Зауэхэр къыщІэхъум и щхьэусыгъуэ нэхъыщхьэр
Библием къыдгурегъаІуэ зауэхэм я щхьэусыгъуэ нэхъыщхьэр икІи цІыхухэм абыхэм кІэ щІрамытыфыр.
ЦІЫХУХЭМ ГУЭНЫХЬ ЗЭРАХЭЛЪЫР
Алыхьым Іэдэмрэ Хьэуарэ «Езым ещхьу къигъэщІащ» (ЩІэдзапІэ 1:27). НэгъуэщІу жыпІэмэ, а тІум Алыхьым хэлъ хьэл-щэнхэр ягъэлъэгъуэфынут. Псалъэм папщІэ, ахэр мамырыгъэм хущІэкъуу икІи лъагъуныгъэ ягъэлъагъуэу псэуфынут (1 Коринф 14:33; 1 Иуан 4:8). Ауэ Іэдэмрэ Хьэуарэ Алыхьым пэщІэувэри, гуэныхьщІакІуэ хъуащ. Абы къыхэкІкІэ дэ псори гуэныхь тхэлъу дунейм дыкъытохьэри, икІэм-икІэжым долІэж (Рим 5:12). ЦІыхухэм гуэныхьыр я Іыхьэ зэрыхъуам щхьэкІэ, «гупсысэ бзаджэхэр» яІэщ икІи апхуэдэ гупсысэхэм ахэр «бзаджагъэм» хуешэ (Марк 7:21, 22; ЩІэдзапІэ 6:5).
ТЕПЩЭНЫГЪЭ ЗИІЭХЭМИ ГУЭНЫХЬ ЗЭРАХЭЛЪЫР
Дэ Алыхьым дыкъигъэщІакъым адрей цІыхухэм я тепщэу дыщытыфыну. Библием итщ: «СощІэ, Иеговэ, цІыхур и гъуэгум зэрыхуимытыр, цІыху кІуэм и лъэр иунэтІыну зэрыхузэфІэмыкІыр» (Иеремия 10:23). Абы къыхэкІкІэ цІыху правительствэхэм зауэхэм кІэ иратыну яхузэфІэкІынукъым.
ШЕЙТІАНЫМРЭ ЖИН БЗАДЖЭХЭМРЭ
Библием зэритымкІэ, «дуней псор ШейтІаным и ІэмыщІэ» илъщ икІи ар цІыхуукІщ (1 Иуан 5:19; Иуан 8:44). Дуней псом щекІуэкІ зауэхэм я щІыбагъ къыдэтыр Иблисымрэ абы и жин бзаджэхэмрэщ (Апокалипсис 12:9, 12).
ЦІыхухэм зауэхэр зэи къахуэгъэувыІэнукъым, ар зи къарур Алыхь закъуэращ.