ERESENI 15
Yeso Ning’o?
Yeso n’oyomo bw’abanto bamanyekanete mono ase historia. Korende, otatiga erieta riaye, abanto abange tibamanyeti amange igoro yaye, na abange nigo babwate ebirengererio ao-ao igoro ya Yeso nere ng’o. Ninki Ebibilia egoteba igoro ya Yeso?
1. Yeso ning’o?
Yeso n’omomalaika bwechinguru omenyete igoro. Nigo atongetwe na Yehova Nyasae konyora kende gionsi getaratongwa. Ase engencho eyio nigo akorokwa “omoiborwa bwe ritang’ani bw’ebitongwa bionsi.” (Abakolosai 1:15) Ebibilia nigo ekomoroka Yeso buna “Omwana . . . omomoima” o Nyasae, ase engencho Yeso nere bweka otongetwe eyemo ase eyemo na Yehova. (Yohana 3:16) Yeso nigo akorete emeremo ase obwang’e mono na Ise oye, Yehova, akamokoonya gotonga ebinto binde bionsi. (Soma Emereng’anio 8:30.) Yeso nagendererete kogokera oboamate bwang’e amo na Yehova. Ase obwegenwa nigo akomokorera Nyasae buna omokwania oye, “Ring’ana,” koenana amang’ana na amachiko a Nyasae ase abamalaika na abanto.—Yohana 1:14.
2. Naseki Yeso achete ase ense?
Ang’e emiaka 2,000 yaetire, Yehova agakora egekone, agatumea omoika oye omochenu kong’anyia obogima bwa Yeso korwa igoro, gocha ase enda y’omoiseke omwekungi ore korokwa Mariamu. Ase enchera eye, Yeso akaiborwa buna mwanyabanto. (Soma Luka 1:34, 35.) Yehova akamotoma Yeso gocha ase ense buna Masihi, gose Kristo, na erinde gotooria mwanyabanto.a Agaikerania obobani bwensi bw’Ebibilia igoro ya Masihi, bokagera abanto bakamomanya Yeso buna “Kristo, Omwana o Nyasae ore moyo.”—Matayo 16:16.
3. Ng’ai Yeso are bono?
Ekero Yeso akwete buna mwanyabanto, Nyasae akamobokia buna omomalaika erio akairana gochia igoro. Aroro, “Nyasae akamoimokereria igoro mono.” (Abafilipi 2:9) Bono, Yeso n’omomalaika ore nechinguru, Yehova bweka nere ore nechinguru mono komobua.
EGERA AMANGE
Manya amange igoro ya Yeso ere ning’o naende naseki kwegera igoro yaye kere egento ki’engencho mono.
4. Yeso ere tari Nyasae Omobui
Ebibilia nigo ekworokereria ng’a, nonya Yeso kare omomalaika ore nechinguru igoro, ere nigo akomoigwera Nyasae na Ise oye, Yehova. Naseki totebe bo? Orokia EVIDIO erio korora ekio Ebibilia ekworokereria igoro ya Yeso, buna are etobauti korwa ase Nyasae omobui.
Amariko akobwatia nigo agotokoonya komanya oboamate boreo yati ya Yehova na Yeso. Soma kera ririko, na mokwanere amaborio akobwatia.
Soma Luka 1:30-32.
Inaki omomalaika akwanete igoro y’oboamate bore gati ya Yeso na Yehova Nyasae, “Oyore Igoro Mono”?
Soma Matayo 3:16, 17.
Ekero Yeso abatisetwe, eriogi korwa igoro ninki riatebete?
Inee, okorengereria eriogi erio neriang’o riarenge?
Soma Yohana 14:28.
Ning’o ore omonene na okobua okonge? Ise gose omwana?
Yeso akamoroka Yehova Tata. Ninki ayio agotworokereria?
Soma Yohana 12:49.
Inee, Yeso nkorengereria are ng’a ere na Ise nomonto oyomo? Ebirengererio biao mbiribi?
5. Ninki gekoenekia ng’a Yeso nere Masihi?
Ebibilia nebwate obobani obonge obwo bwabakoonyete abanto komomanya Masihi—omochoorwa o Nyasae okobatooria mwanyabanto. Orokia EVIDIO erio bwegere igoro ya obobani obwo Yeso aikeranetie ekero achete ase ense.
Soma obobani obo bw’Ebibilia, na mokwanere amaborio akobwatia:
Soma Mika 5:2 erio bwegere Masihi ng’ai arenge gocha koiborwa.b
Inee, okoiborwa kwa Yeso nkwaikeranetie obobani obo?—Matayo 2:1.
Soma Zaburi 34:20 na Zekaria 12:10 erio kwegera aria Ebibilia yabanete igoro y’ogokwa kwa Masihi.
Inee, obobani obo mbwaikeranete?—Yohana 19:33-37.
Inee, okorengereria nkonyarekana yarenge Yeso aroberie egere aikeranie obobani obo?
Ninki aya agokoenekeria igoro ya Yeso?
6. Nigo tokonyora amaya ekero tokwegera igoro ya Yeso
Ebibilia nigo egoteba ng’a nere buya mono kwegera igoro ya Yeso na emeremo eria Nyasae amweire. Soma Yohana 14:6 na 17:3, na mokwanere riborio eri:
Obuya bw’okwegera igoro ya Yeso mborobi?
Yeso akaigora enchera y’okoba omosani o Nyasae. Akaorokereria ekeene igoro ya Yehova, na goetera ere, nabo tokonyora obogima bwa kare na kare
ABANTO BANDE NIGO BAGOTEBA: “Birori ba Yehova tibamwegeneti Yeso.”
Naki aye orairanerie?
ASE OBWENG’E
Yeso ere n’omomalaika bwechinguru. Ere n’Omwana o Nyasae na nere Masihi.
Einyorie
Naseki Yeso akorokwa “omoiborwa bwe ritang’ani bw’ebitongwa bionsi”?
Ninki Yeso akorete konyora ataracha ase ense?
Inaki tomanyete ng’a Yeso nere Masihi?
TUKA MONO
Egera amange igoro ya naki tomanyete ng’a Yeso nere Masihi.
“Inee, Obobani Igoro ya Masihi Nkoenekia Bore Ng’a Yeso Nere Masihi?” (Erikire ase omotandao)
Manya gose Ebibilia nkworokereria ere ng’a Nyasae nigo abete ise Yeso ase enchera eria eria mwanyabanto bakonyora abana.
“Naseki Yeso Akorokwa Omwana o Nyasae?” (erikire ase omotandao)
Rora naseki Obotato botari okworokereria gw’Ebibilia.
Soma buna obogima bw’omokungu oyomo bwaonchooreretie ekero akorete obotuki bw’aria Ebibilia egoteba igoro ya Yeso.
“Omosubati Omoyahudi Okoeresa Naseki Aringoretie Buya Okwegena Kwaye” (Amkeni!, Mei 2013)
b Rora Amaereso y’Omoerio 2 ase obobani obwo bwabanete ase oboene ekero Yeso arenge kooroka ase ense.