ERESENI 47

Inee, Kweariganirie Kobatiswa?

Makala Iliyochapishwa

Kwegeire ebinto ebinge igoro ya Yehova goetera okwegera kwao gw’Ebibilia. Nabo erabe gwakorire amaonchorerioa make erio gotumea aria kwegeire. Korende, nabo erabe egento nkereo kegotangete kwerua aye omonyene ase Yehova na kobatiswa. Ase ereseni eye ntokwanere amang’ana make ayio aranyare gotanga omonto kobatiswa na buna oranyare koyabua.

1. Ekerengo keng’ana naki oganeirie komanya otarabatiswa?

Erio kobatiswa, noganeirie “komanya onsi ayare ay’ekeene” gose obomanyi oboronge bw’ekeene. (1 Timotheo 2:4) Engencho yaye teri ng’a omanye amairanerio a kera riborio ri’Ebibilia otarabatiswa. Nonya Abakristo abwo babatisetwe engaki etambe yaetire mbagendererete kwegera Ebibilia. (Abakolosai 1:9, 10) Korende noganeirie koba nobomanyi bw’oboroso bw’amaorokererio y’Ebibilia. Abagaaka bw’omosangererekano mbagokoonye komanya gose nobwate obomanyi boisaine.

2. Mbitambokero ki obwenerete koira otarabatiswa?

Otarabatiswa, goika ‘bw’onchoke na koirana.’ (Soma Ogokora kw’abatomwa 3:19.) Engencho yaye nogweitia ebibe gwakorire na komosaba Yehova akwabere. Boigo nigo ogwetanga kegima korwa ase orogendo orobe na gochora komenya ase enchera ekomogokia Nyasae. Komenta nayio, nigo ogochaka kobwaterana n’omosangererekano goetera goikerana emesangererekano na gochaka korandia kore omorandia otarabatiswa.

3. Naseki otabwenereti gotiga obwoba bogotange kobatiswa?

Abande nigo bakoba n’obwoba ng’a nabo barabe tibaikerania aria barierete Yehova eira gokora. N’ekeene, ngaki chinde nokore amamocho, nonya abasacha na abakungu abegenwa bakwaneire ase Ebibilia mbakorete amamocho. Korende Yehova tasemeretie ng’a abasasimi baye babe abaikeranu. (Soma Zaburi 103:13, 14.) Nigo akogokigwa ekero ogokora korengana nokonyara kwao! Ere nagokoonye. Yehova nigo agotoenekaria ng’a kende tikeiyo keranyare. “gotwatanana korwa ase obwanchani [bwaye].”—Soma Abarumi 8:38, 39.

EGERA AMANGE

Rora buna oranyare kobua ebigocha erio kobatiswa goetera komomanya buya Yehova na gwancherana obokoonyi bwaye.

Collage: Omokungu omosae obuire ebitango erio kobatiswa. Chibicha chiiroreire ase ereseni eye.

4. Momanye Yehova buya mono

Omokungu okwegera Ebibilia na oyomo o Birori ba Yehova.

Nkerengo ki ogwenerete komomanya Yehova buya mono otarabatiswa? Noganeirie komomanya Yehova buya mono erio komwancha na kogania komogokia. Orokia EVIDIO erio korora buna abaorokigwa b’Ebibilia ase ense engima bakorire bo. Na mokwanere riborio rikobwatia.

EVIDIO: Enchera Ekoraa Gochia ase Ebatiso (3:56)

Ase evidio, ninki giakoonyete abanto bake erio kwearigania kobatiswa?

Soma Abarumi 12:2, na mokwanere amaborio aya:

Inee, nore na tang’utang’u chinde igoro yaria Ebibilia ekworokereria, gose Birori ba Yehova nkworokereria bare ekeene?
Onye kobwate chitang’utang’u, ninki oranyare gokora?

5. Amang’ana aratange omonto kobatiswa

Omokungu okobeka Ebibilia ase ebagi yaye ekero keria ng’ina akomotogonyera.

Ekero togochora kwerua abanyene ase Yehova na kobatiswa, twensi ngoetera tore ebigocha. Erio korora omobwekano, orokia EVIDIO, na mokwanere amaborio akobwatia.

EVIDIO: Komwancha Yehova Nigo Gokobua Ebigocha (5:22)

Ase evidio, mbigocha ki Narangerel abwenerete kobua erio komokorera Yehova?
Inaki okomwancha Yehova kwamokoonyete erio kobua ebigocha ebio?

Soma Emereng’anio 29:25 na 2 Timotheo 1:7, na mokwanere riborio eri:

Ninki kegotoa oboremu erio kobua ebigocha?

6. Semeria obokoonyi bwa Yehova

Omokungu okorandia amo na omokungu ogotire. Omworokia oye bw’Ebibilia bakogenda nere ase oborandia.

Yehova nagokoonye erio omogokie. Orokia EVIDIO, na mokwanere amaborio akobwatia.

EVIDIO: Yehova Nyasae Nagokoonye (2:50)

Ase evidio, naseki omworokigwa bw’Ebibilia abete nechitang’utang’u kobatiswa?
Ninki aegerete ekio kiamokoonyete goting’ia ogosemeria kwaye ase Yehova?

Soma Isaya 41:10, 13, na mokwanere riborio eri:

Naseki obe na obomaene ng’a nabo okonyara goikerania eira eyio kwariete engaki kweruete aye omonyene kobatiswa?

7. Iraneria mbuya mono ase obwanchani bwa Yehova

Buna okogenderera korengereria mono igoro y’ekerengo Yehova agwanchete, nomoiranerie mbuya mono naende boigo noganie kogenderera komokorera botambe. Soma Zaburi 40:5, na mokwanere riborio eri:

Masesenio ki korwa ase Yehova bwanchete mono?

Omobani Yeremia nigo amwaanchete Yehova mono n’ering’ana riaye, naende nancheranete egetari gi’okoba omosomba o Yehova. Agateba: “Amang’ana ao agaichoria enkoro yane n’omochengo, akangokia, ekiagera inche nigo nkorokwa ase erieta riao aye, Omonene [“Yehova,” NWT] Nyasae.” (Yeremia 15:16) Iraneria amaborio aya:

Naseki kere egento kia beene koba oyomo o Birori ba Yehova?
Inee, noganie kobatiswa buna oyomo o Birori ba Yehova?
Inee, gento kende nkereo kegotangete kobatiswa?
Okorengereria ninki obwenerete gokora erio goikeera ekerenga gi’okobatiswa?

ABANTO BANDE NIGO BAGOTEBA: “Nigo inde n’obwoba ng’a tikonyara gokora kera egento ndarie eira gokora ekero ndabatiswe.”

Inee, aye nabo orengereretie bo?

ASE OBWENG’E

Goetera obokoonyi bwa Yehova, nabo okobua amang’ana ande onsi aragotange erio kobatiswa.

Einyorie

Nkerengo ki ki’obomanyi bw’Ebibilia oganeirie erio obatiswe?
Maonchorerio ki obwenerete gokora otarabatiswa?
Naseki otabwenereti gotiga obwoba bogotange kobatiswa?

Section completed on:

Ekerenga

Einyorie “Inee, Nabweneire Korandia Amo n’Omosangererekano?” na “Inee, Nabweneire Kobatiswa?” ase omoerio bw’Ensemo ya 4.

Ekerenga kende:

Your other goal

TUKA MONO

Rora ninki kebwenerete koba oboroso bw’ogochora kwao gw’okobatiswa.

“Inee, Kwabweneire Kobatiswa?” (Mnara wa Mlinzi, Machi 2020)

Egera buna orabue emechando eyio eragere bwoboe kobatiswa.

“Inki Kegontanga Timbatiswa?” (Mnara wa Mlinzi, Machi 2019)

Rora buna omosacha oyomo abuete ebigocha ebinene erio kobatiswa.

‘Naseki Okwerindoria Kobatiswa?’ (1:10)

Ritang’ani, omosacha orenge korokwa Ataa Yaldiko tatagete kobatiswa. Rora ninki kiamosegete koimokia egetambokero ekio ki’engencho.

Inee, Ninganeirie Kobatiswa? (7:21)