Te Kaetieti Ibukini Wikin Tun 24

TE WIKI AE MOANAKI N TUN 24

Anene 123 ao Tataro

□ Te Reirei n te Baibara n te Ekaretia:

cl mwa. 28 bar. 10-19 (30 min.)

□ Te Kuura ni Kataneiai Ibukia Taan Uarongorongo:

Wareware n te Baibara: Mwakuri 8-10 (10 min.)

Te Kauring Ibukin te Kuura ni Kataneiai Ibukia Taan Uarongorongo (20 min.)

□ Te Botaki Ibukin te Uarongorongo:

Anene 93

10 min: Bukin Ribootinakin Ara Mwakuri ni Minita. Te maroro ae boto i aon te boki ae Baireaki Ibukini Karaoan Nanon Iehova, iteraniba 88, barakirabe 1 nakon iteraniba 90, barakirabe 1. Kaungaia taan uarongorongo bwa a na karin aia ribooti ni moan te namwakaina.

10 min: “Karikirakea Aana ae Matoatoa.” Imwini maroroakinan te kaongora, karaoa te kaotioti ae 3-4 te miniti maanna ae kaota aron te tia kaira te reirei n te Baibara ae e a bane irouna ma te aomata ae reirei ma ngaia rinanoani mwakoro 19, barakirabe 23 n te boki ae Ana Reirei te Baibara, ao ni katauraoa te aomata anne ibukini moanakin te reirei n te wiki ae e na roko n te boki ae Tangiraki Iroun te Atua.

10 min: Te Boki ae E na Kabonganaaki n Turai ao Aokati. Te maroro. Rinanoa kanoan te boroutia ae Te Rongorongo ae Raoiroi, n te aro ae kimototo. Karaoa te kaotioti ni kaota aron tibwaakin te boroutia ni kabongana aroni kabwarabwaraan te boroutia n iteraniba 4, ke teuana mai buakon aroni kabonganaan te boroutia n Ara Mwakuri ni Minita ae bwaini Maati 2013.

Anene 129 ao Tataro