La oñemombeʼúva Proverbios kapítulo 7-pe ohechauka la ikatúva oiko oimeraẽ Jehová siérvore. Peteĩ ermáno térã ermána ikatu opeka ha upéi opensa derrepenteténte oiko hague upéva. Ikatu voi heʼi: “Pyaʼetereíko oiko, ni che ndapillái mbaʼéichapa”. Ikatu ningo heʼi péicha, péro legálmente opensa porãrõ la oiko vaʼekuére, provávlemente ohechakuaáta haʼe voi ojapo hague unas kuánta kósa ogueraha vaímava chupe. Por ehémplo ikatu oime ou ijúnta vai, oiporavo vai idiversionrã, ohecha umi sítio de Internet naiporãiva térã oho peteĩ lugár ndahaʼéivape peteĩ kristiánope g̃uarã. Hiʼarive, ikatu oime noñemboʼevéima, ndoleevéima la ibíblia, ndohovéi rreunionhápe térã ndopredikavéi. Jahecha haguéicha pe mitãkariaʼy káso Provérbiospe, péicha avei pe ermáno térã ermána ikatu oime odesidi vaíma voi unas kuánta kósa ha ipahápe ou opeka. ¿Mbaʼépa ñaaprende? Jahecha ndahaʼeiha la pekadoiténte la tekotevẽva ñamboyke, síno entéro mbaʼe ñandeguerahátava upe pekádope. Upéva la Salomón oexplika vaʼekue oñeʼẽ rire pe mitãkariaʼy ha pe kuña rekovaíre (Mat. 5:​29, 30). w24.07 16 párr. 10, 11

¿Mbaʼépa hína upe tesóro? Pe tembiapo ojejapóva oñemombeʼu hag̃ua umi notísia porã oñeʼẽva Ñandejára Rréinore. Ko traváho ikatu osalva umi héntepe (2 Cor. 4:1). ¿Mbaʼépa hína umi kambuchi? Umíva orrepresenta Ñandejára siervokuéra omombeʼúvape umi notísia porã la héntepe. Pablo tiémpope umi komersiánte oguerojámi vaʼerã kambuchípe heta mbaʼe ivaliósova, por ehémplo tembiʼu, víno térã pláta. Koʼág̃a avei Jehová omeʼẽ ñandéve peteĩ mbaʼe ivaliosoitereíva: Umi notísia porã oñeʼẽva Ñandejára Rréinore. Ha haʼe ñanepytyvõ rupi ikatúta ñakumpli porã ñane asignasión ha jasegi ñamombeʼu umi notísia porã. Sapyʼánte ikatu jakyhyje oĩrõ g̃uarã oñemoĩva ñanderehe térã umi hénte nañanerenduséirõ g̃uarã. Por ehémplo umi apóstolpe oñemanda vaʼekue anivéma hag̃ua opredika. Péro okyhyje ha oñentrega rangue hikuái, oñemboʼe Jehovápe ha ojerure toipytyvõmi chupekuéra ‘osegi hag̃ua omombeʼu iñeʼẽ pyʼaguasúpe’. Ha Jehová okontesta chupekuéra upepete (Hech. 4:​18, 29, 31). Jakyhyjéramo sapyʼánte, jajerure Jehovápe tañanepytyvõ jahayhuve hag̃ua ñande rapichápe, pórke upéva ñanepytyvõta ani hag̃ua jakyhyjeterei. w24.04 16 párr. 8, 9

Jahayhueterei rupi Jehovápe ñambotuichase la héra. Upévare ñamombeʼuse enterovépe japuha umi mbaʼe vaiete Satanás heʼíva Jehováre (Gén. 3:​1-5; Job 2:4; Juan 8:44). Japredika jave jaipotaiterei entéro ohendu mbaʼeichagua Dióspa añetehápe Jehová. Jaipota umi hénte oikuaa Jehová oporohayhuha ha ogoverna lája ihustoha. Avei ñamombeʼuse Ñandejára Rréino koʼẽrõitéma oipeʼaitetaha entéro sufrimiénto ikatu hag̃uáicha jaiko vyʼápe ha pyʼaguapýpe (Sal. 37:​10, 11, 29; 1 Juan 4:8). Jajapo jave entéro koʼã mbaʼe ñambotuicha hína Jehová réra. Péicha jave javyʼaiterei avei jajapógui la oñehaʼarõva ñandehegui, pórke ñande Jehová Testígo hína. w24.05 18 párr. 12