Сауалдар жәшігі

◼ Киелі кітапты нәтижелі зерттеп жүрген адаммен қанша уақыт зерттеуіміз керек?

Мұндай адаммен зерттеуді “Киелі кітап шын мәнінде неге үйретеді?” және “Құдайдың сүйіспеншілігі” басылымдарын оқып бітірмейінше жалғастырған дұрыс. Зерттеуші екі кітапты аяқтамай жатып шомылдыру рәсімінен өтсе де, осылай еткен жөн. Бұндай жағдайда уақытты, қайта баруды және зерттеу сабағын есебімізге жаза аламыз. Бізбен бірге зерттеу сабағына барып, үлесін қосатын жариялаушы да уақытты жаза алады (2009 жылдың наурыз айындағы “Біздің патшалық қызметіміздің” 2-бетін қараңдар).

Зерттеуді аяқтамай жатып, зерттеушілердің шындықта нық тұрғаны өте маңызды. Алда міндетті түрде кезігетін сынақтарға төтеп бере алулары үшін, олар Мәсіхке “тамыр жаюлары” және “сенімдерін берік сақтаулары” қажет (Қол. 2:6, 7; Тім. 2-х. 3:12; Пет. 1-х. 5:8, 9). Оның үстіне, өзгелерге тиімді тәлім берулері үшін, өздерінде “тура білім” болу керек (Тім. 1-х. 2:4). Зерттеушімен екі кітапты да өту арқылы оған “өмірге апаратын жолда” аяғын нық басуға көмектесеміз (Мат. 7:14).

Ақсақалдар зерттеушіге шомылдыру рәсімінен өтуге рұқсат етпес бұрын, оның Киелі кітаптың негізгі ілімдерін дұрыс түсінетініне және соларға сай өмір сүретініне көз жеткізулері керек. Бұл орайда олар әсіресе бірінші кітапты оқып бітірмеген зерттеушіге қатысты мұқият болғаны жөн. Егер адам шомылдыру рәсімінен өтуге дайын болмаса, болашақта дайын болуы үшін ақсақалдар оған қажетті көмек көрсетілуіне қам жасайды (“Ехобаның еркін орындау үшін ұйымдасқанбыз” (ор.) 216—218 беттерін қараңдар).

[2-беттегі сөздер]

Зерттеушілердің шындықта нық тұрғаны өте маңызды