“Peẽ pehendúta oikoha gérra”

“Ojapóma ningo 60 áñorupi ambaʼapo hague kómo rreportéro, ha añepyrũ guive koʼág̃a peve arreportáma mas de 40 gérra oikóva ko múndo tuichakuére. Por ehémplo ahecha mbaʼéichapa Estados Unidos ha pe Unión Soviética opuʼã ojuehe ha amás día oho vaive kuri hese, ha upéi derrepénte opaite. Péro núnka ndajepyʼapýiva ajepyʼapyháicha ko 2025-pe. Oparupiete ningo koʼág̃a oñehendu oĩha gérra, ha ndahaʼéi voi upévante, síno ke peteĩva koʼã gérra tuichaiterei operhudikáta pe polítikape ko múndo tuichakuére” (John Simpson, Editor de Asuntos Mundiales de BBC [orénte rorresalta pe fráse]).

La hénte ojepyʼapyháre oiko pórke oĩ hetaiterei gérra ko múndo tuichakuére. Ha heta oĩ oikuaaséva algún díapa omehoráne la situasión. ¿Mbaʼépa heʼi vaʼekue Jesús?

¿Mbaʼépa Jesús omboʼe vaʼekue?

Jesús heʼíma vaʼekue voi oikotaha koʼã mbaʼe. Haʼe heʼi kuri idisipulokuérape: “Peẽ pehendúta oikoha gérra heta hendárupi” (Mateo 24:6).

Oikóramo jepe heta gérra ha oĩramo jepe heta ivioléntova, ñande lomímonte ikatu javyʼa ha jareko esperánsa. ¿Mbaʼérepa? Pórke Jesús heʼi vaʼekue umi gerraita oĩva ha hetaiteve mbaʼe oikótava ko múndo tuichakuére, haʼeha peteĩ ‘señál’ ohechaukáva “pe fin ou potaitemaha” (Mateo 24:3; Lucas 21:7). Upéva heʼise Jesús nopermitimoʼãveimaha oĩ umi gérra. ¿Mbaʼéichapa ojapóta upéva?

¿Mbaʼépa Jesús ojapóta koʼẽrõite?

Koʼẽrõitéma pe Rréi Jesús, ogovernáva Ñandejára Rréino, osolusionáta koʼã mbaʼe ha upépe “ndaiporimoʼãvéima ni peteĩ gérra ko yvy ape ári” (Salmo 46:9).

Eikuaasevéramo ko promésa porãitégui, mbaʼéichapa koʼẽrõite jaikóta pyʼaguapýpe ha mbaʼéichapa upéva ikatu nepytyvõ, elee pe artíkulo hérava “Mbaʼéichapa opaitéta umi gérra”.