18-НЭ УРОКЫР

КупщІэ зыхэлъ псалъэ

1 Коринф 9:19—23

ПЩІЭН ХУЕЙР: КъодаІуэхэр гупсысэну хуэгъэуш. Абыхэм мыхьэнэ зиІэ гуэр къащІауэ зыхащІэн хуейщ.

АР ЗЭРЫПЩІ ХЪУНЫР:

Узытепсэлъыхьынум теухуауэ къодэІуэнухэр зыщыгъуазэм егупсыс. КъодэІуэнухэм зыхащІыкІым утепсэлъыхьыным и пІэкІэ, ахэр а темэм нэгъуэщІ лъэныкъуэкІэ еплъыну ядэІэпыкъу.

ФІыуэ яцІыху гупсысэхэм зэман куэд томыгъэкІуадэу, гупсысэщІэхэм нэхъыбэу тепсэлъыхь.
Нэхъыбэ къызэрыпщІэным хущІэкъу икІи къэпщІам егупсыс. КъодэІуэнухэм нэхъ ямыцІыху фактхэмкІэ е нэхъ зэхамыха къэхъукъащІэхэмкІэ гупсысэ нэхъыщхьэхэр зэрыхъукІэ къыхэгъэщ. Материалымрэ къыхэпха фактхэмрэ зэрызэпыпщІэ хъунум егупсыс.

Материалыр щыбгъэхьэзырым деж бджыр нэхъыфІу къыбгурыІуэн щхьэкІэ мыпхуэдэ упщІэхэр зыхуэгъэувыж: «сыт?», «сыт щхьэкІэ?», «дапщэщ?», «дэнэ?», «хэт?», «дапхуэдэу?». Уи псалъэр гъэщІэгъуэн хъун щхьэкІэ, мы упщІэхэм щыщ къэпІэтурэ, абыхэм я жэуапхэр уэ езым ептыжурэ щІы.
Уи псалъэм сэбэпынагъ хэлъыр гъэлъагъуэ. Библием ит гупсысэхэр ди гъащІэм къызэрыддэІэпыкъуну щІыкІэр къодаІуэхэм къагурыгъаІуэ. КъодаІуэхэм яцІыху Іуэхугъуэхэмрэ зрихьэлІэ гугъуехьхэмрэ я гугъу щІы.