Wuhrẹ Ebaibol na re Whọ Riẹ Ọghẹnẹ

Whọ tẹ be hai fi oke họ nọ who re ro wuhrẹ kpahe Ọghẹnẹ, uzuazọ ra u ti kokohọ ziezi. Whọ tẹ be hai ru onana, whọ te riẹ Ọghẹnẹ. Joma ta kpahe eware nọ Jesu o wuhrẹ kpahe ẹme nana.

Eware nọ Jesu o wuhrẹ

“Eva e were enọ e riẹ nọ u fo re a riẹ Ọghẹnẹ.”—Matiu 5:3.

• Mai kpobi ma gwọlọ riẹ iyo enọ wọhọ: Eme ma ziọ akpọ ti ru? Fikieme ahwo a be rọ ruẹ uye? Kọ ahwo nọ a whu no a rrọ obojọ? Re eva e sae were omai, o gwọlọ nọ ma rẹ riẹ iyo enọ nana.

“Orọnikọ ẹkwoma ebrẹdi ọvo ohwo ọ rẹ rọ jọ uzuazọ họ, rekọ ẹkwoma ẹme kpobi nọ o bi no unu Jihovaa ze.”—Matiu 4:4.

• Wọhọ epanọ o gwọlọ nọ ma rẹ re emu re ma sae jọ uzuazọ na, ere o gwọlọ nọ ma re wuhrẹ ẹme Ọghẹnẹ. Jesu o wuhrẹ omai vevẹ nọ ma tẹ gwọlọ riẹ Ọghẹnẹ, ma re wuhrẹ ẹme riẹ kẹse kẹse.

“Ẹme ra uzẹme.”—Jọn 17:17.

• Jesu ọ ta nọ edhere nọ ọ mai wuzou nọ ma rẹ rọ riẹ Ọghẹnẹ họ, Ẹme riẹ Ebaibol na nọ ma re se.

Iviena daoma wuhrẹ kpahe Ọghẹnẹ re whọ riẹe ziezi, keme onana o te lẹliẹ owhẹ wereva evaọ uzuazọ. Joma fodẹ eware jọ nọ i ti fiobọhọ kẹ owhẹ riẹ Ọghẹnẹ:

• Se Ebaibol na ababọ ugho nọ whọ rẹ hwa fihọ iẹe.

• Kere nọ whọ gwọlọ nọ ohwo jọ o wuhrẹ Ebaibol kugbe owhẹ ọvọvẹ.