Kabatiai Ami Tai Ibukini Katituaraoan Iehova
1. Tera te babaire ae boou ae ti na buokaki iai ni “kabatia katituaraoan Iehova”?
1 N te namwakaina ae Maati n te ririki aei, ao e moani waakinaki iai te babaire ae boou are e a reke iai aia tai taan uarongorongo n auxiliary bwaiania ni kakoroa 30 te aoa ae kainnanoaki ni Maati ao Eberi ni katoa ririki, ao n namwakaina aika e kawara iai te ekaretia te mataniwi n te aono ae uarereke. Ngkana e kawara te ekaretia ni moa mani kabaneani bongin te namwakaina teuana nakoni moan te namwakaina are imwina, a kona taan uarongorongo ake a anga araia ibukini kakoroan 30 te aoa ae kainnanoaki n rinea te namwakaina teuana are a na auxiliary bwaiania iai. A kona auxiliary bwaiania ni kabane ni kaea te reirei are e na karaoia te mataniwi anne ma regular ao special bwaiania. E nanonaki n aei bwa ngkana ti aki kona ni kakoroa 50 te aoa ae kainnanoaki, ti kona n teimatoa ni “kabatia katituaraoan Iehova” ngkana ti auxiliary bwaiania aua te tai n te ririki ni kakoroa 30 te aoa ae kainnanoaki.—TaiAre. 109:30, BG; 119:171.
2. Tera ae a na karekea te koraki ake a auxiliary bwaiania n rokon te mataniwi n te aono ae uarereke?
2 N Rokon te Mataniwi n te Aono ae Uarereke: A bati riki ngkai aika a kona n auxiliary bwaiania n rokon te mataniwi n te aono ae uarereke, ao ni karekea te ikaungaunga i marenaia ngkana a toa ma te mataniwi anne n te mwakuri ni minita. (IRom 1:11, 12) A bati auxiliary bwaiania aika a na bae ni baireia bwa a na anaa aia motirawa teuana te bong n te wiki bwa a aonga n toa ma te mataniwi anne. A kona te koraki ake a mwakuri ni kareketianti i nanon te wiki, ni butiia te mataniwi anne bwa a na toa ma ngaia n te Kaonobong ke te Taabati. Irarikin anne, ai kaungananora ibukia auxiliary bwaiania bwa a na kaea te reirei ibukia bwaiania n ikotaki ma regular ao special bwaiania!
3. Bukin tera bwa bon te tai ae nakoraoi ibukin te auxiliary bwaiania namwakainan te Kauring?
3 I Nanoni Maati ao Eberi: A a kona ngkai ni kataboroa riki aia “karea ni karaoiroi,” te koraki ake a kamanena te babaire ngkoa n auxiliary bwaiania ibukin teuana te namwakaina ae namwakainan te Kauring ao ni kakoroa iai 30 te aoa ae kainnanoaki! (Ebera 13:15) A nakoraoi namwakaina aika Maati ao Eberi ibukini karababaan ara mwakuri ni minita ngkana ti auxiliary bwaiania. Ni katoa ririki n namwakaina akanne, ti uataboa iai te mwakuri ae kakukurei ae kaoaia aomata nakon te Kauring. Irarikin anne, ti kona n toa ma taan uarongorongo aika kakaokoro ibukina bwa a bati aika a karababaa aia mwakuri ni minita n namwakainan te Kauring. Imwin te Kauring, ti a manga kawariia te koraki ake a kan ongora ake a kaea te Kauring ao ni karikirakea ingaingan nanoia nakon te kabwarabwara ae okoro ibukia aomata nako. E na kaungaaki nanom bwa ko na kamanenai raoi taai aika raka aikai ibukin te auxiliary bwaiania?—Ruka 6:45.