ចូររៀនពីលោកយេស៊ូ
ចូរលៃទុកពេលស្វែងយល់ពីព្រះ
ពេលអ្នកលៃទុកពេលស្វែងយល់ពីព្រះ ជីវិតរបស់អ្នកនឹងប្រសើរឡើង។ អ្នកនឹងទទួលបានការណែនាំពីព្រះ ដែលធ្វើឲ្យអ្នកមានសុភមង្គល។ សូមពិចារណាប្រសាសន៍របស់លោកយេស៊ូស្ដីអំពីរឿងនេះ។
លោកយេស៊ូមានប្រសាសន៍ថា៖
«អស់អ្នកដែលស្រេកឃ្លានចំពោះការណែនាំពីព្រះ នោះមានសុភមង្គលហើយ!»។—ម៉ាថាយ ៥:៣
យើងទាំងអស់គ្នាចង់ដឹងចម្លើយចំពោះសំណួរដូចជា៖ តើអ្វីជាគោលបំណងនៃជីវិត? ហេតុអ្វីមានទុក្ខវេទនាច្រើនម្ល៉េះ? តើមនុស្សស្លាប់ទៅទីណា? ពេលយើងរកឃើញចម្លើយចំពោះសំណួរទាំងនេះ ជីវិតយើងនឹងមានន័យខ្លឹមសារ ហើយសប្បាយរីករាយជាង។
«មនុស្សមិនត្រូវរស់ដោយសារតែនំប៉័ងប៉ុណ្ណោះទេ តែដោយសារគ្រប់ទាំងប្រសាសន៍ដែលចេញពីមាត់របស់ព្រះយេហូវ៉ា»។a—ម៉ាថាយ ៤:៤
ធម្មតា យើងត្រូវការបរិភោគអាហារដើម្បីបំពេញការស្រេកឃ្លានរបស់ខ្លួន ដូចគ្នាដែរ យើងក៏ត្រូវបំពេញការស្រេកឃ្លានចំពោះការណែនាំពីព្រះដែរ។ ដូច្នេះហើយលោកយេស៊ូបានប្រាប់យ៉ាងចំៗថា យើងត្រូវស្វែងយល់ពីព្រះជាទៀងទាត់ដើម្បីទទួលបានការណែនាំពីលោក។
«បណ្ដាំរបស់លោកជាសេចក្ដីពិត»។—យ៉ូហាន ១៧:១៧
លោកយេស៊ូបានប្រាប់ថាវិធីចម្បងមួយដែលព្រះជួយយើងឲ្យបំពេញការស្រេកឃ្លានការណែនាំពីលោក គឺតាមរយៈគម្ពីរដែលជាបណ្ដាំរបស់លោក។
យើងសូមលើកទឹកចិត្តអ្នកឲ្យស្វែងរកសុភមង្គលជានិរន្តរ៍ ដោយលៃទុកពេលស្វែងយល់ពីព្រះ និងរៀនថែមទៀតពីបណ្ដាំលោក។ នៅខាងក្រោមនេះមានវិធីខ្លះដែលអាចជួយអ្នកបាន៖
អានគម្ពីរដោយឥតគិតថ្លៃ។
ស្នើសុំវគ្គសិក្សាគម្ពីរដោយឥតគិតថ្លៃជាមួយនឹងអ្នកបង្រៀនផ្ទាល់។
a យេហូវ៉ាគឺជានាមរបស់ព្រះ។ (ចម្រៀងសរសើរព្រះ ៨៣:១៨) សូមមើលអត្ថបទដែលមានចំណងជើងថា«តើព្រះយេហូវ៉ាជានរណា?»។