Wepụtara Chineke Oge

Ndụ gị ga-akakwu mma ma i wepụta oge ị ga-eji na-amụ gbasara Chineke nakwa ka gị na ya bụrụ enyi. I mee otú ahụ, ọ pụtara na ị ma na ọ bụ Chineke kwesịrị ịna-eduzi gị. Chebara ihe Jizọs kwuru banyere ihe a echiche.

Ihe Jizọs kwuru

“Ndị ma na ọ bụ Chineke kwesịrị ịna-eduzi ha na-enwe obi ụtọ.”​—Matiu 5:3.

• Anyị niile chọrọ ịmata azịza ajụjụ ndị dị ka: Gịnị mere anyị ji dịrị ndụ? Gịnị mere ahụhụ ji ju ebe niile? Gịnị na eme mmadụ ma ọ nwụọ? Ịmata azịza ajụjụ ndị a ga-eme ka anyị na-enwe obi ụtọ.

“Ọ bụghị naanị achịcha ga-eme ka mmadụ dị ndụ, kama ọ bụ okwu niile si n’ọnụ Jehovaa pụta.”​—Matiu 4:4.

• Otú ahụ nri nkịtị dị anyị mkpa ka nri nke si n’Okwu Chineke dịkwa anyị mkpa, ya bụ, ịmata azịza ajụjụ ndị na-echu anyị ura nakwa ịmata ihe ndị ga-eme ka anyị na Chineke dịrị ná mma. Jizọs mere ka o doo anya na anyị kwesịrị ịchọ enyemaka Chineke ka o nwee ike ịna-eduzi anyị.

“Okwu gị bụ eziokwu.”​—Jọn 17:17.

• Jizọs gosiri na ọ bụ Okwu Chineke bụ́ Baịbụl bụ ụzọ bụ́ isi Chineke si eduzi anyị.

Anyị na-agba gị ume ka i wepụta oge na-amụ gbasara Chineke, si otú ahụ gosi na ị chọrọ ka ọ na-eduzi gị. Ime ihe a ga-eme ka ị na-enwe ezigbo obi ụtọ. Lee ihe ụfọdụ ga-enyere gị aka:

• Gụọ Baịbụl n’efu.

• Kwuo ka mmadụ bịa ka gị na ya mụwa Baịbụl.