¿Arakaʼépa opáta umi gérra? ¿Mbaʼépa heʼi la Biblia?

Pe gérra oikóva Oriente Médiope ningo haʼe peteĩ ehémplonte ohechaukáva umi mbaʼe vai oikóva ko múndope.

“Koʼag̃aite oiko hetave gérra ivaietereíva ko múndo tuichakuére ñakomparáramo umi oiko vaʼekuére pe segunda gérra mundiál guive. Umíva oafekta mas de 2.000 millón de persónape, upéva heʼise oafektaha uno de káda 4 persónape” (Consejo de Seguridad de las Naciones Unidas, 26 de enero de 2023).

Oiko hína umi gérra ivaietereíva koʼã lugárpe: Israel, Gaza, Siria, Azerbaiyán, Ucrania, Sudán, Etiopía, Níger, Myanmar ha Haití.a

¿Arakaʼépa opáta umi gérra? ¿Ikatúnepa umi líder mundiál omoĩ pyʼaguapy ha trankilida? ¿Mbaʼépa heʼi la Biblia?

Ko múndope oiko hetaiterei gérra

Umi gérra oikóva koʼág̃a ohechauka koʼẽrõitéma opataha entéro gérra oikóva ko múndo tuichakuére. Koʼã mbaʼe ohechauka hína oñekumpliha peteĩ profesía oĩva la Bíbliape oñeʼẽva ñane tiémpore. La Biblia ohenói ko tiémpope “umi ára paha” (Mateo 24:3, nóta).

• ‘Peẽ pehendúta oikoha gérra heta hendárupi. Peteĩ país opuʼãta ótro país rehe, ha umi goviérno opuʼãta ojuehe’ (Mateo 24:6, 7).

Ehecha hag̃ua mbaʼéichapa umi gérra oikóva koʼág̃arupi okumpli umi profesía bíblica, elee pe artíkulo “¿Cuál es la señal de “los últimos días” o “los tiempos finales”?”.

Peteĩ gérra oipeʼaitétava entéro gérra

La Biblia heʼíma vaʼekue opataha entéro gérra oikóva ko yvy ape ári. ¿Mbaʼéichapa oikóta upéva? Ndahaʼéi peteĩ persóna la ojapótava upéva, síno pe Armagedón rupive, haʼéva ‘pe gérra oikótava Ñandejára Todopoderóso ára guasúpe’ (Apocalipsis 16:14, 16). Ko gérra rire Ñandejára okumplíta ipromésa ñandéve g̃uarã ha jaikóta pyʼaguapýpe ha trankílo porã pára siémpre (Salmo 37:10, 11, 29).

Eikuaave hag̃ua mbaʼépa Ñandejára ojapóta oipeʼaite hag̃ua umi gérra, ikatu elee pe artíkulo “¿Qué es el Armagedón?”.