Eñemotiémpokena eñemoag̃ui hag̃ua Ñandejárare

Enterovetéva ningo ñaikotevẽterei Ñandejárare, upévare katuete revyʼaitereíta reñemotiémporamo reñemoag̃ui hag̃ua hese. Jahechamína unas kuánta kósa Jesús omboʼe vaʼekue ko témare.

¿Mbaʼépa Jesús heʼi vaʼekue?

“Ovyʼa umi ohechakuaáva oikotevẽha Ñandejárare” (Mateo 5:3).

• Enterovetéva ningo jaikuaase koʼã mbaʼe: ¿Maʼerãpa jaexisti? ¿Mbaʼérepa jasufri? ¿Mbaʼépa oiko ñandehegui ñamano rire? Ha ikatu hag̃uáicha javyʼa, jaikuaámante vaʼerã koʼã mbaʼe.

“Yvypóra noikotevẽi pan añónte oikove hag̃ua, síno oikotevẽ opaite mbaʼe Jehováa heʼíva” (Mateo 4:4).

• Ñande ningo ñaikotevẽterei pe tembiʼu, ha upéicha avei ñaikotevẽterei umi mbaʼe ñanemoag̃uítava Ñandejárare. Ha Jesús ohechauka porã vaʼekue ñande ñañemotiémpomante vaʼerãha Ñandejárape g̃uarã jahupyty hag̃ua upéva.

“Ne ñeʼẽ hína la verda” (Juan 17:17).

• Jesús ohechauka vaʼekue Ñandejára Ñeʼẽ la Biblia iñimportantetereiha ñandéve g̃uarã ikatu hag̃uáicha jaikuaa porãve Ñandejárape ha ñañemoag̃ui hese.

Upévare eñemotiémpokena eñemoag̃ui hag̃ua Ñandejárare. Eikuaa porãvéramo chupe ha eñemoag̃uíramo hese, katuete revyʼaitereíta. Ha rejapo hag̃ua upéva ikatu hína nepytyvõ koʼã mbaʼe:

• Elee la Biblia gratiete.

• Ejerure restudia hag̃ua la Biblia peteĩ persónandi.