Сауалдар жәшігі

◼ Ехоба куәгерлерінің өкілі болып табылатын корпорациялардың белгілерін қауымдар мен кез келген адамның пайдалануына бола ма?

Бұл белгілер қандай да бір ұйымды не оның мүліктерін бірден тану үшін қойылады. Мысалы, Күзет мұнарасының айрықша суреті Пенсильваниядағы күзет мұнарасы, Киелі кітап және Трактаттар Қоғамы мен оның басқа да бірлестіктерінің белгісі болып табылады. Ал Ехоба куәгерлерінің мәсіхшілер қауымы белгі ретінде ашық тұрған Киелі кітаптың суретін пайдаланады. Ехоба куәгерлері пайдаланатын басқа корпорациялардың өз белгілері бар.

Қауымдар немесе кез келген адам Патшалық сарайларында, жеке заттарында, хаттарда және тағы басқа жерде ұйымның белгілерін не соған ұқсас белгілерді пайдаланбауы керек. Өйткені бұл әкімдердің, жариялаушылардың және басқа адамдардың ұйымның заңды тұлғалары мен қауымның арасындағы байланысқа қатысты жаңсақ ойда болуына түрткі болуы мүмкін. Ал хатта ұйымның белгілері болса, адамдар оны бас басқарма не филиал жіберген, болмаса олар мақұлдаған деп қабылдауы мүмкін.

Патшалық сарайларын соққанда, мейлі ол Күзет мұнарасы ұйымының меншігі болсын, Күзет мұнарасы не соған ұқсас белгіні пайдаланбау керек. Егер Патшалық сарайында мұндай белгі бар болса, оны бірден алып тастау не өзгерту қажет емес, өйткені бұл көп уақыт, күш және қаражат талап етуі мүмкін. Сондықтан бұл істі ғимаратты не оның белгісін жаңарту жоспарланған уақытқа қалдыруға болады. Ал мүмкіндіктерің болып тұрса, мұны кейінге қалдырмаған жөн.