Oñepytyvõ umi siégope
Ojekalkula ko múndo tuichakuére oĩha 43 millón de persóna isiégova ha 295 millón ndohechaporãiva.a Ha lastimósamente hetápe ojetrata vaieterei jepi.
¿Mbaʼépa Ñandejára opensa umi siégore? ¿Mbaʼépa la Biblia heʼi hesekuéra? ¿Ha mbaʼéichapa ore testígo de Jehová roipytyvõ chupekuéra koʼág̃arupi?
¿Mbaʼépa Ñandejára opensa umi siégore?
La Biblia omombeʼu Jehováb ohayhu ha hakateʼỹetereiha umi siégore. Haʼe oipota ojetrata porã chupekuéra ha oipota avei haʼekuéra oikuaa chupe ha oservi chupe. Avei omeʼẽ chupekuéra peteĩ esperánsa iporãitereíva amo gotyove g̃uarã.
Téxto: “Toñemaldesi upe omodesatináva hapégui peteĩ siégope” (Deuteronomio 27:18).
Mbaʼépa heʼise: Ymave Ñandejára léi oprotehe vaʼekue umi siégope ani hag̃ua avave omaltrata chupekuéra.
Téxto: ‘Ñandejára otrata enterovépe peteĩchante’ (Hechos 10:34).
Mbaʼépa heʼise: Ñandejára ohayhu ha ovalora umi siégope, ohayhuháicha avei umi ohechávape.
Téxto: Jesús omonguera “umi siégope ikatu hag̃uáicha ohecha jey” (Lucas 7:21).
Mbaʼépa heʼise: Jesús oĩrõ guare ko yvy ape ári omonguera vaʼekue unos kuánto siégope, péicha ohechauka mbaʼépa Ñandejára Rréino ojapóta koʼẽrõite.
Téxto: “Umi siégope ojehesapeʼáta” (Isaías 35:5).
Mbaʼépa heʼise: Jehová opromete koʼẽrõitéma oguerutaha Irréino, ha upépe enterove umi isiégova ikatúta ohecha.
¿Mbaʼéichapa ore testígo de Jehová roipytyvõ umi siégope?
Ko múndo tuichakuére, ore testígo de Jehová romombeʼu la héntepe pe esperánsa oĩva la Bíbliape, ha rokomparti avei upéva umi siégondi. ¿Mbaʼéichapa rojapo upéva?
Roguereko Biblia, vidéo ha informasión bíblica diferénte formátope, umíva apytépe oipuru hag̃uáicha avei umi siégo ha ndohechaporãiva, por ehémplo braille, edisión létra tuicháva ha áudio.
Káda semána rojapo umi rreunión kristiána ikatuhápe enterovéva oho, umíva apytépe umi siégo.
Roinvita enterovévape ostudia hag̃ua la Biblia peteĩ Testígondi.c
Rojapo entéro koʼã mbaʼe rokovraʼỹre mbaʼevete. ¿Mbaʼérepa? Pórke Jesús heʼi vaʼekue: “Grátis oñemeʼẽ kuri peẽme, ha peẽ grátinte pemeʼẽ vaʼerã avei” (Mateo 10:8).
Ore testígo de Jehová ore pyʼaite guive rohayhu ha rovalora umi siégope. Oĩramo algúno oadoraséva Ñandejárape orendive, ore vyʼápe rorresivi ha roipytyvõta chupe. Ehechamína mbaʼe mbaʼépa heʼi ha ohasa vaʼekue umi siégo oiko vaʼekue chuguikuéra testígo de Jehová.
Talita Alnashi, oikóva Suéciape, ndohechaporãi onase guive. Ehechamína mbaʼéichapa ituakuéra omboʼe chupe la Biblia ha mbaʼéichapa iñamigokuéra ohayhu ha oipytyvõ chupe ha ifamíliape.
James Ryan, oikóva Estados Unídospe, nohendúi onase guive ha tiémpo rire opyta siégo. Ehechamína mbaʼépa oipytyvõ chupe ovyʼa hag̃ua.
Cynthia Pablo, oikóva Filipínaspe, nohendúi ha ndohechái. ¿Mbaʼéichapa iñermanokuéra kongregasionpegua oipytyvõ raʼe chupe pe pandémia aja? Eleemína ijistória pe artíkulo héravape “Una publicadora sordociega recibe ayuda de su congregación durante la pandemia”.
¿Mbaʼe mbaʼépa roipuru romboʼe hag̃ua la Biblia umi siégope?
Puvlikasión bráillepe. Oĩma unos kuánto idiómape la Biblia bráillepe, tahaʼe kompletoite térã en párte. (Eikuaa hag̃ua mbaʼe idiómapepa oĩ la Biblia, ehecha pe rrekuádro hérava “La Biblia Traducción del Nuevo Mundo bráillepe”). Avei roguereko hetaiterei puvlikasión bíblica bráillepe. Ha entéro umi oaprendesévape g̃uarã braille roguereko peteĩ puvlikasión hérava Aprenda a leer braille. Ko puvlikasión ojejapo ikatu hag̃uáicha peteĩ ohecháva omboʼe peteĩ siégope oleekuaa hag̃ua braille.
Eipotáramo peteĩ puvlikasión bráillepe ejerure peteĩ testígo de Jehovápe térã ejerure peteĩ visíta.
Pe sítio jw.org-gui ikatu emboguejy umi formáto ikatúva olee umi anotadór braille.d
Umi puvlikasión oĩva létra tuichávape térã nde voi ikatúva embotuicha. Unas kuánta puvlikasión roreko edisión létra tuichávape umi ndohechaporãivape g̃uarã. Ore sítio jw.org oĩva Internétpe ojejapo ojehecha porã hag̃uáicha oñembotuicháramo jepe la ilétra. Ha pe aplikasión JW Líbrarype ikatu avei oñembotuichave umi puvlikasión létra.
Eipotáramo peteĩ puvlikasión edisión létra tuicháva ejerure peteĩ testígo de Jehovápe térã ejerure peteĩ visíta.
Ore sítio jw.org-gui emboguejy umi puvlikasión edisión létra tuicháva.
Umi puvlikasión ojegraváva. Umi gravasión de la Biblia Traducción del Nuevo Mundo oĩma mas de 200 idiómape. Avei ojegrava hetaiterei puvlikasión bíblica, ha la majoría koʼã gravasión omombeʼu avei mbaʼépa ojekuaa umi fótope.
Ehendu térã emboguejy umi áudio oĩva jw.org-pe ha pe aplikasión JW Líbrarype.
Ore sítio jw.org-gui ikatu emboguejy umi archívo ikatu vaʼerãichagua olee umi lektór de pantálla ha rreproduktór de lívro dihitál.e
Vidéo orekóva audiodeskripsión.f Ore testígo de Jehová rojapo vidéo oñeguenohẽva la Bíbliagui ha orekóva audiodeskripsión mas de 100 idiómape. Koʼã vidéo oipytyvõ la héntepe ontende hag̃ua mbaʼépa omboʼe la Biblia ha ojapo hag̃ua umi mbaʼe oaprendéva.
Por ehémplo, koʼã série de vidéope oĩva españólpe, ikatúta ehecha ha ehendu umi vidéo orekóva audiodeskripsión:
Umi rreunión ha aty guasu. Ko múndo tuichakuére ore roñembyaty káda semána roaprende hag̃ua la Bíbliagui ha romombaʼeguasu hag̃ua Ñandejárape. Roreko jepi avei káda áño umi aty guasu rohohápe roaprendeve hag̃ua la Bíbliagui. Péicha jave ojehechauka aja umi vidéo roñehaʼã romog̃uahẽ umi oikotevẽvape pe audiodeskripsión ohendu hag̃ua. Ha peichahágui oĩramo álgien ndohecháiva ha nohendúiva, roñehaʼãmbaite rotradusi chupe umi rreunión ha aty guasu lengua de séñaspe, ha pe persóna ndohecháiva opokóvo pe persóna póre ontende hína la ojeʼéva chupe. Enterovetéva ikatu oho koʼãichagua rreuniónpe, pórke ore noromboykéi avavetépe.
Ehecha moõpa ojejapo umi rreunión.
Ehecha umi informasión oñeʼẽva umi aty guasu rojapóvare káda áño.
Ehomína orendive Konmemorasionhápe, pe rreunión iñimportantevéva rojapóva káda áño.
José Luis Ayala, oiko Méxicope. Haʼe nohendúi onase guive, ha orekópe 29 áño oúma ndohechavéi. Ehechamína mbaʼeichaitépa iñimportánte chupe g̃uarã umi rreunión rorekóva, ha mbaʼéichapa oñepytyvõ raʼe chupe omboʼekuaa hag̃ua la Biblia.
a Umi ndohechaporãiva haʼe hína umi persóna saʼieterei ohecháva ha ijetuʼúva chupe ojapo hag̃ua umi mbaʼe normálmente peteĩ persóna ojapóva. Ko artíkulope ojepuru jave pe palávra siégo, oñeñeʼẽ hína umi persóna ndohecháivare mbaʼevete voi térã ndohechaporãivare.
b Ñandejára héra Jehová (Salmo 83:18). Ehecha pe artíkulo hérava “¿Mávapa Jehová?”.
c Ejerure peteĩ testígo de Jehovápe tandevisita ohechauka hag̃ua ndéve mbaʼéichapa ojejapo umi kúrso bíblico gratiete.
d Peteĩ anotadór braille haʼe peteĩ aparáto orekóva prinsipálmente 2 funsión: ikatu ojelee ha ojeskrivi bráillepe. Ikatu hag̃uáicha pe persóna oskrivi, pe aparáto oreko unos kuánto votón ikatúva ojopy oskrivi hag̃ua ohóvo. Ha ikatu hag̃uáicha olee, pe persóna omoĩ ipo pe aparáto ári ha oñandu unos kuánto puntíto ojupi ha oguejýva. Oĩ avei algúno aparáto ikatúva olee en vos álta la osẽva ohóvo pe pantállape. Péicha rupi peteĩ persóna isiégova natekotevẽvéima oreko hetaiterei puvlikasión imprésa bráillepe.
e Umi lektór de pantálla ha umi rreproduktór de lívro dihitál olee pe téxto en vos álta, tahaʼe oipurúvo peteĩ vos orekóva voi pe komputadóra térã peteĩ vos ograva vaʼekue peteĩ persóna. Ko teknolohía rupive ikatu rehendu pe puvlikasión ndegustaha guive.
f Umi vidéo orekóva audiodeskripsión heʼi ohóvo mbaʼépa la ojekuaáva pe pantállape okorre aja la vidéo.