Nere Buya Obeke Omokia Erio Obatiswe!

Yeso nigo atebete ng’a Abakristo goika babatiswe. (Soma Matayo 28:19, 20.) Korende ebatiso ninki? Ninki omonto abwenerete gokora erinde abatiswe?

1. Ebatiso ninki?

Ring’ana “batisa” nigo rikorwa ase omonwa b’Ekegiriki engencho yaye “tobeka” ime ya amache. Ekero Yeso abatisetwe, agatobekwa ime y’orooche rwa Yorodan, “erio kegima agatiira korwa ase amache.” (Matayo 3:13, 16) Buna Yeso, Abakristo b’ekeene nigo bakobatiswa ase ogotobekwa, ime y’amache.

2. Ninki okobatiswa gokworokia?

Omonto ekero akobatiswa, nigo akworokia ng’a bwerure ere omonyene gochia ase Yehova Nyasae. Inaki omonto akwerua ere omonyene? Atarabatiswa, ase ogosaba kwa bobisi, nigo akomotebia Yehova ng’a naganetie komokorera botambe. Nigo akoria eira ng’a namosasime Yehova bweka, naende egento ki’engencho mono ase obogima bwaye n’ogokora ogwancha kwa Nyasae. Nigo agochora “[gwekaana] ere omonyene” na kogenderera kobwatia amaorokererio na omobwekano o Yeso. (Matayo 16:24) Okwerua na kobatiswa nigo bikogera enyarekane koba n’oboamate bwang’e mono amo na Yehova nabaria bakomosasima Yehova.

3. Ninki omonto abwenerete gokora atarabatiswa?

Nabo okwearigania ase okobatiswa goetera kwegera igoro ya Yehova na koagacha okwegena asare. (Soma Abaibirania 11:6.) Nomwanche Yehova mono ekero ogendererete komomanya na gokina ase okwegena. Erio noganie korandia igoro yaye na komenya koreng’ana nebirengo biaye. (2 Timotheo 4:2; 1 Yohana 5:3) “Mogenderere buna ebagwenerete ase Omonene [“Yehova,” NWT] momogwenere kegima,” omonto nabo agochora korua obogima bwaye omonyene ase Nyasae na kobatiswa.—Abakolosai 1:9, 10.a

EGERA AMANGE

4. Amang’ana tokwegera korwa ase okobatiswa kwa Yeso

Soma Matayo 3:13-17 erio kwegera amang’ana amange igoro y’okobatiswa kwa Yeso. Na mokwanere amaborio aya:

• Inee, Yeso n’omwana omoke arenge ekero abatisetwe?

• Inaki abatisetwe? Inee, nigo anyororokereretigwe amache?

Ekero Yeso abatisetwe agachaka gokora emeremo y’engencho eyio Nyasae amoete akore ase ense. Soma Luka 3:21-23 na Yohana 6:38, na mokwanere riborio eri:

• Nyuma Yeso kabatisirwe, meremo ki atang’anetie ase obogima bwaye?

5. Nabo ogoikeera ekerenga gi’okobatiswa

Ritang’ani nabo okoba nechitang’utang’u ase ekerengererio gi’okwerua na kobatiswa. Korende, nobe n’oboremu bw’okoimokia egetambokero ekio. Erio korora abanto bake bakorete bo, orokia EVIDIO.

EVIDIO: Koagacha Oboamate Amo na Yehova (1:11)

Soma Yohana 17:3 na Yakobo 1:5, na mokwanere riborio eri:

• Ninki kerakoonye omonto kwearigania kobatiswa?

1. Nigo tokwerua abanyene ase okomotebia Yehova ng’a ntoganetie komokorera ere botambe

2. Ekero keria tokobatiswa, nigo tokwenekia ase baria batorigereretie ng’a twerure abanyene gochia ase Nyasae

6. Ekero tokobatiswa nigo tokoba ensemo y’enka ya Yehova

Ekero twabatisirwe, nigo tokoba ensemo y’enka yense engima ere nobomo. Nonya tokorwa ase chinsemo ao-ao naende tore abe chingencho ao-ao, nigo togosanga okwegena okomo na komenya koreng’ana n’ebirengo bi’Ebibilia. Soma Zaburi 25:14 na 1 Petero 2:17, na mokwanere riborio eri:

• Ekero omonto abatisirwe mboamate ki agotwara amo na Yehova na baria bakomosasima Yehova?

ASE OBWENGE

Yeso nigo aorokereretie ng’a Abakristo goika babatiswe. Erio goikeera ekerenga ekio, omonto goika agaache okwegena ogokong’u ase Yehova, amenye koreng’ana n’ebirengo bia Yehova, naende erue omonyene Asare.

Einyorie

• Ninki ebatiso, naende naseki ere yengencho?

• Mboamate ki boreo gati y’okwerua omonyene na okobatiswa?

• Mbitambokero ki omonto abwenerete koira nyuma atarerua na kobatiswa?

TUKA MONO

Egera ekeene igoro y’ebatiso.

“Ebatiso Ninki?” (Erikire ase omotandao)

Rora ebitambokero omonto abwenerete koira erio aikeere ebatiso.

“Komwancha na Koiraneria Yehova Mbuya Mono Nigo Gokoraa ase Ebatiso” (Mnara wa Mlinzi, Machi 2020)

Soma ekiamosegete omosacha oyomo kobatiswa.

“Nigo Baaganetie Ing’eenekerie Ekeene” (Mnara wa Mlinzi, Februari 1, 2013)

Rora naseki ere buya obeke omokia erio obatiswe.

“Inee, Mbatiswe?” (Maswali Ambayo Vijana Huuliza—Majibu Yafanyayo Kazi, Buku la 2, Sura 37)