Aroni Kabwarabwaraan te Maekatin

Moanakin te Reirei n te Baibara n te Moani Kaonobong ni Beberuare

“A kakaokoro aia iango ibukin te Baibara, aomata ake ti maroro ma ngaiia. A kakoauaa tabeman bwa bon Ana Taeka te Atua, ma a iangoia ake tabeman bwa titeboo ma booki nako. Tera am iango ibukin te Baibara?” Kariaia te kaeka. Kaota nakoina akun Te Taua-n-Tantani ae bwaini Beberuare 1, ao rinanoa ma ngaia te moan titiraki n te kaongora ao teuana te kibu. Aanga te maekatin ao bairea manga okim ni maroroakina te titiraki are imwina ae kaotaki naba n te iteraniba anne.

Te Taua-n-Tantani Beberuare 1

“A kan nora tokin te buaka angiia aomata. N am iango, e uaiakinaki te rau n te aonnaba? [Kariaia te kaeka.] Nora ae e beritanaki n te Baibara. [Wareka Taian Areru 46:9.] E kakannongora bwa mani bwaai ake a riki n te Moan Buaka Are Kabutaa Aonnaba ao buaka ake imwina, ti a kakoauaa raoi iai bwa e na waekoa te Atua ni kakoroa bukin te taetae ni burabeti aei ao ni katoka te buaka n aki toki. E kabwarabwaraaki anne n te maekatin aei.”