Inee, Amang’ana Amaya Nase Nyasae Akorwa?

1. Ning’o Omoriki bw’Ebibilia?

Ime y’Ebibilia narikire amang’ana amaya ng’a, abanto mbamenye ase ense goika kare na kare. (Zaburi 37:29) Ebibilia nigo ere n’ebitabu ebike ebike 66. Nyasae nigo atumiete abariki abegenwa ang’e 40, kobirika. Ebitabu ebitang’ani bitano nigo biarigetwe na Musa ase emiaka ang’e 3,500 yaetire. Egetabu kiomoerio nigo kiarigetwe na omotomwa Yohana emiaka goetania 1,900 yaetire. Inee, n’ebirengereri biang’o barigete ase Ebibilia? Nyasae nigo akwanete n’abariki abwo goetera omoika oye omochenu. (2 Samweli 23:2) Nigo barigete ebirengererio bia Nyasae, tari ebiabo abanyene. Ase igo Yehova nere Omoriki bw’Ebibilia.​—Soma 2 Timotheo 3:16; 2 Petero 1:20, 21.

Rora evidio Ni Nani Aliyeitunga Biblia?

2. Inaki torabe n’obomaene ng’a Ebibilia ney’ekeene?

Ase engencho Ebibilia egokwanera igoro y’engaki ere bosio ase oboikeranu, ntomanyete ng’a nase Nyasae ekorwa. Monto taiyo orakore igo. (Yoshua 23:14) Nyasae Omobui bionsi nere bweka orabane ase oboikeranu igoro y’engaki ya mwanyabanto ere bosio.​—Soma Isaya 42:9; 46:10.

Egetabu korwa ase Nyasae nabo getakeire koba ekiabeene, buna kere. Chibilioni chi’Ebibilia chiabagirwe ase emenwa emenge. Nonya yarigetwe korwa abwo kare mono, ebinto ebinge abanto bamanyete rero igoro y’ense amo n’ebire ase ense nigo biakwanetwe n’Ebibilia korwa abwo kare. Na abariki baye 40 tibaetaneti ase aya barigete.a Goetania ayio, Ebibilia nigo ebwate obwanchani bwa Nyasae ne ching’uru chiogoonchora obogima bw’abanto koba obuya. Ase engencho eyio chimilioni chi’abanto nigo bagoisanekigwa ng’a Ebibilia ne Ring’ana ria Nyasae.​—Soma 1 Abatesaloniki 2:13.

Rora evidio Tunawezaje Kuwa na Hakika Kwamba Yale Yaliyoandikwa Katika Biblia Ni ya Kweli?

3. Ebibilia narari ebwate?

Ekerenga ki’Ebibilia, na amang’ana amaya ng’a Nyasae nare n’okogania kw’obwanchani ase mwanyabanto. Amariko nigo akoeresa buna omonto asiretie ribaga riaye riokomenya eparadiso ase ense agwo omochakano, na buna naende eparadiso erairanigwe.​—Soma Okomaanoka 21:4, 5.

Ring’ana ria Nyasae nigo ribwate amachiko, ebirengo n’obosemia. Naende Ebibilia nigo egototebia buna Nyasae, abakorerete abanto​— bare gokora amaya, na abare gokora amabe, na korwa abwo nigo tokomanya chingencho chia Nyasae. Ase igo, Ebibilia nigo eragokonye komomanya Nyasae. Nigo ekoeresa buna aye orabe omosani oye.​—Soma Zaburi 19:7, 11; Yakobo 2:23; 4:8.

4. Inaki orayemanye Ebibilia?

Eburoshua eye nigo eragokonye komanya Ebibilia ekiagera nigo ekobwatia enchera ya Yeso y’okorokereria. Nigo are gosoma amariko ase Ebibilia na ‘kobamanyia Amariko’ ayio.​—Soma Luka 24:27, 45.

Gento tikeri gekogokia buna amang’ana amaya korwa ase Nyasae. Korende, tari abanto bonsi bakoyagokera, na abande nigo bagokoonigwa naro. Korende aye tokwa moyo. Okomomanya Nyasae nakwo koragere omenye goika kare na kare.​—Soma Yohana 17:3.