Nyasae Ning’o?

Ase chingaki chionsi abanto bamenyire, babeire bagosasima chinyasae chinyinge. Korende, Ebibilia ngokwanera ere Nyasae oyomo ng’a ere “nomonene goetania chinyasae chinde chionsi.” (2 Amang’ana ’Ebiro 2:5) Ere ning’o? Ninki gekomokora ere koba omonene goetania chinyasae chinde chionsi, echio abanto bagosasima? Ase ereseni eye, egera buna Nyasae akwemanyekania asore.

1. Erieta ria Nyasae ndiriri, naende ninki gekworokia ng’a ere naganetie torimanye?

Ase Ebibilia, Nyasae nkwemanyekania are asetore. Nigo agoteba: “Inche ninche Omonene [“Yehova” NW ], erio nario erieta riane.” (Soma Isaya 42:5, 8.) “Yehova” nerieta ribasiririe korwa ase Ekeibirania engencho yaye “Ere Okogera Biaba.” Yehova nigo aganetie tomanye erieta riaye. (Okong’anya 3:15) Inaki torabe nobomaene ase ayio? Ime y’Ebibilia erieta erio nigo rigotoka goetania ara 7,000!a Yehova nerieta ria “Nyasae bw’ekeene bweka” igoro na ense.—Yohana 17:3.

2. Ninki Ebibilia egototebia igoro ya Yehova?

Ebibilia nigo egoteba ng’a egati y’echinyasae chionsi chigosasimwa na mwanyabanto, Yehova nere Nyasae bw’ekeene bweka. Naseki? Chisababu nchireo chinyinge. Yehova nere ore nokobua gwonsi, na nere “Oyore Igoro Mono igoro y’ense yonsi.” (Soma Zaburi 83:18.) Nere “Omobui,” engencho yaye nabwate chinguru chiogokora kende gionsi aganetie. Nigo atongete “ebinto bionsi”—ense engima na obogima bwonsi bore ase ense. (Okomaanoka 4:8, 11) Yehova nigo areo botambe naende nabeo goika kare na kare.—Zaburi 90:2.

3. Nyasae nabwate amarieta amange y’esiko, korende erieta riaye ria beene n’erimo

Erio korora etofauti ereo gati y’erieta ri’esiko ri’omonto na erieta ria beene, orokia EVIDIO, na mokwanere riborio rikobwatia.

EVIDIO: Amarieta Amange y’Esiko, Korende Erieta Erimo ria Beene (0:41)

• Ntofauti ki ereo gati y’erieta ri’esiko buna “Omonene,” na erieta ria beene?

Ebibilia nigo egoteba ng’a abanto nkosasima bare chinyasae na abanene abange. Soma Zaburi 136:1-3, na mokwanere riborio eri:

• Ning’o “Nyasae, oyobuete chinyasae” na “Omonene bw’abanene”?

4. Yehova nigo aganetie orimanye na koritumea erieta riaye

EVIDIO: Inee, Nyasae Nabwate Erieta?—Ekeng’ese (3:11)

• Inee, okorengereria Yehova naganetie erieta riaye rimanyekane? Naseki?

Yehova nigo aganetie abanto batumie erieta riaye. Soma Abarumi 10:13 NW, na mokwanere amaborio aya:

• Naseki ere buya gotumea erieta ria Nyasae, Yehova?

• Inaki okoigwa ekero omonto akoinyora erieta riao na koritumea?

• Okorengereria Yehova naki akoigwa ekero ogotumea erieta riaye?

5. Yehova naganetie obe omosani oye

EVIDIO: Omokia one bw’Okorigia Nyasae bw’Ekeene (8:18)

• Ase evidio, Soten inaki aigwete nyuma y’okwegera erieta ria Nyasae?

Nyuma otaraba omosani bw’omonto, botambe goika oramomanya erieta. Soma Yakobo 4:8a, na mokwanere amaborio aya:

• Ninki Yehova agokoarigania okore?

• Inaki korimanya na koritumea erieta ria Nyasae koragokoonye obe omosani oye?

ASE OBWENG’E

Yehova nerieta ria Nyasae bw’ekeene bweka. Nigo aganetie torimanye na koritumea erieta erio, erinde tobe abasani baye.

Einyorie

• Inaki Yehova are etofauti nechinyasae chinde echio abanto bagosasima?

• Naseki tobwenerete koritumea erieta ria Nyasae?

• Ninki gekoorokia ng’a Yehova nakoganetie obe omosani oye?

TUKA MONO

Ringoria chisababu isano chikoenekia ng’a Nyasae nareo.

“Inee, Nyasae Nareo?” (Erikire ase omotandao)

Naseki ere buya kwegena ng’a Nyasae nareo botambe.

“Ning’o Omotongete Nyasae?” (Mnara wa Mlinzi, Agosti 1, 2014)

Egera naseki tobwenerete koritumea erieta ria Nyasae, neba titomanyeti buna riare goatokwa abwo kare.

“Yehova Ning’o?” (Erikire ase omotandao)

Nkobwatia ere inaki tokomoroka Nyasae? Rora naseki totebe ng’a nabwate erieta erimo ria beene.

“Amarieta Arenga Nyasae Abwate?” (Erikire ase omotandao)