MWE LUTLUT 23

Meac Enenweyuck In Suhmuhslah ac Luhngaslah Mwe Rit Nahtuhsr uh?

Someone working in the Writing Department, U.S.A. — Writing Department, U.S.A.

Sie un mwet lweng fin acn South Korea — South Korea

A man in Armenia holding a book translated by Jehovah’s Witnesses — Armenia

A girl in Burundi holding a book translated by Jehovah’s Witnesses — Burundi

A woman in Sri Lanka holding magazines translated by Jehovah’s Witnesses — Sri Lanka

Kuht oraclah mwe rit pucspucs ma puhs liki kahs 750, tuh kuht in sang kuhiyacsr in fahkwack “pweng wo” nuh sin “mwet luhn sruf nuhkewa ac kain in kahs nuhkewa, muhtuhnfacl nuhkewa, ac kain in tuhn in mwet nuhkewa.” (Fwackyuk 14:6) Kuht oruh fuhkah ma inge? Kuht kuh in oruh ma inge ke srihpen kahsruh luhn mwet sihm ke kain in acn pucspucs weacng un mwet suc luhngaslah ma inge, eltahl nuhkewa Mwet Loh luhn Jeova.

Sihmlac ke kahs English meet. Un Mwet Suc Liyacng Orekma Lasr Fin Facluh Nohfohn pa karihngihn orekma nuhkewa luhn Writing Department ke ohfuhs luhlahp lasr uh. Ohfuhs se inge oakiyac kunohkohn luhn kais sie mwet sihm ma orekma ke ohfuhs luhlahp kuh ke kuhtuh pac branch ohfuhs sahyac. Ke srihpen mwet sihm lasr inge tuhkuh ke kain in acn ac muhtuhnfacl, ma inge oruh kuht kuh in ahkuhtweyac kain in sifac pucspucs ke mwe rit nahtuhsr ma sun insiacn mwet ke kain in acn ac facsin nuhkewa.

Suhpweyucklac nuh yurin un lweng pucspucs. Tukun sihmlac kais sie mwe lutlut ac ma inge liyeyuck ac ahkkweyeyuck, ma inge suhpweyucklac ke computer nuh yurin u in lweng pucspucs fin facluh nohfohn ac eltahl luhngaslah ma inge. Eltahl kwacfeacng in sulaclah “kahs . . . pwacye” ma ac kuh in ahkuhtweyac na pwacye kalmen koanon kahs English uh nuh ke kahs laltahl sifacna.—Ecclesiastes 12:10.

Computer uh ahksayeack orekma nuhkewa kac. Computer uh tiac kuh in ahollah mwet in sihm ac lweng. Tuhsruhktuh, ke srihpen dictionary ac kuhfwen mwe research nuhkewa ke computer uh, ma inge ahksayeack orekma laltahl uh. Mwet Loh luhn Jeova uh oraclah program se inge pahngpahng Multilanguage Electronic Publishing System (MEPS), ma oracni sihm ac petsac uh nuh sie meet liki printiyucklac ke kain in kahs.

Finne suhpuhs mwet ke kuhtuh acn inge, efuh kuh kuht arlac kwacfeacng in oruh orekma inge nuhkewa? Mweyen Jeova el luhngse tuh “mwet e nuhkewa in moliyucklac ac in kuh in etuh ke ma pwacye.”—Sie Timothy 2:3, 4.

Meac enenweyuck in suhmuhslah mwe rit nahtuhsr uh?
Efuh kuh kuht luhngas mwe rit nahtuhsr uh nuh ke kahs pucspucs?