Сауалдар жәшігі

◼ Қызығушылармен зерттеу сабағын өту үшін қандай екі әдебиет қолданылуы тиіс?

“Киелі кітап үйретеді” кітабы — зерттеу сабағын бастап, оны жүргізуге арналған басты құралымыз. Зерттеу сабағын бастау үшін басқа әдебиетті, мысалы осы мақсатқа пайдалануға болатын трактаттардың бірін, қолдануға болады, дегенмен мүмкіндігінше тез арада “Киелі кітап үйретеді” кітабына өтуге тырысу керек. Бұл кітап бойынша зерттеу сабағын бастау керемет нәтижелер әкелуде.

“Киелі кітап үйретеді” кітабын өтіп болған соң, қызығушы рухани өсіп жатса, онымен “Құдайға ғибадат етіңдер” кітабы бойынша зерттеу сабағын жалғастырған дұрыс (Қол. 2:7). Бұл кітаптың 2-бетінде оның мақсаты жазылған: “Киелі кітап Құдайды сүйетіндерді ондағы бағалы шындықтардың ‘тереңдігін және биіктігін... түсінуге’ шақырады (Ефестіктерге 3:18). Сол үшін де осы кітап жазылып отыр. Бұл кітап сізге рухани өсуге, сондай-ақ Құдайдың әділетті жаңа дүниесіне алып баратын тар жолмен жүруге дайын болуға көмектеседі деп үміттенеміз”.

Егер қызығушы екі кітапты да бітірмей жатып шомылдыру рәсімінен өтуге дайын болса, онымен екінші кітап аяқталғанға дейін зерттеу сабағын жалғастыра беру керек. Тіпті шомылдыру рәсімінен өтіп қойса да, онымен сабақ өтіп жүрген жариялаушы оған қатысты уақыт, қайта бару және зерттеу сабағы туралы есеп тапсыруына болады. Онымен бірге зерттеу сабағына барып, оған қатысқан жариялаушы да уақытты жазып қоюына болады.