Te Kaetieti Ibukini Wikin Tianuare 27

Anene 106 ao Tataro

Te Reirei n te Baibara n te Ekaretia:

bh mwa. 6 bar. 15-20, te bukinibaa n i. 208-211 (30 min.)

Te Kuura ni Kataneiai Ibukia Taan Uarongorongo:

Wareware n te Baibara: Karikani Bwaai 17-20 (10 min.)

Na. 1: Karikani Bwaai 17:18–18:8 (4 min. ke i aana)

Na. 2: E Aki Nako Karawa Iesu ma Rabwatana n Aomata​—rs-E i. 334 bar. 1-3 (5 min.)

Na. 3: Aba​—E Kanga ni Kabonganaaki n te Baibara te Taeka ae “Aba”, ao A Kanga Aomata ni Kabongana n te Aro ae Aki Riai?​—it-1-E i. 13-14 (5 min.)

Te Botaki Ibukin te Uarongorongo:

Anene 121

5 min: Moana te Reirei n te Baibara n te Moani Kaonobong. Te kabwarabwara. Kabwarabwaraa te babaire ibukin te mwakuri ni minita n te moani Kaonobong ni Beberuare, ao kaungaia ni kabane bwa a na anga aia ibuobuoki. Karaoa te kaotioti ae kimototo ni kabongana aroni kabwarabwaraan te maekatin n iteraniba 4.

15 min: Baikara Tiam Ake Ko Tabe n Uaiakin n Am Beku Ibukin te Atua? Te maroro ae boto i aon te boki ae Baireaki Ibukini Karaoan Nanon Iehova, iteraniba 117, barakirabe 2, ni karokoa tokin te mwakoro. Maroro ma temanna ke uoman taan uarongorongo ake a a roko n tiaia ae kabwaninan aia tai ni beku ibukin te Atua. Tera te kaungaunga ae a karekea mairouia tabemwaang? Baikara bwaai n tutuki ake a tokanikai i aoia? Baikara kakabwaia ake a karekei?

10 min: “Ninikiran te Maekatin​—E Rangi ni Manena Ibukini Moanakin te Reirei n te Baibara.” Titiraki ma kaekaaia. Kaoia kaain te botaki bwa a na karakina aroia ni kona ni moana te reirei n te Baibara ma te aomata ae a ninikira ana maekatin.

Anene 103 ao Tataro