O Nwene Iroro Riẹ

SỌL nọ ọ jọ ohwo Tasọs họ ọmoha nọ ọ jariẹ evaọ okenọ a kpe Stivin na.a Evaọ oke ọsosuọ, Sọl o je roro nọ oware nọ u fo a ru na keme ọ rọwo nọ egagọ ahwo Ju họ egagọ uzẹme na. O te mu eware nọ i vi oyena họ eru. Ebaibol na ọ ta nọ ‘ofu ọ jọ Sọl eva,’ “yọ ọ gba riẹ mu nọ o re kpe ilele Olori na no” evaọ Jerusalẹm. O je si te ezae te eyae nọ i ru oware ovo thọ họ fihọ uwou-odi. Nọ a tẹ be rọ Ileleikristi guẹdhọ, Sọl ọ rẹ ta nọ a kpe ai no. Ere o ro mu Ileleikristi họ ekpokpo gaga evaọ okpẹwho na soso. U te ru nọ ibuobu rai a rọ dhẹ no iwou rai evaọ Jerusalẹm. Rekọ oyena o vọ Sọl eva ghele he. Ọ nyabru ozerẹ okpehru na, ọ tẹ yare iẹe nọ ọ kẹe ileta nọ i re ru ei wo udu nọ o re ro mu Ileleikristi evaọ obọ Damaskọs.

Nọ a kẹ Sọl ileta na no, tei te ezae jọ a te ruọ edhere bi kpobọ okpẹwho Damaskọs, nọ ọ jọ udhude jọ. Sọl ọ riẹ hẹ inọ Jesu ọ kparoma zihe kpobọ odhiwu no, yọ ọ rrọ abotọ ọsẹ riẹ enẹna. Jihova avọ Ọmọ riẹ a jẹ ruẹ eware kpobi nọ Sọl o je ru na. Rekọ u woma gaga inọ a jọ oma Sọl ruẹ emamọ iruemu jọ, yọ a riẹ nọ ọ sai nwene. Nọ amọ Sọl a kẹle Damaskọs no, elo ọnwranwra jọ o te lo mu ai idudhe. Elo na “ọ ga vi ọrọ ọre na”! Sọl o te kie fihọ otọ, o te tuaro no.

Sọl o te yo urru jọ nọ o ta nọ: “Sọl, Sọl, fikieme who bi ro kpokpo omẹ?” Urru na o tẹ ta kẹ Sọl nọ o bi ru wọhọ eruẹ nọ o bi yoẹme he. Ọnọ ọ be rọ owọ fa ekpọ esiọsiọle nọ olori riẹ o bi ro su ei. Yọ oyena o te nwae oma. Sọl ọ tẹ nọ inọ, “Whẹ yọ ono, Olori?” Urru na o tẹ ta nọ. “Mẹ yọ Jesu, ọnọ who bi kpokpo na.” Uyo na o te siọ Sọl unu ba egbe he! Jesu ọ tẹ vuẹ Sọl nọ ọ kpama. Kẹsena ọ tẹ vuẹe oware nọ ọ gwọlọ nọ o ru. Ọ ta kẹ Sọl nọ o ti se isẹri kpahe iẹe, re o ru ahwo riẹ inọ eware nọ o je wuhrẹ kpobi na ginọ uzẹme. Whaọ Sọl o tuaro no. Rekọ Jesu ọ rehọ e riẹ mu ọnọ o ti fiobọhọ kẹ ahwo no ebi ze, re a sae riẹ uzẹme na kpahe Jesu gbe Uvie Ọghẹnẹ.

Oware yena nọ o via kẹ Sọl na u hrẹ riẹ kpotọ, u ru rie ruẹ epanọ ọ geva je wo omorro te. Nọ orọnọ o tuaro no na, ezae nọ e jọ kugbei na a te su ei rueva Damaskọs. Ọ tẹ jẹ hẹrẹ Oleleikristi jọ nọ ọ te nyabru ei ze. Evaọ edẹ esa soso, Sọl ọ re emu hu, yọ ọ da ame he. O wọhọ nọ ọ rọ oyena dhesẹ nọ eware nọ o ru na e da riẹ gaga, yọ o kurẹriẹ no eva ze no. Yọ evaọ oke yena, ọ te siọ olẹ ọgaga ba ẹlẹ se Jihova ha! Enẹna, Sọl ọ riẹ no inọ Ọmọ oyoyou Ọghẹnẹ o bi kpokpo anwẹdẹ na. Jesu o te vi Oleleikristi jọ nọ a re se Ananayas bru Sọl. Ozọ o jẹ kaki mu Ananayas. Rekọ ọ nya ghele. Ọ tẹ rọ abọ kpahe Sọl, “eware nọ e wọhọ egbẹ i te kie no aro riẹ ze.” Ere Sọl ọ rọ wariẹ mu ude họ ẹruẹ! Nọ orọnọ Sọl o hrẹ omariẹ kpotọ no na, yọ o wo areghẹ ziezi no na, “ọ tẹ kpama, a tẹ họe ame.”

Nọ Sọl ọ nwani zihe ruọ Oleleikristi no, o te mu usi uwoma họ ẹta. O gbe zihe kpobọ Jerusalẹm ho. Ukpoye, o te kpohọ isinagọgo nọ ọ jọ Damaskọs. Nọ okolo oware o ru na ha, keme o wọhọ nọ ahwo a riẹ riẹ gaga evaọ etẹe inọ o je kpokpo ilele Jesu. Ma riẹ nọ ọ te seba ẹlẹ hẹ re Ọghẹnẹ o fiobọhọ kẹe gudu! Dai roro epanọ u ti gbe ahwo unu te nọ ọ be ta kẹ ai nọ o bi ru thọ anwẹdẹ, inọ o kurẹriẹ zihe ruọ Oleleikristi no! Yọ ọ jọ etẹe kuhọ họ. Ebaibol ọ ta nọ: “O te gbe je wo ogaga viere, ọ jẹ ta eme nọ i je gbe ahwo Ju nọ a rrọ Damaskọs unu nọ ọ be kẹ imuẹro ivevẹ unọjọ utọjọ inọ Jesu họ Kristi na.”

Nọ Sọl ọ jọ Damaskọs na, u wo oke jọ nọ o ro kpobọ Arebia, onọ ọ sae jọ idhude Siria. Ebaibol na ọ ta oware nọ o lẹliẹ e riẹ nya ha. Rekọ o wọhọ nọ ọye ọvo o kpohọ obei re ọ sae lẹ se Jihova je roro ziezi kpahe iruo ilogbo nọ Jesu ọ kẹ riẹ na. Yọ Sọl o je wuhrẹ Ikereakere na je roro ziezi kpahe ae. O rrọ vevẹ nọ o gine nwene iroro riẹ. Uwhremu na, Sọl ọ tuduhọ ibe Ileleikristi riẹ awọ inọ a hai ru epọvo na re.—Rom 12:2.

Eware iyoma kpobi nọ Sọl o ru no na e thọrọ e riẹ ẹro vievie he. Nọ ikpe buobu e make vrẹ no, ọ ta nọ: “Mẹ jọ ọnọ ọ jẹ ta eme-aghọ, ọnọ o je kpokpo ilele riẹ, jẹ ta eme ẹsọ kẹ ae.” (1 Tim. 1:13) Yọ ọ ta eme nọ i dhesẹ nọ uwhu Stivin nọ ọ rọwo fihọ na o da riẹ gaga. (Iruẹru 22:19-21) O make rrọ ere na, Sọl ọ riẹ nọ Jihova avọ Jesu a rọvrẹ riẹ no, yọ a gbẹ jẹ ghale iẹe.

Nọ Sọl ọ rria Damaskọs te oware wọhọ ikpe esa no, ahwo Ju a tẹ jẹ gwọlọ kpei no. Fikiere ọ tẹ dhẹ no okpẹwho na. Oghẹrẹ nọ ọ rọ dhẹ họ, ibe Ileleikristi riẹ a fi ei họ ekete, a tẹ rọ ugbẹhẹ okpẹwho na si rie kpotọ. Sọl ọ tẹ dhẹ kpobọ Jerusalẹm. Onana yọ emuhọ gheghe rọkẹ Sọl, keme iruo buobu e gbẹ vọ otọ nọ o ti ru.

Se iku Ebaibol na:

• Iruẹru Ikọ 8:1-3; 9:1-25; 26:4, 5, 9-20

• Ahwo Galesha 1:13-18

Onọ nọ a rẹ ta ẹme kpahe:

Eme gbe eme Sọl o ru ro dhesẹ nọ ọ gudu evaọ oke nana uzuazọ riẹ?

Gbẹ Kiẹ Kodo

1. 1. Fikieme Sọl ọ rọ ta nọ Tasọs ẹwho riẹ yọ “okpẹwho nọ ahwo kpobi a riẹ”? (Iruẹru 21:39; w99 5/15 30 ¶1) Uwoho 1

   Uyo ra

   

   Todd Bolen/BiblePlaces.com

2. 2. O wọhọ nọ Sọl ọ riẹ uruemu ẹwho ahwo Ju, ahwo Griki, gbe ahwo Rom. Ẹvẹ ma sae rọ ta ere? (bt 62, ẹkpẹti ¶1-3)

   Uyo ra

3. 3. Sọl ọ ta nọ Jesu ọ romavia kẹe “wọhọ ọmọ nọ a yẹ nọ emerae riẹ e gba ha.” Fikieme ọ rọ ta ere? (1 Kọr. 15:8; w22.09 27)

   Uyo ra

4. 4. Eme u dhesẹ nọ iku nọ Luk o kere kpahe oghẹrẹ nọ Sọl o ro kurẹriẹ evaọ Damaskọs na ginọ uzẹme? (Iruẹru 9:11, 24, 25; g03 2/8 24-26) Uwoho avọ 2

   Uyo ra

   

   Photo by ROLOC Color Slides

Roro Kpahe Eware nọ Who Wuhrẹ Noi Ze

• Sọl ọ romakpotọ, ọ tẹ rọwo nọ Ananayas avọ Ileleikristi efa a fiobọhọ kẹe. (Iruẹru 9:17, 18; Kọl. 4:10, 11) Eware jọ vẹ e sae via nọ u jo fo nọ ma rọwo re amọfa a fiobọhọ kẹ omai?

  Uyo ra

• Sọl ọ kuvẹ hẹ re eware nọ o le tobọ gbe isukulu ilogbo nọ ọ nya e whaha iẹe re ọ gbẹ gọ Jihova ha, yọ ọ kuvẹ gbe he re ethobọ riẹ e whaha iẹe. (Fil. 3:4-8; 1 Tim. 1:12-16) Ẹvẹ ma sae rọ rehọ aro kele iei? Uwoho avọ 3

  Uyo ra

  

• Oghẹrẹ ọfa vẹ whọ sae rọ rehọ aro kele Sọl gudu wọhọ epanọ ma ruẹ evaọ iku nana?

  Uyo ra

Roro Didi Kpahe Jihova avọ Oreva Riẹ

• Eme me wuhrẹ kpahe Jihova evaọ iku nana?

  Uyo ra

• Oghẹrẹ vẹ iku na i ro dhesẹ oware nọ Jihova ọ gwọlọ ru via?

  Uyo ra

• Eme whọ jọ iku nana wuhrẹ kpahe Sọl nọ u ru eva were owhẹ inọ a salọ Sọl re o lele Kristi su evaọ obọ odhiwu?

  Uyo ra

Gbe Wuhrẹ Eware Efa

Jọ ividio nana ruẹ epanọ ọzae jọ nọ ọ jẹ hai kpokpo Isẹri Jihova vẹre ọ sai ro nwene iroro riẹ.

Uyoyou U Nwene “Sọl ọrọ Sado” (5:50)

Ẹvẹ oriruo Sọl ọ sai ro fiobọhọ kẹ omai hai wuhrẹ Ebaibol na, daoma wo uyoyou, je rri omamai epanọ u fo?

“Wo Ẹnyaharo Evaọ Ọghẹnẹ Ọgọ Ẹkwoma Aro Oro Kele Oriruo Pọl” (w08 5/15 21-25)