ಮಾದರಿ ನಿರೂಪಣೆಗಳು
ಜುಲೈ ತಿಂಗಳ ಮೊದಲ ಶನಿವಾರ ಬೈಬಲ್ ಅಧ್ಯಯನ ಆರಂಭಿಸಲು
“ಒಂದು ಪ್ರಾಮುಖ್ಯ ಪ್ರಶ್ನೆಯ ಬಗ್ಗೆ ಜನರ ಅಭಿಪ್ರಾಯ ಕೇಳಲು ನಾವು ಬಂದಿದ್ದೇವೆ. [ಜುಲೈ-ಸೆಪ್ಟೆಂಬರ್ನ ಕಾವಲಿನಬುರುಜು ಪತ್ರಿಕೆಯ ಕೊನೆಯ ಪುಟದಲ್ಲಿರುವ ಮೊದಲ ಪ್ರಶ್ನೆ ತೋರಿಸಿ.] ಈ ಪ್ರಶ್ನೆಯ ಬಗ್ಗೆ ನಿಮ್ಮ ಅಭಿಪ್ರಾಯವೇನು?” ಉತ್ತರಕ್ಕಾಗಿ ಕಾಯಿರಿ. “ಈ ವಿಷಯಕ್ಕೆ ಸಂಬಂಧಪಟ್ಟ ಕೆಲವೊಂದು ಮಾಹಿತಿಯನ್ನು ಬೈಬಲ್ನಿಂದ ತಿಳಿಸಬಹುದಾ?” ಮನೆಯವರು ಒಪ್ಪಿದರೆ, ಮೊದಲ ಪ್ರಶ್ನೆಯ ಕೆಳಗಿರುವ ಮಾಹಿತಿಯನ್ನೂ, ಅಲ್ಲಿ ಕೊಡಲಾದ ವಚನದಲ್ಲಿ ಒಂದನ್ನಾದರೂ ಜೊತೆಯಾಗಿ ಚರ್ಚಿಸಿ. ಪತ್ರಿಕೆಯನ್ನು ನೀಡಿ, ಮುಂದಿನ ಪ್ರಶ್ನೆಯನ್ನು ಚರ್ಚಿಸಲಿಕ್ಕಾಗಿ ಏರ್ಪಾಡು ಮಾಡಿ.
ಕಾವಲಿನಬುರುಜು ಜುಲೈ-ಸೆಪ್ಟೆಂಬರ್
“ಒಂದು ವರ್ಷಕ್ಕೆ ಸುಮಾರು 60 ಲಕ್ಷ ಜನ ಧೂಮಪಾನದಿಂದ ಸಾಯುತ್ತಿದ್ದಾರೆ. ಈ ಚಟದಿಂದ ತಪ್ಪಿಸಿಕೊಳ್ಳಲು ಏನು ಮಾಡಬೇಕೆಂದು ನೀವು ನೆನಸುತ್ತೀರಾ? [ಉತ್ತರಕ್ಕಾಗಿ ಕಾಯಿರಿ.] ಧೂಮಪಾನದ ಬಗ್ಗೆ ದೇವರ ದೃಷ್ಟಿಕೋನವನ್ನು ತಿಳಿದುಕೊಂಡಿದ್ದರಿಂದ ಅನೇಕರು ಈ ದುಶ್ಚಟವನ್ನು ಬಿಡಲು ಅಥವಾ ಇದರಿಂದ ದೂರವಿರಲು ಸಾಧ್ಯವಾಗಿದೆ. ಧೂಮಪಾನ ಇತರರ ಮೇಲೆ ಬೀರುವ ಪರಿಣಾಮದ ಬಗ್ಗೆ ಕೆಲವರು ಯೋಚಿಸುವಂತೆ ಮಾಡಿದ ದೇವರ ಸಲಹೆಯನ್ನು ನಿಮಗೆ ತೋರಿಸಬಹುದಾ? [ಮನೆಯವನಿಗೆ ಆಸಕ್ತಿಯಿದ್ದರೆ 1 ಕೊರಿಂಥ 10:24ನ್ನು ಓದಿ.] ಧೂಮಪಾನದ ಬಗ್ಗೆ ದೇವರ ದೃಷ್ಟಿಕೋನವನ್ನು ತಿಳಿದುಕೊಳ್ಳುವುದರಿಂದ ಆ ದುಶ್ಚಟವನ್ನು ಬಿಟ್ಟುಬಿಡಲು ಹೇಗೆ ಸಹಾಯವಾಗುತ್ತದೆಂದು ಈ ಪತ್ರಿಕೆ ವಿವರಿಸುತ್ತದೆ.”