ERESENI 37
Amang’ana Ebibilia Egoteba Igoro y’Emeremo na Chibesa
Inee, kwanya gochandeka ebirengererio igoro y’emeremo nechibesa? Nabo ekoba akong’u konyora ebio toganetie na boigo komoa Yehova ogosasima komogwenerete. Ebibilia nigo ekorua obosemia oboronge obwo boratokoonye.
1. Ninki Ebibilia egoteba igoro y’emeremo?
Nyasae nigo aganetie togokere emeremo yaito. Ebibilia nigo egoteba “gento kende tikeri kere ekiya, otatiga omonto agokere emeremo yaye.” (Omorandia 3:22) Yehova nigo agokora emeremo n’omokia. Ekero tokomwegia ase ogokora emeremo n’omokia, nigo tokomogokia Yehova naintwe twaisaneka.
Emeremo ney’engencho. Korende titobwenereti koyetiga ebe y’engencho mono kobua okomosasima Yehova. (Yohana 6:27) Nigo agotoriera eira ng’a ekero tokomotang’ania, natoe bionsi ebio toganetie erio komenya.
2. Ninki Ebibilia egoteba igoro yechibesa?
Nonya ebibilia egoteba ng’a nigo “chibesa chigotokonya,” naende boigo nigo egotokurera ng’a chibesa chioka tichigotorentera omogoko. (Omorandia 7:12) Igo, nigo togosegetwa tintwancha chibesa korende ‘toisaneke nebi tore nabio.’ (Soma Abaibirania 13:5.) Ekero tokogenderera goisaneka nebio tobwate, nigo togwesubora abanyene korwa ase ebirengererio bi’ogochandeka kogania konyora ebinge. Nigo togwetanga kwebekera amadeni atari y’engencho. (Emereng’anio 22:7) Naende nigo tokwerusia korwa ase obobe bw’ogoaka korondo na gwesoia ase ebiombe bi’okorigia obotenenku bwa bwango.
3. Inaki toratumeke chibesa totari kwegimeria?
Yehova nigo are Nyasae ore n’omoyo omuya, na nigo tokomwegia ekero tore “ang’e korua chinibo [chiaito], na gwatanera abande ase emioyo emiya.” (1 Timotheo 6:18) Nabo togotumea chibesa chiaito totari kwegimeria goetera gokoonya omosangererekano na goetera gokoonya abande abwo bare n’okogania, anene mono baria togosasima komo. Yehova nigo akogokigwa mono, nekerenga giaito gi’okorua, tari ekerengo ekio tokorua. Ekero togosanga na abande korwa ase enkoro, nigo togosesenigwa gose koba n’omogoko, naende nigo tokomogokia Yehova.—Soma Ogokora kw’abatomwa 20:35.
EGERA AMANGE
Rora obuya bw’okoba nebirengererio ebiya igoro y’emeremo na goisaneka.
4. Mosike Yehova goetera enchera ogokora emeremo
Obosani bwaito amo na Yehova nigo bobwenerete gosegeta ebirengererio biaito igoro y’emeremo. Orokia EVIDIO, na mokwanere amaborio akobwatia.
Ase evidio, ninki giakogokia igoro y’ebirengererio bia Jason na enchera aare kwegendia ase emeremo yaye?
Ninki akorete erio akanyora ribaga ri’emeremo na ebinto binde?
Soma Abakolosai 3:23, 24, na mokwanere riborio eri:
Naseki ebirengererio biaito igoro y’emeremo bire bi’engencho?
Emeremo ney’engencho. Korende titobwenereti koyetiga ebe yengencho mono kobua ogosasima gwaito ase Yehova
5. Ogoisaneka nigo kogotokoonya
Abanto abange nigo bagotema korigia chibesa n’omokia mono. Korende Ebibilia nigo egotoa obosemia obwao. Soma 1 Timotheo 6:6-8, na mokwanere riborio eri:
Ninki Ebiblia egotosegeta tokore?
Nabo tokoba nomogoko nonya n’ekero, tobwate ebinto ebike. Orokia EVIDIO, na mokwanere riborio rikobwatia.
Ninki gekogera chinka echi chire nomogoko nonya tichibwati chibesa chinyinge?
Korende naki erabe onye tobwate chinyinge naende toganetie chinyinge mono? Yeso agakwanera omoreng’anio bw’obobe obo. Soma Luka 12:15-21, na mokwanere riborio eri:
Ninki kwegeire korwa ase omoreng’anio o Yeso?—Rora ekebungo 15.
Soma na kobwekania Emereng’anio 10:22 na 1 Timotheo 6:10. Na mokwanere amaborio aya:
Ninki okorengereria kere ki’engencho mono? Koba na obosani amo na Yehova gose n’okoba nechibesa chinyinge? Naseki?
Mechando ki tokonyora korwa ase okogania konyora chibesa chinyinge?
6. Yehova natoe ayio toganetie
Emechando y’okorigia emeremo nechibesa nabo egotema okwegena gwaito ase Yehova. Orokia EVIDIO erio korora ninki tobwenerete gokora ekero tobwate emechando eye egotema okwegena gwaito, na mokwanere amaborio akobwatia.
Ase evidio, mechando ki momura ominto anyorete?
Ninki akorete erio gokoora emechando ase enchera engiya?
Soma Matayo 6:25-34, na mokwanere riborio eri:
Eira ki Yehova abariereire baria bakomotang’ania?
ABANTO BANDE NIGO BAGOTEBA: “Goika nkore emeremo ase omokia gosiira enka yane. Tikonyara goikerana emesangererekano ya kera egwiki.”
Iriko ki rigokoenekeria ng’a gotang’ania okomosasima Yehova nakwo botambe ogochora okuya orakore?
ASE OBWENG’E
Gokora emeremo na konyora chibesa nebinto biganeirie, korende tibibwenereti gotoura ribaga ri’okomokorera Yehova.
Einyorie
Ninki keragokoonye ogenderere koba nebirengerio ebiya igoro y’emeremo?
Inaki ogoisaneka koragokoonye?
Inaki oraorokie obwegenwa ase eira ya Yehova y’okobaariganeria amaganio abanto baye?
TUKA MONO
Rora gose Ebibilia ngoteba ere ng’a chibesa nechimbe.
“Inee, Chibesa Nachio Omochakano bw’Amabe Onsi?” (Erikire ase omotandao)
Egera buna toratumie chibesa chiaito komogokia Nyasae.
“Ninki Ebibilia Egoteba Igoro y’Okorua?” (Erikire ase omotandao)
Inee mbobe gwaka korondo?
“Ebirengererio bi’Ebibilia Igoro ya—Gwaka Korondo” (Amkeni!, Machi 2015)
Rora ninki kiamosegetete omoaki korondo naende omoibi goonchoreria obogima bwaye.
“Nigo Nanchete Mono Amaminyoko ye Chibarasi” (Mnara wa Mlinzi, Novemba 1, 2011)