oasr ma tia oanu sie inmaslon met su oasr Baibel nutu a in ridi ma inge. Ke sie me pupulyuk, sie survey akkalemye la pus liki percent 90 lun met Merike oasr Baibel nutulos, a percent senpanu akkalemye la Baibel el sropon me luti mwomwo ke oiyen moul nasnas. Tusruktu, percent 59 na fwak la elos suk ke Baibel ke kai. A percent 29 akkalemye la “srik” ku “wangin na paye” etu lalos ke Baibel.

Met Lo lun Jeova elos tia orala a kitela mukena Baibel, a elos oru pa lutlut Baibel nu sin met ke wangin molo in an 230 kutu. Million puspis sin met ke pal inge elos eis ma lane yok ke akmwuk in lutlut inge ke Baibel. Elos inge eis kasru in kutangla ke ma upa puspis su elos sun ke pal inge, a elos lotela mea Baibel el fwak ke sie pal fwasru mwo ye koko lun Togusrai lun God.​—Isaia 48:17, 18; Mattu 6:9, 10.

[Pictures on page 32]

Lutlut ke Baibel in loom sin met in an (clockwise mutamwauk ke lese) Bolivia, Ghana, Sri Lanka, a England