ERESENI 11
Buna Ebibilia Eragokoonye Mono
Inee kwanyagochaka gokora emeremo yetanetie ekerengo korende kwayerora koba emekong’u mono? Erinde terorekana koba emekong’u mono nabo okoyebagana na gochaka neria emiororo. Nabo ebwekanirie na gosoma Ebibilia. Nabo oreborie, ‘Ng’ai nkochakera?’ Ase Ereseni eye ntorore ebinto ebiororo bike ebio biragokoonye ogokere gosoma na kwegera Ebibilia.
1. Naseki tobwenerete gosoma Ebibilia botambe?
Omonto ogosoma Ebibilia botambe, gose “amachiko ’Omonene [“Yehova” NW],” nabe nomogoko na gosesenigwa. (Soma Zaburi 1:1-3.) Erio gochaka, tema gosoma ase chitageka chinke kera rituko. Ekero oragenderere korimanya Ring’ana ria Nyasae buya mono, erio nario oragokere mono ogosoma kwao gw’Ebibilia.
2. Nchera ki orasome Ebibilia erio egokoonye?
Erio ogosoma gw’Ebibilia gotokoonye, nigo tobwenerete gotumoka na korengereria igoro yaria togosoma. Nigo tobwenerete gosoma na boigo ‘kona-koiranerera.’ (Zaburi 119:97) Ekero ogendererete gosoma, eborie amaborio buna aya: ‘Ninki egontebia igoro ya Yehova Nyasae? Inaki ndatumie aya ase obogima bwane? Inaki ndatumie ebibungo ebi erio gokoonya abande?’
3. Inaki oraroberie chingaki erio gosoma Ebibilia?
Inee, nere akong’u asore konyora chingaki chi’ogosoma Ebibilia? Abange baito yababereire akong’u. “Renda engaki,” yao gose tema gotumea buya engaki yao. (Abaefeso 5:16) Nabo ogokora bo ase okoroberia chinsa beene erio gosoma Ebibilia kera rituko. Abande barobeirie chinsa chi’ekemambia erio gosoma Ebibilia. Abande bachorire chingaki chia mobaso, kobua mono ekero ki’omotimoko bw’endagera. Boigo abande nigo bagosoma Ebibilia chinsa chia morogoba bataragenda korara. Ngaki ki erabe engiya asore?
EGERA AMANGE
Egera buna oragokere mono gosoma Ebibilia. Rora buna oreariganie buya erinde okwegera kwao gw’Ebibilia kogokoonye mono.
Buna tokwegera kogokera koria chindagera ao ao, nabo tokwegera kogokera gosoma Ebibilia
4. Egera kogokera gosoma Ebibilia
Nabo erabe akong’u gochaka gosoma Ebibilia. Korende nabo ‘toraganie’ gokora bo, buna omonto araganie gooncha endagera enyia. Soma 1 Petero 2:2, na mokwanere riborio eri:
Inee, oise gosoma Ebibilia kera rituko, okorengereria noyegokere na kogania koyesoma mono?
Orokia EVIDIO erio korora buna abanto bande bachagete kogokera gosoma Ebibilia. Na erio mokwanere amaborio akobwatia.
Ase evidio eye, makong’u ki abasae aba babuete?
Ninki kiabakoonyete erio kogenderera gosoma Ebibilia botambe?
Mbitambokero ki bairete erio bagokere mono gosoma Ebibilia?
Obosemia boragokoonye erio gochaka:
Tumea ebasiri ekoegeneka naende ebwate amang’ana amororo. Tema gosoma Tafsiri ya Ulimwengu Mpya ase egeswahili gose omonwa onde oyio okoigwa.
Chaka gosoma chinsemo chi’Ebibilia echio chigokogokia mono. Ase obosemia, rora echati “Chaka Gosoma Ebibilia.”
Rika inse chinsemo chiria gwasomire. Tumea echati egotoka ase egetabu eke “Bwatana n’Ogosoma Kwao gw’Ebibilia.”
Tumea JW Library® app. Koyebwate, nabo ogosoma Ebibilia aande onsi asore kogotumea esimi gose ekombiuta.
Tumea chinyongeza ase Tafsiri ya Ulimwengu Mpya. Nigo chibwate chimabu, na chichati echio chigokora ogokere ogosoma kwao.
5. Arigania okwegera kwao gw’Ebibilia
Soma Zaburi 119:34, na mokwanere riborio eri:
Naseki ere buya gosaba otarachaka gosoma Ebibilia gose kwearigania ase okwegera kwao gw’Ebibilia?
Inaki okwegera kwao gw’Ebibilia koragokoonye mono? Ekero okwarigania ereseni ase amasomo aya, tema chinchera chikobwatia:
Soma ensemo entang’ani ya kera ereseni.
Rigia na gosoma amariko, na oteme komanya buna abwekanirie na ensemo okwegera.
Beka ekemanyererio amang’ana amanene ayio akoiraneria amaborio, gokora bo nkogokoonye gokwanera ereseni amo na omorokia oo.
Inee, nomanyete?
Birori ba Yehova babeire bagotumea chibasiri ao ao chi’Ebibilia. Neba nabo nigo twanchete Biblia Takatifu—Tafsiri ya Ulimwengu Mpya ase engencho nigo ere enyikeranu, egosomeka bwororo na nigo egotumea erieta ria Nyasae.—Rora ensemo erikire ase Omotandao “Inee, Birori ba Yehova Nigo Beroseretie Ebibilia Yabo Abanyene?”
ABANTO BANDE NIGO BAGOTEBA: “Nemeremo emekong’u mono gosoma na kwegera Ebibilia. Timbwati ngaki na nguru chiogokora bo.”
Aye inaki oratebe?
ASE OBWENG’E
Erio Ebibilia egokoonye mono roberia chingaki chi’okoyesoma, saba erio oigwe ayio ogosoma na arigania ase okwegera kwao gw’Ebibilia.
Einyorie
Ninki orakore erio Ebibilia egokoonye mono?
Aye ngaki ki oraroberie gosoma na kwegera Ebibilia?
Naseki ere buya kwearigania ase okwegera kwao gw’Ebibilia?
TUKA MONO
Einyorie obosemia boke, buna orasome Ebibilia erio egokoonye mono.
“Buna Ogosoma Ebibilia Koragokoonye” (Mnara wa Mlinzi Na. 1 2017)
Egera chinchera isato chi’ogosoma Ebibilia.
“Inaki Ebibilia Erankoonye?—Ensemo 1: Tuka Ebibilia Yao” (Erikire ase omotandao)
Manya buna oragokere gosoma Ebibilia.
Egera korwa ase baria basomire Ebibilia ase emiaka emenge.