4-НЭ УРОКЫР
Библием щыщ пычыгъуэ укъеджэн ипэ
Маттэ 22:41—45
ПЩІЭН ХУЕЙР: Библием щыщ пычыгъуэ укъеджэн ипэ укъызэджэр къагурыІуэн щхьэкІэ къодаІуэхэр хуэгъэхьэзыр.
АР ЗЭРЫПЩІ ХЪУНЫР:
Библием щыщ пычыгъуэм укъыщІеджэм егупсыс. Библием щыщ пычыгъуэм укъеджэн ипэ къыхэбгъэщыну узыхуей гупсысэр къагурыІуэн хуэдэу пэщІэдзэ псалъэхэр жыІэ.
Библием дзыхь зэрыхуэпщІ хъунур къэгъэлъагъуэ. Алыхьыр зи фІэщ хъу цІыхухэм ущепсалъэм деж Библием Алыхьым и ПсалъэкІэ еджэ. АбыкІэ уэ къэбгъэлъэгъуэнущ а тхылъым Алыхьым и Іущагъыр зэритыр.
КъодаІуэхэм Библием итыр яфІэгъэщІэгъуэн щыщІ. Библием зи жэуап ит упщІэ къэІэт; зы гугъуехь гуэрым и гугъу щІыи, абы и хэкІыпІэр Алыхьым и Псалъэм узэригъэлъагъур жыІэ е принцип гуэрым и гугъу щІыи, ар къыбгурызыгъаІуэ Библием щыщ пычыгъуэ къэхь.