“Ebi Ahu Ọle Gbele Ọle Lu”

ẸMHỌN Jesu wo manman ha ti Meri bhọ. Bezẹle? Ranmhude, Jesu wo lu emhin esili ne bunbun nanlẹn, bi ibhio ọle eva nan tiele Mata, bi Lazarọs. Jesu wo manman hoẹmhọn Meri, Mata, bi Lazarọs. Ẹghẹ-ẹghe ọle rẹ ha rẹnẹ ji ele bhi Bẹtani dọ ha man ele ẹmhọn Jehova bi ẹmhọn egbọle. Ẹghe nin Lazarọs ki rẹ yu, Jesu da riọ ọle kpanọ bhi uu!

Ebi Jesu lu nin Meri wo manman ti ọle bhọ rẹ sẹbhọ ghe, ọle da ha guanọ nin ọle lu emhin kpataki nanlẹn. Ọle da re abhii nọn manman ghan, nọn yẹ manman viohin rẹ lu ẹsele nanlẹn. Eran “nad ọsaje a rẹ lu ọne abhili.” Ọgọ alabasta ọne abhii ha ye. Ọne abhii nan manman wo ghan. Bhi ẹghe ẹdẹlẹ, ọria dẹ wẹnna na bhi ebe sẹbhi ukpe ọkpa ọkuẹsẹ ọle miẹn igho rẹ dẹ ọle. Baibo bha taman mhan ebi Meri rẹ miẹn ọne abhii nan yẹ. Ọkpakinọn, asabọmiẹn ọnan hi emhin nọn ghan nẹ nin ọle ha mhọnlẹn.

Ẹdọkpa, beji Jesu ha le ebale bhi uwa ọsi ọria ọkpa bhi Bẹtani, Meri da bu ọle. Ọle ki sẹbhi eji Jesu ye, ọle da tuje ọgọ nin ọne abhii ye a, yẹ fẹkẹ biri ọne abhii Jesu bhi uhọnmhọn bi oẹ. Beji ọne abhii ki rẹ ha nọnọn ọbhi otọ, ọle da re ugbaneto sibhi uhọnmhọn re, yẹ re eto nọnsọle rẹ ha ka oẹ nọnsi Jesu. Ibhokhan Ju eso da ha riale ghe emhin nin Meri lu bha gba, nin ọle rẹ re ugbaneto sibhi uhọnmhọn re. Ọrẹyiriọ, ebi ẹbho ha ria ẹmhọnlẹn bha rẹtẹ ọle. Ebi ọle ha rẹ mun ekpẹn nin Jesu nin ebeanlẹn ọlẹn yẹ, ọle wo ha ria ẹmhọnlẹn. Idegbere nin Meri ha mhọnlẹn zẹle nin ọle da lu ebi ọle lu.

Ọne abhii da wo ha viohin bhi ijerebhe bhi ọne uwa. Ọkpakinọn, eso bhi edibo nesi Jesu bha ha ghọnghọn. Ọkpa bhọ natiọle Judas Iskarọt da wo manman ha ne Meri van. Ọle bhọ da yẹ re edibo nekẹle rẹọbhọ ghe ebi Meri lu bha gba. Judas da yọle: “A ha rẹ khiẹn ọne abhii nan dinariọs iyisẹn ea yẹ re ọne igho nin ene ibhioguele.” Ria ebi ọ ha dia Meri bhi egbe yẹ bhi ẹghe nin Judas rẹ ta ọnan. Ọkhọle rebhe ọle rẹ lu ọne emhin nan nin Jesu. Ọrẹyiriọ, edibo nesi Jesu da ha nanlẹn van! Edandan i ribhọ ghe ọnan dẹ wo re ẹkhọle lu ọle. Ọkpakinọn, Jesu bha lu beji edibo nesọle lu. Ọle da wo manman gẹn Meri.

Jesu da taman etuegbe nesọle yọle: “Ibha zẹ ọle obọ.” Beji ọle ki ta ọnin fo, ijerebhe da fiahiẹ a. Jesu da ki yọle: “Emhin esili ọle lu da imẹn.” Jesu da ji ele lẹn ghe, oyẹẹ Meri rẹman ọlẹn. Arẹmiẹn Meri bha lẹn ghe Jesu dẹ kẹ yu, Jesu da yọle ghe ọne abhii nọn viohin nan biri ọle bhi egbe, mun ọlẹn egbe khẹ ẹghe nan ha rẹ re ọle tọ. Jesu ki ha kpẹn ọta nọnsọle, ọle da yọle: “Ebi ahu ọle gbele ọle lu.” Ọle da yẹ yọle: “Bhi ọsi ẹmhọanta, imẹn taman ibha ghe, bhi eji ọ hi ki rẹ khin nan da tẹmhọn ọne ọta nọn mhẹn bhi otọ agbọn nan rebhe, a dẹ yẹ tẹmhọn ebi ọne okhuo nan lu, nan rẹ ha ye ọle re.” Jesu lẹnmhin ghe Meri wo manman hoẹmhọn ọlẹn, sẹyẹ, izebhudu ọle rẹ lu ebi ọle lu. Bhi ọsi ẹmhọanta, ọ wo gene khẹke nan gẹn Meri bhi ọne emhin nan nin ọle lu.

Jesu ki ta ọnan fo, ọria soso bha yẹ gbudu ne Meri van. Judas ki da sibhi ọne uwa re. Ọle da dọ mhanmhan ebi ọle ha rẹ mun ebeanlẹn ọlẹn khiẹn yẹ. Ebi Jesu ta da wo manman ti Meri bhọ. Ikpẹdẹ eso ki gbera, a da bhuohiẹn eku gbe Jesu, gbe ọle a, yẹ re ọle tọ. Ẹghe nan rẹ re Jesu tọ, ọle Meri rẹ dọ lẹn otọ emhin rebhe nin Jesu taman ọlẹn. Ọne emhin nan nọn sunu ji Jesu da wo manman ba Meri bhi egbe. Ọkpakinọn, ene ọta nin Jesu taman Meri bhi ẹghe nin ọle rẹ biri abhii ọle bhi uhọnmhọn da wo ko ọle udu re.

Ọ ki ribhi ikpẹdẹ ea nin Jesu yu, emhin ọhan-ilo da sunu. Jesu da riọ kpanọ bhi uu! Ọ bha bue gbe, ọle da zegbere man edibo nesọle ne bun gbera 500. Asabọmiẹn ọne ẹghe nan ọle rẹ taman ele nin ele ha wewe ọne ọta nọn mhẹn man ẹbho bhi “ene agbaẹbho rebhe.” (Mat. 28:​19, 20) Jesu da yọle ghe, eji ọ hi ki rẹ khin nan da ha wewe ọne “ọta nọn mhẹn,” a dẹ yẹ tẹmhọn ebi Meri rẹ re idegbere man yẹ, bi ebi ọ rẹ re oyẹẹ man ọlẹn yẹ! Edandan i ribho ghe Meri wo ha ghọnghọn, ghe ọle sabọ re izebhudu man, yẹ lu emhin kpataki nin Jesu. Ọle bha yelea ebi Jesu rẹ gẹn ọlẹn yẹ bhi izebhudu bi urẹọbhọ nin ọle rẹman, bhi ẹghe nin Jesu rẹ yọle: “Ebi ahu ọle gbele ọle lu.”

Tie ọne okha bhi Baibo:

• Matiu 26:​6-13

• Mak 14:​3-9

• Luk 10:​38-42

• Jọni 11:​5, 6, 31-35, 41-45; 12:​1-8

Inọnta:

Uwedẹ nela Meri nin obhio Lazarọs rẹ re izebhudu man?

Manman Guanọ Otọle

1. 1. Be mhan lẹn rẹji Meri bi obhio ọle nin Mata? (Luk 10:​39, 40; Jọni 11:20; ia 173 ¶5-6; 176 ¶17) 1

   Ewanniẹn nọnsẹ

   

2. 2. Be re Jesu dikẹ bhi ene ha man emhin bhi ẹghe nọnsọle? (w99 9/1 30 ¶1-4)

   Ewanniẹn nọnsẹ

3. 3. Emhin nọn ghanlẹn ọne abhii nin Meri biri Jesu bhi uhọnmhọn khin. Bezẹle nin mhan da ta iriọ? (“Abhii nọn ghanlẹn nọn manman viohin” study note nọn ribhi Mat. 26:​7, nwtsty) 2

   Ewanniẹn nọnsẹ

   

   Indian nard: © Haijie Lu, licensed under CC BY-NC 4.0. Source; dried jatamansi: wasanajai/stock.adobe.com; alabaster jar: © The Trustees of the British Museum. Licensed under CC BY-NC-SA 4.0. Source

4. 4. Bezẹle nin ẹbho da biri abhii ọria bhi uhọnmhọn bi oẹ bhi ẹghe ẹdẹlẹ? (w10 11/1 6 ¶4, ftn.)

   Ewanniẹn nọnsẹ

Ria Eria Nyan Emhin Nin Uwẹ Luẹle

• Jesu da yọle ghe “emhin nọn mhẹn nẹ Meri zẹle,” ranmhude nin ọle rẹ mun emhin oriọn kalo. (Luk 10:42) Be mhan ha rẹ sabọ re egbe khọkhọ ọle yẹ ẹlẹnan? 3

  Ewanniẹn nọnsẹ

  

• Jesu da gẹn Meri ranmhude “ebi ahu ọle gbele ọle lu.” Be ọnan man mhan le rẹji Jehova? (Mak 12:​29, 30; 14:8)

  Ewanniẹn nọnsẹ

• Uwedẹ nela uwẹ ha rẹ sabọ re egbe khọkhọ Meri bhi izebhudu nin ọle rẹman?

  Ewanniẹn nọnsẹ

Ria Ẹmhọn Jehova Bi Iho Nọnsọle

• Be ọne okha nan man mẹn le rẹji Jehova?

  Ewanniẹn nọnsẹ

• Be ọne okha nan rẹ diẹn mun iho nọnsi Jehova yẹ?

  Ewanniẹn nọnsẹ

• Asabọmiẹn a zẹ Meri, nin obhio Lazarọs nin ọle deba Jesu gbẹloghe bhi okhun. Bezẹle nin ọnan da ti uwẹ bhọ?

  Ewanniẹn nọnsẹ

Sẹyẹ Fẹ Ene Emhin Nan Ghe

Be ibhokhan ha sabọ miẹn luẹ bhi obọ Meri, Mata bi Jesu rẹji eria nin ele ha zẹ bhi imọẹ?

Họla Mẹn Ha Zẹ bhi Ọmọẹ? (13:14)

Abhii nọn ghanlẹn nin Meri biri Jesu bhi uhọnmhọn da wo manman ti Jesu bhọ. Iriọ igho nọn bha sẹ emhin soso nin ọne okhuo nọn i yẹ mhọn ọdọ ne ọbhi ẹkẹ ẹkpẹti yẹ rẹ ti ọle bhọ. Be ọnan man mhan le rẹji Jesu?

“Uwẹ Be Rẹman Ghe Ebi A Lu Nin Uwẹ Ti Uwẹ Bhọ?” (w99 4/15 16 ¶3-7)