Karikirakea Aana ae Matoatoa

Maanra te tai ae ti riai n reirei n te Baibara ma te aomata ae noraki rikirakena iai? E tamaroa riki ngkana ti reitaanako ara reirei n te Baibara ma te aomata ae noraki rikirakena iai, ni karokoa baneni booki aika uoua ae Tera Ana Reirei ni Koaua te Baibara? ao “Kawakiningkami n te Aro ae Kam na Teimatoa n Tangiraki Iai Iroun te Atua.” E riai karaoan aei, e ngae ngke e a bwabetitoaki te aomata anne imwain ae a bane irouna booki akanne. Imwini bwabetitoana, ti riai n teimatoa ni korea mwin te tai, manga okirana ao te reirei ma ngaia. E riai naba n taua mwin ana tai te tia uarongorongo are e katoaira ao e anga ana ibuobuoki n te reirei. Ni baneni booki aika uoua ma aomata ake ti reirei ma ngaiia n te Baibara, ti a buokiia iai bwa a na toua “te kawai ae tiki nakon te maiu.”​—Mat. 7:14.