Kabe Omonyakeene ase Ebinto Bionsi

Kera omonto naganetie abasani abwo bagokwana ekeene. Boigo Yehova naganetie abasani abwo bagokwana ekeene. Korende teri aororo ase ense eye ere na abanto abange abwo batari abanyakeene. Mbuya ki tokonyora korwa ase okoba abanyakeene ase ebinto bionsi?

1. Esababu yengencho bono y’okoba omonyakeene nereri?

Ekero tore abanyakeene amo n’abande, nigo tokomworokia Yehova ng’a ntomwanchete na komosika. Inyora: Yehova namanyete kera egento tokorengereria na gokora. (Abaibirania 4:13) Namanyete ekero togochora koba abanyakeene, na ekio nigo gekomogokia. Ring’ana riaye nigo rigoteba ng’a Yehova nabe omosani na: “Oria orogendo rwaye rore oroikeranu, oria ogokora kwaye kore okuya, na amang’ana agokwana korwa ase enkoro yaye nay’ekeene.”—Zaburi 15:1, 2.

2. Nchera ki chinde torabe abanyakeene ase obogima bwaito bwa kera rituko?

Yehova nigo aganetie “Kera omonto akwane ekeene noyomwabo.” (Zakaria 8:16, 17) Ninki engencho y’amang’ana aya? Neba ekero togokwana na abanto b’enka yaito, abatogokora nabwo emeremo, bamura na basubati baminto Abakristo, gose abaobisa b’eserekari, titori kong’ainereria gose kobatantania na amang’ana. Abanto abanyakeene tibari kobaibera abande gose kobang’aina. (Soma Emereng’anio 24:28 na Abaefeso 4:28.) Naende nigo bagwakana ebango yonsi eyio bagosabwa. (Abarumi 13:5-7) Ase enchera eye nechinchera chinde, nigo torigetie “koba norogendo oruya ase amang’ana onsi.”—Abaibirania 13:18.

3. Mbuya ki tokonyora ekero tokoba abanyakeene?

Ekero tomanyekanete buna nigo togokwana ekeene, abanto bande nigo bagotwegena. Nigo togokoonya kera oyomo ase omosangererekano koba obotoereru buna enka ere nobwanchani. Nigo tokogokera koba na enkoro enchenu etarigotogambia. Boigo oboene bwaito mbobe “ekiorokererio ekiya gi’okworokereria kwa Nyasae, Omotooria oito,” na kobang’use abanto bande bache ase ogosasima gw’ekeene.—Tito 2:10.

EGERA AMANGE

4. Oboene nigo bokomogokia Yehova

Soma Zaburi 44:21 na Malaki 3:16, na mokwanere amaborio aya:

• Naseki okorengereria getari egento ki’obong’aini kwegena ng’a nabo tokobisa ekeene?

• Inaki okorengereria Yehova akoigwa ekero togochora gokwana ekeene, nonya ekero ere akong’u gokora bo?

5. Korera ekeene chingaki chionsi

EVIDIO: Mang’ana ki Akorenta Omogoko?—Enkoro Etari Gotogambia (2:32)

Soma Abaibirania 13:18, na mokwanere buna toranyare koba abanyakeene . . .

• ase enka yaito.

• ase emeremo gose esukuru.

• ase chinsemo chinde.

6. Oboene nigo bogotokoonya

Ritang’ani nabo ekororekana ng’a gokorera ekeene nigo gokorenta emechando. Korende nonya nigo, botambe gokorera ekeene nakio egento ekiya mono orakore. Soma Zaburi 34:12-16, na mokwanere riborio eri:

• Gokorera ekeene naki korakoonye obogima bwao bobe obuya mono?

1. Abasacha na abakungu bagotebania ekeene nigo bagoting’ia enyuomo yabo

2. Abakori emeremo abwo bagokorera ekeene nigo bakwegenwa na baria babarigete

3. Abanto bagokorera oboene nigo bakomanyekana buya na abaobisa b’eserekari

ASE OBWENG’E

Yehova nigo aganetie abasani baye bakorere ekeene ase aria onsi bagokwana na gokora.

Einyorie

• Nase nchera ki torabe abanyakeene?

• Naseki etari egento kio obonga’ini korengereria ng’a nabo tokobisa ekeene?

• Naseki otagete koba omonyakeene chingaki chionsi?

TUKA MONO

Inaki abaibori baraorokererie abana babo koba abanyakeene?

Kwana Ekeene (1:44)

Naseki ere buya goikerania eira yaito?

Ikerania Chiira, Nyora Amasesenio (9:09)

Rora gose nebetereretie gwakana ebango nonya ekero egotumeka bobe.

“Inee, Nebetereretie Bwakane Ebango?” (Mnara wa Mlinzi, Septemba 1, 2011)

Ninki kiamosegetete omosacha orenge gokwana oborimo goonchoreria obogima bwaye na komenyera oboene?

“Nkaegera ng’a Yehova n’Omonyene Amabera Naende Nigo Akwabera” (Mnara wa Mlinzi, Mei 1, 2015)