Ebibilia ne Ring’ana Ria Nyasae Gocha Asetore

Yehova otoire Ebibilia. Nigo ere ekeegwa ekiya mono ebwate ebitabu—66 ao ao. Korende nabo oreborie: ‘Ebibilia ng’ai yarwete? Ning’o ore omoriki-omonyene?’ Erio koiraneria amaborio aya, bono tiga tokwanere buna ring’ana ria Nyasae ime y’Ebibilia riatocheire.

1. Onye Ebibilia yarigetwe na abanto, naki rende Nyasae are Omoriki-Omonyene?

Ebibilia nigo yarigetwe n’abariki 40 ase egeka ki’emiaka 1,600 korwa omwaka 1513 K.A. goika ang’e omwaka 98 K.K. Abariki tibabwekaine, abande nigo barenge abarisia, abarubi na abagambi. Nonya abariki barenge ao ao, chinsemo chionsi chi’Ebibilia nigo chikobwatana. Inaki ekonyarekana bo? Ase engencho Nyasae nere Omoriki-Omonyene bw’Ebibilia. (Soma 1 Abatesaloniki 2:13.) Abariki abwo tibarigete birengererio biabo. Korende “nigo baare gokwana” ayarenge korwa ase Nyasae “batang’anire [n’omoika omochenu].”a (2 Petero 1:21) Nyasae nigo atumiete omoika oye omochenu kobaraa gose kobasegeta abanto abwo korika ebirengererio biaye.—2 Timotheo 3:16.

2. Inee, kera omonto nanyare koyenyora Ebibilia?

“Ase kera egesaku, na eamate, na omonwa, na abanto” nabo bagokoonywa korwa ase amang’ana amaya agotoka ase Ebibilia. (Soma Okomaanoka 14:6.) Nyasae akaenekia ng’a Ebibilia nabo egotoka ase emenwa emenge kobua getabu kende gionsi ase hisitoria. Ang’e kera omonto rero nabo agosoma Ring’ana ria Nyasae. N’ekeene teri kobwatia aase abanto bamenyete gose omonwa bagokwana.

3. Inaki Yehova ayerendire Ebibilia?

Ebibilia nigo yarigetwe ase ebinto bitarenge komenya ase engaki entambe. Korende abanto abwo bayianchete Ebibilia bakarika n’okoboko chikobi ching’ikeranu chi’Ebibilia. Bake ba abagambi na abarai bechidini bagatema koyesiria Ebibilia, korende abanto bande bakerua kobeka obogima bwabo akong’u erio koyerenda. Kende nkeiyo gose monto taiyo oramotange Yehova gokwana amo naintwe. Ebibilia nigo egoteba: “Ring’ana ria Nyasae oito nigo rirabeo goika kare na kare.”—Isaya 40:8.

EGERA AMANGE

4. Ebibilia nigo egototebia ning’o Omoriki-Omonyene

Orokia EVIDIO. Na soma 2 Timotheo 3:16, na mokwanere amaborio akobwatia.

EVIDIO: Ning’o Omoriki-Omonyene Ebibilia?—Ekeng’ese (2:48)

• Onye Ebibilia yarigetwe na abanto, naseki rende ekorokwa Ring’ana ria Nyasae?

• Inee, mbwegene ng’a Nyasae nere obegete ebirengererio biaye ase abanto baria barigete Ebibilia?

5. Ebibilia egatooreka obosagani

EVIDIO: Bakarora Ebibilia Koba Y’engencho—Ekeng’ese (William Tyndale) (6:17)

• Bono gakwamanyire omokia obegetwe kwegerera Ebibilia, inee ngosegetwa ore koyesoma? Naseki?

Soma Zaburi 119:97, na mokwanere riborio eri:

• Ninki kiasegetire abanto abange kobeka obogima bwabo ase akongu erio kobasiria na koenana Ebibilia?

6. Egetabu ase abanto bonsi

Ebibilia nakio egetabu gioka ekio kiabasiirigwe na koenanwa mono ase ense. Soma Ogokora kw’abatomwa 10:34, 35, na mokwanere amaborio aya:

• Naseki Nyasae aganetie Ringana riaye ribasiirigwe na koenanwa mono?

• Ninki kegokogokia mono igoro y’Ebibilia?

ASE OBWENGE

Ebibilia ne Ring’ana ria Nyasae, boigo oenekirie ng’a abanto bonsi mbayenyore.

Einyorie

• Inaki Nyasae abaraete abanto koyerika Ebibilia?

• Ninki kegokogokia igoro y’ogotoorigwa, okobasiirigwa, na okoenanwa gw’Ebibilia?

• Inaki okoigwa ekero kwamanyire omokia Nyasae akorire erio gokwana amo naye?

TUKA MONO

Soma omogano bw’Ebibilia korwa buna yachagete korikwa goika rero.

“Buna Ebibilia Yachete Asetore” (Amkeni!, Novemba 2007)

Egera amakong’u atato Ebibilia yaeteire goika yagendereire kobao.

“Ebibilia—Omogano buna Yatooregete” (Mnara wa Mlinzi Na. 4 2016)

Rora abanto buna babegete obogima bwabo ase akong’u erio kobasiria Ebibilia.

Bakarora Ebibilia Koba Y’engencho (14:26)

Ebibilia yarikirwe na kobasirigwa ara aange. Mbomaene ki obwate ng’a amang’ana are ase Ebibilia taraonchoranwa?

“Inee, Ebibilia Yanya Goonchoranwa gose Gootoranwa?” (Erikire ase omotandao)