MWE LUTLUT 22
Orekma Fuhkah Ma Orek Ke Branch Ohfuhs?
Solomon Islands
Canada
South Africa
Mwet nuhkewa suc orekma ke Bethel uh kuhlwacnsap ke kain in ohfuhs in karihngihn orekma in luti ke muhtuhnfacl se kuh puhs liki pacna. Sahp eltahl wi orekma ke un lweng, print mackuhsin, oraclah puk, karihngihn warehouse ac suhpweyuck mwe rit. Eltahl oruh mwe lohngyuck kuh petsac ke video kuh eltahl liyacacng kuhtuh pac ma sahyac ma enenweyuck nuh ke acn pucspucs.
Branch Committee pa karihngihn orekma nuhkewa uh. Un Mwet Suc Liyacacng Orekma Lasr Fin Facluh Nohfohn eltahl pakiyac ke kais sie branch ohfuhs tuh in oasr Branch Committee se ke mwet elder tolu kuh puhs liki ma fal in oruh kunohkohn inge. Committee se inge pa ac tahfwelah kuhtwena ma upac kuh kapkapack luhn acn pucspucs ma oan ye karihngihnyuck laltahl nuh sin Un Mwet Suc Liyacacng Orekma Lasr Fin Facluh Nohfohn. Kain in report inge kahsruh Un Mwet inge in sulaclah sifac pucspucs ma enenuh in sramsramkihnyuck ke mwe rit ac toeni nuhkewa ke pacl fahsruh uh. Oasr kais kuhtuh pacl ma Un Mwet inge suhpwaclah mwet in som muhtwacta ke branch pucspucs ac sang kahsruh nuh sin Branch Committee ke kunohkohn pucspucs laltahl uh. (Soakas 11:14) Oasr program na sacohk se wi mwe sramsram se ma ac fah orek sin mwet se ma muhtwacta inge, in ahkkweye mwet lili nuhkewa suc muhta ye karihngihnyuck luhn kais sie branch ingacn.
Oasr kahsruh ituckyang nuh sin congregation pucspucs. Oasr mukul lili suc srihsrngiyucki ke branch ohfuhs inge in fahk lah kuh kuh tiac kuh in oreklac sie congregation sasuc ah. Oasr pac mukul lili suc kol orekma nuhkewa luhn pioneer, missionary ac mwet fuhfahsryucsr ma kuhlwacnsap ke branch ke acn seltahl uh. Eltahl pa oakiyac toeni luhlahp nuhkewa, orekma in muhsah nuh ke Lohm in Toeni sasuc ac lohacng ahkwoyac nuh kac lah suhpweyucklac mwe rit nuhkewa luhn congregation nuhkewa tuh in sang enenuh laltahl inge. Ma nuhkewa ma orek ke branch nuhkewa uh sang kahsruh in ahksahfyelah orekma in luti uh.—Sie Corinth 14:33, 40.
Branch Committee uh kahsruh fuhkah Un Mwet Suc Liyacacng Orekma Lasr Fin Facluh Nohfohn?
Kunohkohn pucspucs fuhkah karihngihnyuck sin branch ohfuhs?