ERESENI 16
Ninki Yeso Are Gokora Ekero Arenge ase Ense?
Abanto abange nigo bakomorora Yeso koba omwana, omobani omong’aini, gose omonto ogokwa. Korende ntonyare kwegera amange igoro yaye ase ogotuka obogima bwaye ase ense? Ase ereseni eye, ntorore gati yebinto bike bi’engencho ebio Yeso akorete na buna biragokoonye.
1. Ase Yeso emeremo yarenge y’engencho mono, nereri?
Emeremo yarenge y’engencho mono ase Yeso “korandia amang’ana amaya ay’oboruoti bwa Nyasae.” (Soma Luka 4:43.) Akarandia amang’ana amaya ng’a Nyasae natenenie oboruoti, gose eserekari, eyio erakoore emechando yonsi ya mwanyabanto.a Ase emiaka etato na enusu, Yeso agakora emeremo ase omokia yokobatebia abanto amang’ana aya y’okoremia.—Matayo 9:35.
2. Ninki kiarenge ekerenga ki’ebikone bia Yeso?
Ebibilia nigo egoteba ng’a Nyasae akamotumea Yeso gokora “ogokora gwe chinguru, na amakumia, na ebikone.” (Ogokora kw’abatomwa 2:22) Nyasae akamoa Yeso chinguru, erio agatenenia emerindo, akarageria emeganda. akabwenia abarwaire, naende boigo akababokia abakure. (Matayo 8:23-27; 14:15-21; Mariko 6:56; Luka 7:11-17) Ebikone bia Yeso bikaenekia maiso marore ng’a Nyasae nere omotomete. Boigo bikaenekia ng’a Yehova nare nechinguru chi’ogokoora emechando yaito yonsi.
3. Ninki tokwegera korwa ase enchera Yeso ’amenyete?
Yeso akamoigwera Yehova kera engaki. (Soma Yohana 8:29.) Nonya orenge kwamererigwa, ase obwegenwa Yeso agakora onsi aria Ise oye amoboretie akore goika ogokwa kwaye. Akaorokia ng’a nabo ekonyarekana ase mwanyabanto komokorera Nyasae, nonya bagoetera amakong’u. Igo, Yeso ‘agatotigera ekeorokererio, erinde tobwatie chimbaratero chiaye.’—1 Petero 2:21.
EGERA AMANGE
Rora buna Yeso aranderetie abanto amang’ana amaya na gokora ebikone.
4. Yeso akarandia amang’ana amaya
Yeso agatara chikiromita chinyinge ase chibara chi’arenge nebuse, okorandia amang’ana amaya ase abanto abange. Soma Luka 8:1, na mokwanere amaborio aya:
Inee, Yeso nabanto basangererekanete komotegerera boka aranderetie?
Mokia ki Yeso abegete erio konyora abanto?
Nyasae nabanete ng’a Masihi narandie amang’ana amaya. Soma Isaya 61:1, 2, na mokwanere amaborio aya:
Naki Yeso aikeranetie obobani obo?
Inee, okorengereria abanto rero, mbagwenerete koigwa amang’ana aya amaya?
5. Yeso akaorokereria ebiene bi’engencho
Yeso akarandia amang’ana amaya y’Oboruoti bwa Nyasae, naende boigo akaorokereria chireseni chigotokoonya. Rora emebwekano meke korwa ase Okorandia kwa Yeso ase Egetunwa okwo komanyekanete mono. Soma Matayo 6:14, 34 na 7:12, na mokwanere amaborio aya:
Mbosemia ki Yeso arwete ase ebibungo ebi?
Inee, okorengereria obosemia obo mbobakoonye abanto rero?
6. Yeso agakora ebikone
Yehova akamoa Yeso chinguru chi’ogokora ebikone ebinge. Erio korora omobwekano oyomo, soma Mariko 5:25-34 gose orokia EVIDIO. Na mokwanere amaborio akobwatia.
Ase evidio, nkwegena ki omokungu orenge omorwaire abwate?
Ninki kegokogokia igoro y’egekone eke?
Soma Yohana 5:36, na mokwanere riborio eri:
Ebikone bia Yeso naki biamobereire “kirori,” gose koenekia, igoro yaye?
Inee, nomanyete?
Amange igoro ya aria tomanyete igoro ya Yeso nigo akorwa ase ebitabu bine bi’Ebibilia bikorokwa Enchili—Matayo, Luka, Mariko, na Yohana. Kera omoriki bw’Enchili nigo akwanerete ase enchera eng’ao igoro ya Yeso. Amang’ana ayio bakwanete ekero akobekeranigwa amo, nigo agotoa ebicha endonge igoro ya obogima bwa Yeso.
MATAYO
Akarika egetabu gi’enchili egetang’ani. Nigo kegosingerera amaorokererio a Yeso, anene mono aria Yeso aorokereretie igoro y’Oboruoti bwa Nyasae.
MARIKO
Nigo arigete egetabu gi’enchili kere ekieng’e mono. Nigo gekwanerete igoro ya amakora amange akogokia.
LUKA
Nigo agototebia buna ogosaba kwarenge kw’engencho ase Yeso na buna Yeso arenge kobakorera ase enchera engiya abakungu.
YOHANA
Nigo akoorokia amange igoro yechimbwa chia Yeso goetera korika chinkwana chinyinge echio Yeso abwate amo na abasani baye bang’e na abanto bande.
ABANTO BANDE NIGO BAGOTEBA: “Yeso nere Nyasae omobui.”
Aye naki oratebe?
ASE OBWENG’E
Yeso akarandia igoro y’Oboruoti bwa Nyasae, agakora ebikone, na akamoigwera Nyasae chingaki chionsi.
Einyorie
Meremo ki y’engencho Yeso anchete gokora ekero arenge ase ense?
Ebikone bia Yeso ninki bikoenekia?
Chireseni chi’engencho echio Yeso aorokereretie nchirichi?
TUKA MONO
Igoro ya ing’ana ki Yeso akwanerete mono, ekero arenge korandia ase ense?
“Oboruoti bwa Nyasae—Buna Bore bw’Engencho Mono ase Yeso” (Mnara wa Mlinzi, Oktoba 1, 2014)
Rora naseki twegene ng’a ebikone bia Yeso ase ekeene mbiakoregete.
“Ebikone Bia Yeso—Ninki Oranyare Kwegera?” (Mnara wa Mlinzi, Julai 15, 2004)
Soma buna omobwekano o Yeso igoro y’okwerua omonyene omosegetete omosacha oyomo.
“Nigo Namenyete Obogima bw’Okweancha” (Mnara wa Mlinzi, Oktoba 1, 2014)
Rora ebinto bi’engencho Yeso akorete ekero arandetie ense ase omobwatano biakoregete.
a Chireseni 31-33 nchikwanere Oboruoti bwa Nyasae ase obogare.