Te Kaetieti Ibukini Wikin Turai 27

Anene 42 ao Tataro

Te Reirei n te Baibara n te Ekaretia:

fy mwa. 15 ¶1-10 (30 min.)

Te Kuura ni Kataneiai Ibukia Taan Uarongorongo:

Wareware n te Baibara: 1 Uea 15-17 (8 min.)

Na. 1: 1 Uea 15:16-24 (3 min. ke i aana)

Na. 2: Tera Reireiara Ibukin Iehova, n te Kantaninga Ibukin te Mangauti?—fg-i. 13 ¶4 (5 min.)

Na. 3: Tera Aroni Bairean Ara Mwakuri n Uarongorongoa te Tautaeka n Uea?—jl-Reirei 12 ¶1, 2 (5 min.)

Te Botaki Ibukin te Uarongorongo:

Te Boto n Iango n Te Namwakaina: ‘Naako, reireinia aomata bwa a na riki bwa taan rimwini Kristo.’​—Mat. 28:19, 20.

Anene 65

10 min: Ko Karikirakea Rabakaum n te Mwakuri ni Minita? Te maroro. Rinanoa te moani barakirabe n Ara Mwakuri ni Minita ae bwaini Beberuare 2014, ae katuruturua te boto n iango ae bati mwakorona ibukini “Karikirakean Rabakaura n te Mwakuri ni Minita.” Kakimototoa n taekin reirei tabeua ake a tia n rinanoaki ma imwaina. Kaoia kaain te botaki bwa a na taekin kakabwaiaaia aika okoro mani kaongora akanne. Kaungaia taan uarongorongo bwa a na kaatuua riki iangoan te anga ni mwakuri, are e katereaki karaoana ni katoa namwakaina mani karaoani baike a taekinaki n te atu ae “Kataa Aei n te Namwakaina.”

10 min: Kabongana “An Introduction to God’s Word” Ni Buoka Iai Am Reirei n te Baibara. Te maroro. Iangoia bwa ti na kangaa ni kabonganai atu ni maroro aikai, ni buokiia ara reirei n te Baibara bwa a na mwaatai ni kabongana te Baibara: (1) “How to Find Bible Verses.” (2) Question 19: “What is contained in the various books of the Bible?” (3) Question 20: “How can you get the most out of your Bible reading?” E na karaoaki naba te kaotioti ae kimototo iroun te tia uarongorongo ma ana reirei, ni maroroakina te atu teuana mai buakon akanne imwin aia reirei.

10 min: “Ara Bwaoki ni Mwakuri Ibukin te Angareirei.” Titiraki ao kaekaaia.

Anene 125 ao Tataro