ಒಬ್ಬರಿಗೊಬ್ರು ಸಹಾಯ ಮಾಡೋದಂದ್ರೆ ಯೆಹೋವನ ಜನ್ರಿಗೆ ತುಂಬ ಇಷ್ಟ. (2 ಕೊರಿಂ. 8:4) ಆದ್ರೆ ಕೆಲವೊಂದು ಸಲ ಈ ತರ ಸಹಾಯ ಮಾಡೋಕೆ ಧೈರ್ಯ ತೋರಿಸಬೇಕಾಗುತ್ತೆ. ಉದಾಹರಣೆಗೆ, ಯಾವುದಾದ್ರೂ ಒಂದು ಯುದ್ಧ ಆದಾಗ ಅಲ್ಲಿರೋ ಹಿರಿಯರು ಸಹೋದರ ಸಹೋದರಿಯರಿಗೆ ಪ್ರೋತ್ಸಾಹ ಕೊಡ್ತಾರೆ, ಅವ್ರನ್ನ ಸಂತೈಸ್ತಾರೆ, ಅವ್ರಿಗೆ ಬೆಂಬಲ ಕೊಡ್ತಾರೆ. ಅಷ್ಟೇ ಅಲ್ಲ ಯೆಹೋವನಿಗೆ ನಿಯತ್ತಾಗಿರೋಕೆ ಬೇಕಾದ ಎಲ್ಲ ಬೆಂಬಲ ಕೊಡ್ತಾರೆ. ಅವ್ರಿಗೆ ಊಟ, ಬಟ್ಟೆ ಮತ್ತು ಉಳ್ಕೊಳ್ಳೋಕೆ ವ್ಯವಸ್ಥೆನೂ ಮಾಡಿ ಕೊಡ್ತಾರೆ. ಅವ್ರಿಗೆ ಸಹೋದರ ಸಹೋದರಿಯರ ಮೇಲೆ ತುಂಬ ಪ್ರೀತಿ ಇರೋದ್ರಿಂದ ತಮ್ಮ ಜೀವವನ್ನ ಪಣಕ್ಕಿಟ್ಟು ಸಹಾಯ ಮಾಡೋಕೂ ರೆಡಿ ಇರ್ತಾರೆ. ಇಂಥ ಕಷ್ಟದ ಸಮಯದಲ್ಲಿ ನಾವೆಲ್ರೂ ಒಗ್ಗಟ್ಟಾಗಿರಬೇಕು. ಸ್ಥಳೀಯ ಬ್ರಾಂಚ್‌ ಕೊಡೋ ನಿರ್ದೇಶನ ಪಾಲಿಸಬೇಕು. (ಇಬ್ರಿ. 13:17) ವಿಪತ್ತು ಬರೋ ಮುಂಚೆ ಹೇಗೆ ತಯಾರಾಗಿರಬೇಕು ಮತ್ತು ವಿಪತ್ತು ಆದ್ಮೇಲೆ ಏನೆಲ್ಲಾ ಮಾಡಬೇಕು ಅಂತ ಸಂಘಟನೆ ಕೊಡೋ ನಿರ್ದೇಶನದ ಬಗ್ಗೆ ಹಿರಿಯರು ಆಗಾಗ ನೋಡ್ತಾ ಇರಬೇಕು. (1 ಕೊರಿಂ. 14:33, 40) ಧೈರ್ಯ ತೋರಿಸಬೇಕು, ಆದ್ರೆ ಹುಷಾರಾಗೂ ಇರಬೇಕು. (ಜ್ಞಾನೋ. 22:3) ಯಾವುದೇ ವಿಷ್ಯ ಮಾಡೋ ಮುಂಚೆ ಚೆನ್ನಾಗಿ ಯೋಚ್ನೆ ಮಾಡಿ, ಅನಗತ್ಯವಾಗಿ ಅಪಾಯದಲ್ಲಿ ಸಿಕ್ಕಿ ಹಾಕೋಬೇಡಿ. ಯೆಹೋವನ ಮೇಲೆ ಆತುಕೊಳ್ಳಿ, ಬೇರೆಯವ್ರಿಗೆ ಸಹಾಯ ಮಾಡುವಾಗ ನೀವು ಸುರಕ್ಷಿತವಾಗಿ ಇರೋಕೆ ಆತನು ಸಹಾಯ ಮಾಡ್ತಾನೆ. w24.07 4 ¶8; 5 ¶11

ದಾವೀದ ಯೆಹೋವನ ಬಗ್ಗೆ ಚೆನ್ನಾಗಿ ತಿಳ್ಕೊಂಡಿದ್ದ ಮತ್ತು ಆತನು ಸಹಾಯ ಮಾಡ್ತಾನೆ ಅನ್ನೋ ನಂಬಿಕೆನೂ ಇಟ್ಟಿದ್ದ. ಅವನನ್ನ ಸೌಲ ಮತ್ತು ಬೇರೆಯವರು ಕೊಲ್ಲೋಕೆ ನೋಡಿದಾಗ ಯೆಹೋವ ದೇವರ ಹತ್ರ ಸಹಾಯಕ್ಕಾಗಿ ಅವನು ಪ್ರಾರ್ಥಿಸಿದ. ಅವನ ಪ್ರಾರ್ಥನೆಗೆ ಯೆಹೋವ ದೇವರು ಉತ್ತರ ಕೊಟ್ಟನು ಮತ್ತು ಅವನಿಗೆ ಸಹಾಯನೂ ಮಾಡಿದನು. ಆಮೇಲೆ ಅವನು “ಯೆಹೋವ ಜೀವ ಇರೋ ದೇವರು!” ಅಂತ ಹೇಳಿದ. (ಕೀರ್ತ. 18:46) ದಾವೀದ ಹೇಳಿದ ಮಾತಿನ ಅರ್ಥ ದೇವರು ಇದ್ದಾನೆ ಅಂತ ಹೇಳೋದು ಅಷ್ಟೇ ಆಗಿರಲಿಲ್ಲ. ಬದಲಿಗೆ “ಜೀವ ಇರೋ ದೇವರು ತನ್ನ ಸೇವಕರನ್ನ ಕಾದು ಕಾಪಾಡ್ತಾನೆ” ಅನ್ನೋ ನಂಬಿಕೆ ದಾವೀದನಿಗಿತ್ತು ಅಂತ ಒಂದು ರೆಫರೆನ್ಸ್‌ ಹೇಳುತ್ತೆ. ದಾವೀದನಿಗೆ ಯೆಹೋವ ಜೀವ ಇರೋ ದೇವರಂತ ತನ್ನ ಅನುಭವದಿಂದಲೇ ಅರ್ಥ ಆಯ್ತು. ಅದಕ್ಕೆ ಅವನು ಯೆಹೋವನನ್ನ ಯಾವಾಗ್ಲೂ ಆರಾಧಿಸಬೇಕು ಮತ್ತು ಆತನನ್ನ ಹೊಗಳಬೇಕು ಅಂತ ತೀರ್ಮಾನ ಮಾಡಿದ್ದ. (ಕೀರ್ತ. 18:28, 29, 49) ಯೆಹೋವ ಜೀವ ಇರೋ ದೇವರು ಅಂತ ನಾವು ನಂಬಿದ್ರೆ ಖುಷಿಖುಷಿಯಾಗಿ ನಮಗೆ ಆತನನ್ನ ಆರಾಧಿಸೋಕೆ ಆಗುತ್ತೆ. ಎಷ್ಟೇ ಕಷ್ಟಗಳು ಬಂದ್ರೂ ಅದನ್ನ ಸಹಿಸ್ಕೊಳ್ಳೋಕೆ ಶಕ್ತಿ ಸಿಗುತ್ತೆ ಮತ್ತು ಯಾವಾಗ್ಲೂ ಆತನ ಸೇವೆ ಮಾಡ್ತಾ ಇರೋಕೆ ಪ್ರೋತ್ಸಾಹ ಸಿಗುತ್ತೆ. ಅಷ್ಟೇ ಅಲ್ಲ ಆತನಿಗೆ ಯಾವಾಗ್ಲೂ ಹತ್ರ ಆಗಿರಬೇಕು ಅಂತಾನೂ ಅನಿಸುತ್ತೆ. w24.06 20-21 ¶3-4

ಅಪೊಸ್ತಲ ಪೌಲ ಥೆಸಲೊನೀಕದವ್ರಿಗೆ ಕೊಟ್ಟ ಸಲಹೆಯಿಂದ ನಾವೇನು ಕಲಿಬಹುದು? ನಾವು ಕೇಳಿಸ್ಕೊಳ್ಳೋ ಯಾವುದಾದ್ರೂ ಸುದ್ದಿ ಬೈಬಲಿಗೆ ವಿರುದ್ಧವಾಗಿ ಇದ್ರೆ ಅಥವಾ ಆಶ್ಚರ್ಯ ಹುಟ್ಟಿಸೋ ಸುದ್ದಿಯನ್ನ ನಾವು ಕೇಳಿದ್ರೆ ವಿವೇಚನೆ ಬಳಸಬೇಕು. ಉದಾಹರಣೆಗೆ, ಹಿಂದಿನ ಸೋವಿಯತ್‌ ಒಕ್ಕೂಟದಲ್ಲಿದ್ದ ನಮ್ಮ ವಿರೋಧಿಗಳು ಒಂದು ಸಲ ಮುಖ್ಯಕಾರ್ಯಾಲಯದಿಂದ ಬಂದಿರೋ ಪತ್ರದಂತೆ ಕಾಣೋ ಒಂದು ಪತ್ರ ಕಳಿಸಿದ್ರು. ಆ ಪತ್ರದಲ್ಲಿ ಕೆಲವು ಸಹೋದರರಿಗೆ ಬೇರೆ ಒಂದು ಗುಂಪನ್ನ ಮಾಡ್ಕೊಂಡು ತಮ್ಮದೇ ಆದ ಒಂದು ಸಂಘಟನೆ ಮಾಡ್ಕೊಳ್ಳೋಕೆ ಪ್ರೋತ್ಸಾಹ ಕೊಟ್ಟಿತ್ತು. ಆ ಪತ್ರ ನಮ್ಮ ಸಂಘಟನೆಯಿಂದ ಬಂದಿರೋ ತರನೇ ಇತ್ತು. ಆದ್ರೆ ನಂಬಿಗಸ್ತ ಸಹೋದರರು ತಾವು ಕಲಿತಿರೋ ವಿಷ್ಯಕ್ಕೆ ಆ ಸುದ್ದಿ ವಿರುದ್ಧವಾಗಿದೆ ಅಂತ ಅರ್ಥಮಾಡ್ಕೊಂಡ್ರು, ಅದಕ್ಕೆ ಅವರು ಮರುಳಾಗಲಿಲ್ಲ. ಇವತ್ತೂ ನಮ್ಮ ಶತ್ರುಗಳು ಈಗಿರೋ ತಂತ್ರಜ್ಞಾನ ಬಳಸಿ ನಮ್ಮ ಮಧ್ಯ ಇರೋ ಒಗ್ಗಟ್ಟನ್ನ ಮುರಿಯೋಕೆ ನೋಡ್ತಿದ್ದಾರೆ, ನಮ್ಮ ನಂಬಿಕೆಯನ್ನ ಹಾಳು ಮಾಡೋಕೆ ಕಾದು ಕೂತಿದ್ದಾರೆ. ಆದ್ರೆ ಇದನ್ನೆಲ್ಲ ನೋಡಿದ ತಕ್ಷಣ ನಾವು ‘ಗಾಬರಿ ಆಗಬಾರದು.’ ಈ ಸುದ್ದಿಗಳು ನಾವು ಕಲ್ತಿರೋ ಸತ್ಯಕ್ಕೆ ವಿರುದ್ಧವಾಗಿ ಇದ್ಯಾ ಅಂತ ಚೆನ್ನಾಗಿ ಯೋಚ್ನೆ ಮಾಡಬೇಕು.—2 ಥೆಸ. 2:2; 1 ಯೋಹಾ. 4:1. w24.07 12 ¶14-15