Неге соғыстан көз ашпай кеттік?

КҮНӘ

Құдай алғашқы адамзат жұбы Адам ата мен Хауа ананы рухани жағынан өзіне ұқсас етіп жаратты (Мұсаның 1-жазбасы 1:27). Бұл дегеніміз — Құдайдың бойындағы татулық, сүйіспеншілік сияқты игі қасиеттер оларға да тән болған (Қорынттықтарға 1-хат 14:33; Жоханның 1-хаты 4:8). Алайда Адам мен Хауа Құдайдың тілін алмай, күнәға батты. Нәтижесінде бүкіл адамзат күнә мен өлімді мұра етті (Римдіктерге 5:12). Бойымызға туа біткен осы күнәнің кесірінен біз зұлым ойлар мен іс-әрекеттерге жақын келеміз (Мұсаның 1-жазбасы 6:5; Марқа 7:21, 22).

БИЛІК ИЕЛЕРІ

Құдай о баста адамның үстінен адам билегенін қаламаған. Киелі кітапта: “Адам тіпті өз қадамына бағыт бере алмайды”,— делінген (Еремия 10:23). Сол себептен де бүгінде билік иелері соғыс атаулыға біржола тоқтау қоя алмайды.

ШАЙТАН МЕН ОНЫҢ ЖЫН-ПЕРІЛЕРІ

Киелі кітапта: “Бүкіл дүние Шайтанның билігінде”,— делінген (Жоханның 1-хаты 5:19). Сондай-ақ онда Шайтанның қанішер жауыз екені айтылған (Жохан 8:44). Соғыс пен қатыгездіктің артында тұрған — Шайтан мен оның зұлым жын-перілері (Аян 12:9, 12).